Choose Language
Old Testament Books
New Testament Books
1Тани Салафиильлэн Зоровавель пиеныз но Иисусэн ӵош лыктэм священникъёс но левитъёс: Сераия, Иеремия, Ездра.2Амария, Маллух, Хаттуш,3Шехания, Рехум, Меремоф,4Иддо, Гиннефой, Авия,5Миямин, Маадия, Вилга,6Шемаия, Иоиарив, Иедаия,7Саллу, Амок, Хелкия, Иедаия. Та священникъёслэн но соослэн агай-вынъёссылэн Иисус улон нуналъёсы кузёйыръёссы.8Нош левитъёс: Иисус, Биннуй, Кадмиил, Шеревия, Иуда, Матфания – данъян кылъёс веранэн кивалтӥсь, со но, агай-вынъёсыз но,9Бакбукия но Унний, соослэн агай-вынъёссы, соосын ӵош возьмаськыса улӥсьёс вал.10Иисуслэсь вордӥськиз Иоаким, Иоакимлэсь вордскиз Елиашив, Елиашивлэсь вордӥськиз Иоиада,11Иоиадалэсь вордӥськиз Ионафан, Ионафанлэсь вордӥськиз Иаддуй.
12Иоаким улон нуналъёсы священникъёс, ёзъёслэн-выжыослэн йыръёссы вал: Сераиялэн выжыысьтыз Мераия, Иеремиялэн выжыысьтыз Ханания,13Ездралэн выжыысьтыз Мешуллам, Амариялэн выжыысьтыз Иоханан,14Мелихулэн выжыысьтыз Ионафан, Шеваниялэн выжыысьтыз Иосиф,15Харимлэн выжыысьтыз Адна, Мераиофлэн выжыысьтыз Хелкия,16Иддолэн выжыысьтыз Захария, Гиннефонлэн выжыысьтыз Мешуллам,17Авиялэн выжыысьтыз Зӥхрий, Миниаминлэн выжыысьтыз, Моадиялэн выжыысьтыз Пилтай,18Вилгалэн выжыысьтыз Шаммуй, Шемаиялэн выжыысьтыз Ионафан,19Иоиаривлэн выжыысьтыз Мафнай, Иедаиялэн выжыысьтыз Уззий,20Саллайлэн выжыысьтыз Каллай, Амоклэн выжыысьтыз Евер,21Хелкиялэн выжыысьтыз Хашавия, Иедаиялэн выжыысьтыз Нафанаил.
22Левит ёзъёслэн-выжыослэн йыръёссылэн нимъёссы Елиашив, Иоиада, Иоханан, Иаддуй (архиерейёс) кивалтон аръёсы дыр-вапумъёсты гожъян книгае гожтэмын вал, священникъёс но Персияын Дарий эксэйяськон аръёсы книгае гожтэмын вал.23Левийлэн пиосызлэн ёзъёссылэн-выжыоссылэн йыръёссы Елиашивлэн Иоханан пиез улон нуналозь книгае гожтэмын.24Левитъёслэн йыръёссы: Хашавия, Шеревия, Кадмииллэн Иисус пиез, соослэн агай-вынъёссы, соос вӧзын сылыса, тау карыку данъян кылъёс вераны пуктэмъёс, Инмар адямилэн, Давидлэн, пуктон-косонэзъя черодзы вуыку кырӟазы.25Матфания, Бакбукия, Овадия, Мешуллам, Талмон, Аккув – капка ӧс выжыын сылӥсьёс-возьмаськисьёс.26Соос Иоседеклэн Иисус пиезлэн Иоаким пиез улон нуналъёсы, улосвылэн Неемия кивалтон нуналъёсы, книга тодӥсь Ездра, священник, улон нуналъёсы вал.
