Choose Language
Old Testament Books
New Testament Books
1Нисан толэзе, Артаксеркс кызетӥ арзэ эксэйын пукыку, со азьын вина сылӥз. Мон винаез кутӥ но эксэйлы сётӥ, со азьын ӝожлыко ӧй адӟиськы кадь мыным потӥз.2Нош эксэй мыным шуиз: «Малы тынад ымнырыд ӝож тусъем: тон уд висиськы, висёнэд ӧвӧл, нош сюлмад куректон улэ-а?» Мон туж юн кышкатски.3Соку мон эксэйлы шуи: «Пумтэм вапумъёс мед улоз эксэй! Кызьы мынам ымныры ӝож уз улы, куке атайёсылэн городзы, соослэн шайгуосын городзы куштӥськемын, солэн капкаосыз тылын сутэмын!»
4Эксэй мыным шуиз: «Мар тыныд кулэ?» Мон Инмысь Инмарлы вӧсяськи.5Мон эксэйлы шуи: «Эксэйлы ярамон ке, ляльчиед тынад мылкыдыдлы тупа ке, монэ Иудеяе ысты, атайёсылэн шайгуосынызы городэ, сое мон тупатыны мед быгатом».6Эксэй но солэн вӧзаз пукись эксэй кышно мыным шуиз: «Кӧня дыр кыстӥськоз сюресэд, ку тон берен вуод?» Кӧня дыр кулэ луонэз верай но, эксэй ӟеч эриксэ вераз монэ лэзён пумысен.7Эксэйлы мон шуи: «Эксэйлэн ӟеч эрикез вань ке, мыным шурсьӧр улосвылъёсын кивалтӥсьёслы гожтэт мед сётысал, – Иудеяе вуытозям пырпотыны мед лэзьысалзы,8эксэй нюлэсэз возьмась Асафлы но гожтэт мед гожтысал, – Инмар корка бордысь капкаосты, кар борддорез лэсьтыны, аслым улыны корка пуктыны но коръёс мед сётысал». Мар кури, эксэй мыным сётӥз, уго Инмарлэн ӟеч лэсьтӥсь киыз мон вылын вал.9Шурсьӧр улосвылъёсын кивалтӥсьёс доры лыктыса, эксэйлэсь гожтэтъёссэ сётӥ. Нош эксэй монэн ӵош ожен кивалтӥсьёссэ вал вылын ветлӥсь ожгарчиосынызы ӵош ыстӥз.
10Та сярысь Санаваллат, хорон пи, но Товия, аммон ляльчи, кылӥзы но, кӧтсы урод луиз, израиль пиос понна сюлмаськись адями лыктэм шуыса.
11Иерусалиме вуэм но отын куинь нунал улэм берам,12– нокинлы номыр вератэк, Инмар мар мынам сюлмам понӥз Иерусалим пумысен, – уйин султыса, мон бордын ветлӥсь кӧня ке муртъёсты сьӧрам кутӥ; мон дорын нокыӵе но пудо-живот ӧй вал, кин вылын мон лыктӥ, сое вератэк.13Уйин, Нёжал капка пыр Дракон ошмес азьтӥ мыныса, Кыед капка доры вуи но Иерусалимлэсь куашкатэм борддоръёссэ учки, солэсь тылын сутэм капкаоссэ но.14Ошмес капка доры, эксэй ӵыпет доры мон вуи, но отын интыез ӧй вал пуконо ишакелы отӥ ортчыны.15Соку мон уйин нёжал кузя берен туби но борддорез учкыса-чакласа ветлӥ, нош ик Нёжал капка пыр потыса, дорам бертӥ.
16Кузёйыръёс ӧз тодэ, кытчы мон ветлӥ, мар мон карисько: иудейёслы но, священникъёслы но, нимо-дано адямиослы но, кузёйыръёслы но, мукетъёсызлы но ужез быдэсъясьёслы та дырозь мон номыр но ӧй усьтылы.17Соослы мон шуи: «Тӥ адӟиськоды ук кыӵе шуге-леке асьмеос сюремын; Иерусалим тырттэм кельтэмын, солэн капкаосыз но тылын сутэмын; мыном но Иерусалимлэсь борддорзэ лэсьтом, азьланяз таӵе мыскыл карыса воземын ум ни луэ».18Соослы мон верай Инмарлэн киызлэсь мыным ӟеч лэсьтэмзэ, озьы ик эксэйлэсь мыным верам кылъёссэ. Соку соос шуизы: «Лэсьтӥськыны кутском», – ӟеч уж лэсьтыны киоссэс юнматӥзы.
19Санаваллат, хорон пи, аммон ляльчи Товия, Аравияысь Гешем та сярысь кылӥзы но милемыз серем каризы, синазькыль мылкыдын шуизы: «Кыӵе уж лэсьтыны тӥ ӧдъяськоды? Эксэйлы пумит бугырскон ӝутыны уд малпаське-а?»20Мон соослы ответ сётыса шуи: «Инмысь Инмар милемлы юрттоз но, ми, Солэн ляльчиосыз, лэсьтӥськыны кутскомы, нош тӥляд Иерусалимын люкетты, праводы ӧвӧл, тӥледыз буре ваён но уз луы».
Глава 2
