Choose Language
Old Testament Books
New Testament Books
1Борддорез лэсьтыса вуттэм бере мон ӧсъёс пуктӥ, асьсэ интые пуктэмын вал капка возьмасьёс, кырӟасьёс, левитъёс.2Соку мон Ханани братэлы но Иерусалимысь изкарен кивалтӥсь Хананийлы косон сётӥ, уго со трос калык пӧлысь одӥгез тужгес но оскиськымонэз, Инмарлэсь кышканэн улӥсь адями вал,3мон соослы шуи: «Шунды шунтытозь, Иерусалимлэсь капкаоссэ медаз усьтэлэ, возьмаськисьёс сылыку, мед ворсалозы, капкаоссэ мед тунгоналозы». Соку мон Иерусалимын улӥсьёсты возьмаськыны пуктӥ, котькудзэ ас интыяз, котькудзэ ас коркаезлэн ваче бериназ пуктӥ.4Нош город паськыт но туж бадӟым, калыкез ке нош ӧжыт гинэ вал, коркаос но пуктыса вуттэмын ӧй вал.
5Инмаре мынам сюлэмам малпан сётӥз: нимо-дано муртъёсты, кивалтӥсьёсты, калыкез люкано но лыдъян-ӵотан ортчытоно. Нырысь ик вуэмъёслэсь ӵыжы-выжыоссэс гожъян бумагаез шедьтӥ, отын гожтэмын вал:
6Тани Вавилонысь Навуходоносор эксэйлэн пленэ нуэмъёсыз пӧлысь Иерусалиме, Иудеяысь городъёсазы берытскемъёс, та кунын улӥсьёс,7Зоровавелен, Иисусэн, Неемияен, Азарияен, Раамияен, Нахманиен, Мардохеен, Билшанэн, Мисферефен, Бигваен, Нехумен, Ваанаен ӵош лыктэмъёс.
Израиль калык пӧлысь адямиослэн лыдзы:8Парошлэн пиосыз – кык сюрс сю сизьымдон кык.9Сафатиялэн пиосыз – куинь сю сизьымдон кык.10Арахлэн пиосыз – куать сю витьтон кык.11Пахаф-Моавлэн пиосыз, Иисуслэн но Иоавлэн пиосыз пӧлысь – кык сюрс тямыс сю дас тямыс.12Еламлэн пиосыз – сюрс кык сю витьтон ньыль.13Заффулэн пиосыз – тямыс сю ньыльдон вить.14Закхайлэн пиосыз – сизьым сю куатьтон.15Биннуйлэн пиосыз – куать сю ньыльдон тямыс.16Бевайлэн пиосыз – куать сю кызь тямыс.17Азгадлэн пиосыз – кык сюрс куинь сю кызь кык.18Адоникамлэн пиосыз – куать сю куатьтон сизьым.19Бигвайлэн пиосыз – кык сюрс куатьтон сизьым.20Адинлэн пиосыз – куать сю витьтон вить.21Атерлэн пиосыз, Езекия выжыысьёс – укмыстон тямыс.22Хашумлэн пиосыз – куинь сю кызь тямыс.23Вецайлэн пиосыз – куинь сю кызь ньыль.24Харифлэн пиосыз – сю дас кык.25Гаваонысь потэмъёс – укмыстон вить.
26Вифлеемысь но Нетофаысь потэмъёс – сю тямыстон тямыс.27Анафофысь потэмъёс – сю кызь тямыс.28Беф-Азмавефысь потэмъёс – ньыльдон кык.29Кириаф-Иаримысь, Кефираысь но Беерофысь потэмъёс – сизьым сю ньыльдон куинь.30Рамаысь но Геваысь потэмъёс – куать сю кызь одӥг.31Михмасысь потэмъёс – сю кызь кык.32Вефильысь но Гайысь потэмъёс – сю кызь куинь.33Мукет Невоысь потэмъёс – витьтон кык.
34Мукетызлэн Еламлэн пиосыз – сюрс кык сю витьтон ньыль.35Харимлэн пиосыз – куинь сю кызь.
36Иерихонысь потэмъёс – куинь сю ньыльдон вить.37Лодысь, Хадидысь но Оноысь потэмъёс – сизьым сю кызь одӥг.38Сенаяысь потэмъёс куинь сюрс укмыс сю куамын.
39Священникъёс: Иисус выжыысь Иедаиялэн пиосыз – укмыс сю сизьымдон куинь.40Иммерлэн пиосыз – сюрс витьтон кык.41Пашхурлэн пиосыз – сюрс кык сю ньыльдон сизьым.42Харимлэн пиосыз – сюрс дас сизьым.
