Choose Language
Old Testament Books
New Testament Books
1Калыклэн кивалтӥсьёсыз Иерусалимын улӥзы, нош мукетъёсыз, огшоры калык, соос пӧлысь, дас люкет пӧлысь, одӥг люкетэз святой Иерусалим городэ улыны мед мыноз, нош укмыс люкетэз пӧртэм городъёсы улыны мед кылёз шуыса, пус чӧлтӥзы.
2Ас мылкыдзыя Иерусалиме улыны кылемъёсты калык бакель кариз.3Тани Иерусалимын улӥсь улосвыллэн йыръёсыз, – нош Иудеяысь городъёсын асьсэлэн юртъёсазы улӥзы, котькудӥз аслаз городаз: израиль калык, священникъёс, левитъёс, нефинейёс, Соломонлэн ляльчиосызлэн пиоссы, –4Иерусалимын улӥзы Иуда но Вениамин выжыослэн нылпиоссы.
Иуда пиос пӧлысь: Фареслэн пиосыз пӧлысь Малелеиллэн Сафатия пиезлэн Амария пиезлэн Захария пиезлэн Уззия пиезлэн Афаия пиез,5Шилониялэн Захария пиезлэн Иоиарив пиезлэн Адаия пиезлэн Хазаия пиезлэн Колхозей пиезлэн Варух пиезлэн Маасея пиез.6Фареслэн Иерусалимын улэм пиосыз ньыль сю куатьтон тямыс кузя, ваньзы соос туж умоесь вал.
7Тани Вениаминлэн пиосыз: Исаиялэн Ифиил пиезлэн Маасея пиезлэн Колаия пиезлэн Федаия пиезлэн Иоед пиезлэн Мешуллам пиезлэн Саллу пиез,8нош со бӧрсьы Габбай, Саллай – ваньмыз-ӧвӧлэз укмыс сю кызь тямыс мурт.9Зӥхрилэн Иоиль пиез соослэн кивалтӥсьсы вал, нош Иуда, Сенуялэн пиез, городэн кивалтӥсьёс пӧлысь кыкетӥ адями вал.
10Священникъёс пӧлысь: Иоиаривлэн Иедаия пиез, Иахин,11Ахитувлэн Мераиоф пиезлэн Садок пиезлэн Мешуллам пиезлэн Хелкия пиезлэн Сераия пиез, – Инмар коркан кивалтӥсь,12соослэн агай-вынъёссы, Инмар коркан службаез нуисьёс – тямыс сю кызь кык мурт; Малхиялэн Пашхур пиезлэн Захария пиезлэн Амций пиезлэн Фелалия пиезлэн Иерохам пиезлэн Адаия пиез,13солэн агай-вынъёсыз, ёзъёслэн-выжыослэн йыръёссы – кык сю ньыльдон кык; Иммерлэн Мешиллемоф пиезлэн Ахзай пиезлэн Азариил пиезлэн Амашсай пиез,14солэн агай-вынъёсыз, туж умоесь адямиос – сю кызь тямыс мурт. Соослэн кивалтӥсьсы Гагедолимлэн пиез Завдиил вал.
15Нош левитъёс пӧлысь: Вуннийлэн Хашавия пиезлэн Азрикам пиезлэн Хашшув пиезлэн Шемаия пиез,16Шавфай но Иозавад, Инмар коркалэн сьӧрлось ужпумъёсыныз вырись левитъёслэн йыръёссы пӧлысь адямиос,17озьы ик Асафлэн Завдий пиезлэн Миха пиезлэн Матфания пиез, вӧсяськыку данъян кылъёс верасьёслэн йырзы, со бӧрсьы кыкетӥез луэ Бакбукия, агай-вынъёсыз пӧлысь пимурт, Идифунлэн Галал пиезлэн Шаммуй пиезлэн Авда пиез.18Святой городын кык сю тямыстон ньыль левит вал.
19Нош капка возьмасьёс: Аккув, Талмон но соослэн агай-вынъёссы, капка дорын возьмаськисьёс – сю сизьымдон кык мурт.
20Мукет израиль пиос, священникъёс, левитъёс Иудеяысь городъёсын улӥзы, котькудӥз аслаз люкетаз улӥз.21Нош нефинейёс Офелын улӥзы; нефинейёсын кивалтӥзы Цихаен Гишфа.22Иерусалимын левитъёсын кивалтӥз Уззий – Михалэн Матфания пиезлэн Хашавия пиезлэн Ваний пиезлэн пиез, Инмар коркан вӧсяськон мыныку кырӟась-чирдӥсь Асаф пиос пӧлысь мурт,23уго соос пумысен эксэйлэн нимысьтыз косонэз потэмын вал, кырӟась-чирдӥсьёс понна нуналлы быдэ сётъяны кӧттыр дасяллязы.24Петахия – Иудалэн Зара пиосыз пӧлысь Мешезавеллэн пиез, солы эксэй калыклэн пӧртэм кулэяськонъёсыныз вырон ужез сётӥз.
25Гуртъёсын, бусыосазы улӥсьёс пӧлысь, Иудалэн пиосыз Кириаф-Арбаын но со вӧзысь гуртъёсын, Дивонын но со вӧзысь гуртъёсын, Иекавцеилын но солэн гуртъёсаз улӥзы,26Иешуаын, Моладаын, Беф-Палетын улӥзы,27Хацар-Шуалын, Вирсавияын но со вӧзысь гуртъёсын улӥзы,28Секелагын, Мехонаын но со вӧзысь гуртъёсын,29Ен-Риммонын, Цораын но Иармуфын,30Заноахын, Одолламын но соослэн гуртъёсазы, Лахисын но солэн бусыосаз, Азекаын но со вӧзысь гуртъёсын улӥзы. Соос Вирсавиялэн сьӧраз, Енном нёжал дорозь улыны интыяськизы.
31Вениамин пиос Геваысен кутскыса Михмасэ, Гайе, Вефиле но со вӧзысь гуртъёсы,32Анафофе, Нове, Ананияе,33Гацоре, Рамае, Гиффаиме,34Хадидэ, Цевоиме, Неваллатэ,35Лодэ, Оное, Харашим нёжалэ улыны интыяськизы.36Левитъёслэн но улон интыоссы Иудаен Вениаминлэн музъемъёсазы сыло вал.
Глава 11
