Choose Language
Old Testament Books
New Testament Books
1«Шоканэ мынам лябӟиз; улоно нуналъёсы сылмо ни;
шайгуос мынам азям сыло ни.
2Соос монэ унь-мань ӧй ке карысалзы,
соос ченгешылыку но мон каньылэн улысал.
3Ачид Аслад азяд мон пала пыр, дурбасьты!
Кин бен мыным дурбасьтоз?
4Уго Тон соослэсь сюлэмзэс валасьтэм карид,
соин ик соослы вормыса, шумпотыса улыны луонлык уд сёты.
5Кин аслэсьтыз эшъёссэ мылеслы кельтэ,
солэн нылпиосызлэн синъёссы ӵоксаськозы.
6Со монэ калык азьын мадёнлы, серекъян-веранлы пӧрмытӥз.
7Куректон-кайгуэн улыса, синмы пеймыт адӟыны кутскиз,
вань мугор люкетъёсы но вужер кадь луизы.
8Талы шонер улӥсьёс паймозы,
янгыштэм мурт чеберъяськисьлы вожзэ поттоз.
9Нош шонер улӥсь аслаз сюрес вылаз юн возиськоз,
киосыныз дун-чылкыт улӥсь мурт золгес но золгес юнматскоз.
10Ваньды берытске, матэ лыктэ;
тӥ пӧлысь визьнодозэ уг шедьтӥськы.
11Мынам улоно нуналъёсы ортчизы;
малпанъёсы – сюлмылэн ваньбурез – куашкатэмын.
12Нош соос уез нуназелы пӧрмытыны ӧдъяло,
югытэз пеймытлэн ымныр дораз матэ карыны малпало.
13Мон возьманы ке но кариськысал,
пыдэстэм дунне – мынам улон интые;
пеймыт азе мон валё аслэсьтым валесме;
14шайгуэлы шуо: ”Тон мынам атае”,
нумырлы: ”Тон мынам анае но сузэре”.
15Табере кытын бен мынам оскиськонэ на?
Мынэсьтым возьманоме но кин адӟоз?
16Дунне пыдэскы со васькоз но монэн огазьын сюйын кыллёз».
Глава 17