27Иерусалимысь борддоръёсты вӧсяку, вань интыосын улӥсь левитъёсты ӧтьытӥзы, вӧсянэз ортчытыны соосты Иерусалиме лыктыны косӥзы, кимвалъёс, псалтирь, крезь шудыса кырӟаны, данъян кылъёс вераса, шумпотон-шулдыръяськон праздникез ортчытыны люказы.28Соку Иерусалим котырысь, Нетофаф ёросысь гуртъёсысь храмысь кырӟась-чирдӥсь пиос люкаськизы,29Беф-Гаггилгалысь но, Гева, Азмавет бусыосысь но, уго кырӟась-чирдӥсьёс Иерусалим котыре гуртъёс кылдытъязы.30Священникъёс, левитъёс чылкытатӥськизы, калыкез но чылкытатӥзы, капкаез но, борддорез но вӧсязы.31Соку мон Иудеяысь кивалтӥсьёсты борддор йылэ нуи но кык бадӟым хоръёсты вамышъяса мыныны султытӥ; одӥгез хор борддорлэн бурпалтӥз Кыед капка пала вамышъяз.32Соос бӧрсьы мынӥз Гошаия но Иудеяын кивалтӥсьёс пӧлысь ӝыны люкетэз,33Азария, Ездра, Мешуллам,34Иуда но Вениамин, Шемаия но Иеремия,35нош священникъёс пӧлысь гумы шудыса мынӥзы: Захария – Асафлэн Закхур пиезлэн Михей пиезлэн Матфания пиезлэн Шемаия пиезлэн Ионафан пиезлэн пиез,36солэн агай-вынъёсыз: Шемаия, Азариил, Милалай, Гилалай, Маай, Нафанаил, Иуда но Хананий, Инмар адямилэн, Давидлэн, крезьгур шудонъёсыныз, соослэн азьпалазы книга тодӥсь Ездра мынӥз.37Ошмес капка дорын, солы ваче пумитысен соос Давидлэн городаз тубатъёс вылтӥ тубизы, собере Давид коркалэн йылысьтыз борддор йылэ пагӟа кузя тубизы, шундыӝужанысь Ву капка дорозь вуизы.
38Мукетыз хор солэн ваче пумитаз мынӥз, соос бӧрсьы мон но, калыклэн ӝыны люкетыз но борддор кузя Гур каланча вӧзтӥ Паськыт борддор дорозь мынӥмы,39Ефрем капка дорысен, Вуж капка вӧзтӥ, Чорыг капка, Хананел каланча, Меа каланча вӧзтӥ Ыж капка доры мынӥмы, Пытсэт капка вӧзы дугдӥмы.40Собере кыкез ик хоръёс Инмар корка доры вуыса дугдӥзы, мон но, монэн ӵош кивалтӥсьёс пӧлысь ӝыны люкетэз,41священникъёс: Елиаким, Маасея, Миниамин, Михей, Елиоенай, Захария, Ханания гумыосынызы,42Маасея, Шемаия, Елеазар, Уззий, Иоханан, Малхия, Елам, Езер. Кырӟасьёс бадӟым куараен кырӟазы; Израхия вал соослэн кивалтӥсь йырзы.
43Со нуналэ бадӟымесь курбонъёс вайылӥзы но шулдыръяськылӥзы, уго Инмар соослы бадӟым шумпотон сётӥз. Кышноос но, нылпиос но шулдыръяськизы, Иерусалимлэн шулдыръяськемез кыдёке кылӥськиз.44Со нуналэ ик кенос висъетъёс доры адямиос пуктылэмын вал, калыклэсь ваем нырысь емышъёссэ, музъемазы будэм пӧлысь дасэтӥ люкетсэ, город вӧзысь бусыосысь священникъёслы, левитъёслы законэн сӥзем емышез мед бичалозы шуыса, уго иудейёслы сылӥсь священникъёс, левитъёс шоры учкылон шумпотон вае вал,45соос Инмарзылы вӧсяськон, сузяськон-чылкытатӥськон сямез ортчытылӥзы, соос ик Давидлэн но солэн Соломон пиезлэн пуктон-косонзыя кырӟасьёс-чирдӥсьёс, капка возьмасьёс луо вал.46Уго кемалась дыръёсы, Давидлэн но Асафлэн улон нуналъёсазы, кырӟасьёслы кивалтӥсь йыръёс пуктылӥзы, Инмарез ушъян, Солы тау карон кырӟанъёс кылдытъязы.47Вань израиль калык Зоровавелен Неемия улон аръёсы кырӟась-чирдӥсьёслы, капка возьмасьёслы нуналлы быдэ люкет сётылӥзы, калык сӥзем люкетъёсты левитъёслы сётылӥз, нош левитъёс – Аарон пиослы сётылӥзы.
Глава 12