43Левитъёс: Кадмиил выжыысь Иисуслэн пиосыз, Годевалэн выжыысьтыз – сизьымдон ньыль.
44Кырӟасьёс: Асафлэн пиосыз – сю ньыльдон тямыс.
45Капка возьмасьёс: Шаллумлэн пиосыз, Атерлэн пиосыз, Талмонлэн пиосыз, Аккувлэн пиосыз, Хатиталэн пиосыз, Шовайлэн пиосыз – сю куамын тямыс.
46Нефинейёс: Цихалэн пиосыз, Хасуфалэн пиосыз, Таббаофлэн пиосыз,47Керослэн пиосыз, Сӥялэн пиосыз, Фадонлэн пиосыз,48Леваналэн пиосыз, Хагавалэн пиосыз, Салмайлэн пиосыз,49Хананлэн пиосыз, Гидделлэн пиосыз, Гахарлэн пиосыз,50Реаиялэн пиосыз, Рецинлэн пиосыз, Некодалэн пиосыз,51Газзамлэн пиосыз, Уззалэн пиосыз, Пасеахлэн пиосыз,52Весайлэн пиосыз, Меунимлэн пиосыз, Нефишсимлэн пиосыз,53Бакбуклэн пиосыз, Хакуфалэн пиосыз, Хархурлэн пиосыз,54Бацлифлэн пиосыз, Мехидалэн пиосыз, Харшалэн пиосыз,55Баркослэн пиосыз, Сӥсаралэн пиосыз, Фамахлэн пиосыз,56Нециахлэн пиосыз, Хатифалэн пиосыз.
57Соломонлэн ляльчиосызлэн пиоссы: Сотайлэн пиосыз, Соферефлэн пиосыз, Феридалэн пиосыз,58Иаалалэн пиосыз, Дарконлэн пиосыз, Гидделлэн пиосыз,59Сафатиялэн пиосыз, Хаттиллэн пиосыз, Похереф-Гаццевайимлэн пиосыз, Амонлэн пиосыз.
60Ваньмыз-ӧвӧлэз нефинейёс но Соломонлэн ляльчиосызлэн пиоссы куинь сю укмыстон кык.
61Тани Тел-Мелахысь, Тел-Харшаысь, Херув-Аддонысь но Иммерысь потэмъёс, кинъёс, кыӵе улы-бечеос пӧлысь, кыӵе выжыысь соос потэмын, израиль калык пӧлысь-а соос луо – вераны ӧз быгатэ.62Делаиялэн пиосыз, Товиялэн пиосыз, Некодалэн пиосыз – куать сю ньыльдон кык.63Священникъёс пӧлысь: Ховаиялэн пиосыз, Гаккоцлэн пиосыз, Верзеллийлэн пиосыз, кудӥз Галаад пилэсь Верзеллийлэсь нылзэ кышно басьтӥз, соослэн нимынызы нимаськыны кутскиз.64Ӵыжы-выжыосты гожъян пӧлысь ас выжызэс утчаны кутскизы но отысь номыр ӧз сюры, соин ик соос священник луонлэсь куштэмын вал.65Тиршафа соослы шуиз: «Уримен но туммимен священник султытозь, быдӟым святыняез эн сие».
66Ваньмыз-ӧвӧлэз ньыльдон кык сюрс куинь сю куатьтон мурт пыре вал татысь мерлыке-обществое.67Соослэн сизьым сюрс куинь сю куамын сизьым ляльчи пиоссы, ляльчи нылъёссы вал; соос вӧзын кырӟась-чирдӥсь пиос, нылъёс кык сю ньыльдон вить кузя вал.68Соослэн сизьым сю куамын куать валъёссы, кык сю ньыльдон вить мулъёссы,69ньыль сю куамын вить верблюдъёссы, куать сюрс сизьым сю кызь ишакъёссы вал.70Куд-ог улы-бечеослэн йыръёссы ужез быдэстыны коньдон тырылӥзы. Тиршафа ваньбур тыронэ сюрс драхма зарни, витьтон чаша, вить сю куамын священникъёслы служить карон дӥськут понӥз.71Куд-ог улы-бечеослэн йыръёссы ваньбур тыронэ ужез быдэстыны кызь сюрс драхма зарни но кык сюрс сю мина азвесь понӥзы.72Калык кызь сюрс драхма зарни но кык сюрс мина азвесь, куатьтон сизьым священникъёслы служить карон дӥськут сётӥзы.
73Священникъёс, левитъёс, капка возьмасьёс, кырӟась-чирдӥсьёс, мукет адямиос, нефинейёс, вань израиль калык асьсэлэн городъёсазы улыны кутскизы.
Глава 7
