Choose Language
Old Testament Books
New Testament Books
1Печатьсэс нюртӥсьёс пӧлын вал: Гахалиялэн пиез Неемия-Тиршафа но Седекия,2Сераия, Азария, Иеремия,3Пашхур, Амария, Малхия,4Хаттуш, Шевания, Маллух,5Харим, Меремоф, Овадия,6Даниил, Гиннефон, Варух,7Мешуллам, Авия, Миямин,8Маазия, Вилгай, Шемаия – соос священникъёс.
9Левитъёс: Азаниялэн Иисус пиез, Хенададлэн пиосыз пӧлысь Биннуй, Кадмиил,10Соослэн агай-вынъёссы: Шевания, Годия, Клита, Фелаия, Ханан,11Миха, Рехов, Хашавия,12Закхур, Шеревия, Шевания,13Годия, Ваний, Венинуй.
14Калыклэн йыръёсыз: Парош, Пахаф-Моав, Елам, Заффу, Вания,15Вунний, Азгад, Бевай,16Адония, Бигвай, Адин,17Атер, Езекия, Азур,18Годия, Хашум, Бецай,19Хариф, Анафоф, Невай,20Магпиаш, Мешуллам, Хезир,21Мешезавел, Садок, Иаддуй,22Фелатия, Ханан, Анания,23Осия, Ханания, Хашшув,24Лохеш, Пилха, Шовек,25Рехум, Хашавна, Маасея,26Ахия, Ханан, Анан,27Маллух, Харим, Ваана.
28Мукет адямиос но, священникъёс, левитъёс, капка возьмасьёс, кырӟасьёс, нефинейёс, мурт калыкъёс бордысь люкиськыса Инмар закон борды кариськем вань адямиос, соослэн кышнооссы, пиоссы, нылъёссы – ваньмыз, кинъёс валаны быгато вал,29тужгес но сӥё-дано агай-вынъёссы борды кариськизы, кыл сётыса, карганлэсь кышкаса, сӥзиськонэ пыриськизы – Инмарлэсь, Моисей ляльчиезлэн киыныз сётэм законзэ утьыны, Инмармылэсь Кузё-Инмарлэсь вань курон-косонъёссэ, Солэсь пуктон-косонъёссэ, Солэсь гожтэмъёссэ быдэсъяны,30нылъёссэс мурт калыкъёслэн пиоссылы кышнолы сётонтэм, соослэсь нылъёссэс но ас пиоссылы кышно басьтонтэм вылысь кыл сётӥзы;31мурт калыкъёс вузъёс, вань вузано арбериоссэс суббота нуналэ вайизы ке, соослэсь суббота нуналэ, святой нуналэ, ум басьтэ; сизьым арлы быдэ одӥг пол вань пунэм тыронъёсты куштомы.
32Асьме куспын закон кутӥмы – арлы быдэ котькудмы Инмар коркалы мар кулэ, сое быдэстон понна сӥкльлэсь куинетӥ люкетсэ тырыны кулэ:33курбон нянь пыжонлы, нуналлы быдэ сётоно нянь курбонлы, нуналлы быдэ тылын сутӥськись курбонлы, субботаослы, выль толэзь потыкулы но мукет праздникъёслы, вӧсяськон тӥрлыкъёс басьтыны, Израилез сьӧлыкъёслэсь сузян понна курбонъёс басьтыны, Инмармылэн корказ мар лэсьтӥське, соосты быдэсъяны.
34Пу ваён пумысен пус чӧлтӥмы, священникъёс, левитъёс, калык ку, кыӵе улылы-бечелы тупатэм дыре, арлы быдэ, Инмармылэн корка азяз пу ваёно, Инмармылэн Кузё-Инмарлэн курбон сётоназ ӝуаса мед улозы шуыса, кызьы гожтэмын законын.35Ми кыл сётӥмы арлы быдэ Кузё-Инмармылэн корказ музъемамы будэм нырысь емышез, котькыӵе писпуосы будэм нырысь емышез вайыны;36озьы ик Инмармылэн корказ священникъёс доры, Инмармылэн корказ ужась-тыршисьёс доры, пиосмы пӧлысь нырысь вордскемъёссэ, пудоосмы пӧлысь но, кызьы гожтэмын законын, таза пудоосмы, векчи пудоосмы пӧлысь нырысь вордскемъёссэ вайыны кыл сётӥмы.37Нырысь изэм выль юмылэсь оглюкетсэ, котькыӵе писпулэсь нырысь емышсэ, вина, вӧй ваёмы Инмар коркалэн вӧзысьтыз кеносъёсы, священникъёс доры, музъемамы будэм пӧлысь дасэтӥ люкетсэ левитъёслы ваёмы. Соос, левитъёс, вань городъёсысь, кытын музъем ужен выро, дасэтӥ люкет бичалозы.
38Левитъёслы ваем дасэтӥ люкетэз бичакузы, левитъёс вӧзын священник сылоз – Ааронлэн пиез, левитъёс дасэтӥ люкетлы ваем дасэтӥ люкетсэс Инмармылэн коркасьтыз ваньбур возён комнатаосы мед ваёзы шуыса,39уго кызьы ке Израиль пиос, озьы ик левитъёс саламлы ваемъёсты – ю-нянез, винаез, вӧез – та комнатаосы тырыны кулэ. Отын священной сосудъёс сыло, ужась-тыршись священникъёс, капка возьмасьёс, кырӟасьёс отын уло. Инмармылэсь корказэ ми ум куштэ.
Глава 10
