Choose Language
Old Testament Books
New Testament Books
1Елияшив, быдӟым священник, но солэн агай-вынъёсыз священникъёс султӥзы но Ыж капкаез пуктӥзы: сое вӧсязы, ӧсъёссэ пуктӥзы, собере Меа каланча дорысен Хананел каланча дорозь борддорез вӧсязы.2Со вӧзын Иерихонын улӥсьёс лэсьтӥськизы, нош соос вӧзын Имрийлэн Закхур пиез лэсьтӥськиз.3Чорыг капкаез Сенаяын вордскемъёс лэсьтӥзы: соос сое липизы, ӧсъёс, замокъёс, тунгонъёс пуктӥзы.4Соос вӧзын Гаккоцлэн Урия пиезлэн Меремоф пиез борддорез тупатъяз; соос вӧзын Мешизабеллэн Берехия пиезлэн Мешуллам пиез тупатъяз; соос вӧзын Бааналэн Садок пиез тупатъяз;5соос вӧзын Фекояын улӥсьёс тупатъязы; шонерзэ вераса, нимо-дано адямиоссы Кузё-Инмарзы понна ужаны чыртызэс ӧз мыкыртэ.
6Вужзэ капкаез тупатъязы Пасеахлэн Иоиада пиез но Бесодиялэн Мешуллам пиез: соос липизы, ӧсъёс, замокъёс, тунгонъёс пуктӥзы.7Соос вӧзын Гаваон пи Мелатия но Меронофысь Иадон, шурсьӧр улосвылэн кивалтӥсьлы тэрытскись Гаваонын, Мицфаын улӥсьёсын ӵош тупатъязы.8Соос вӧзын Уззиил, Харгаиялэн пиез, азвесь арбериос лэсьтӥсь тупатъяз, нош со вӧзын Гараккахимлэн Ханания пиез тупатъяз. Паськыт борддор дорозь Иерусалимез тупатъязы.9Соос вӧзын Рефаия, Хурлэн пиез, Иерусалимлэн ӝыны ёросэныз кивалтӥсь, тупатъяз.10Соос вӧзын, ас коркаезлы ваче пумитын, Харумафлэн Иедаия пиез тупатъяз, нош со вӧзын Хашавниялэн Хаттуш пиез тупатъяз.
11Борддорлэсь кыкетӥ люкетсэ Харимлэн Малхия пиез но Пахаф-Моавлэн Хашшув пиез тупатъяз; соос ик Гур нимо каланчаез тупатъязы.12Соос вӧзын Галлохешлэн Шаллум пиез, Иерусалимлэн ӝыны ёросэныз кивалтӥсь, тупатъяз, соин ӵош нылъёсыз но.13Нёжал нимо капкаез Ханун, озьы ик Заноахын улӥсьёс тупатъязы: ӧсъёс, замокъёс, тунгонъёс пуктӥзы; соос ик Кыед капка дорозь сюрс гырпум кузьда борддорез тупатъязы.
14Нош Кыед капкаез Рехавлэн Малхия пиез, Беф-Карем ёрослэн кивалтӥсез, тупатъяз, со сое пуктӥз, ӧсъёс, замокъёс, тунгонъёс пуктылӥз.15Ошмес капкаез Колхозейлэн Шаллум пиез, Мицфа ёрослэн кивалтӥсез, тупатъяз: со сое пуктӥз, липиз, ӧсъёс, замокъёс, тунгонъёс пуктӥз, – со ик эксэй садлы ваче пумит интыяськем Селах ӵыпет вӧзысь борддорез, Давидлэн городысьтыз васькись тубатъёс дорозь тупатъяз.16Со бӧрсьын ужаз Азбуклэн Неемия пиез, Беф-Цурлэн ӝыны ёросэныз кивалтӥсь, со Давидлэн шайгуэз дорозь, гудыса лэсьтэм ӵыпет дорозь, кышкасьтэмъёслэн корказы дорозь тупатъяз.
17Со бӧрсьын левитъёс тупатъязы: Ванийлэн Рехум пиез; со вӧзын аслаз ёросэз понна Хашавия, Кеильлэн ӝыны ёросэныз кивалтӥсь, тупатъяз.18Соос бӧрсьын тупатъязы соослэн агай-вынъёссы: Хенададлэн Баввай пиез, Кеильлэн ӝыны ёросэныз кивалтӥсь.19Нош со вӧзын тупатъяз Мицфаен кивалтӥсь – Иисуслэн Езер пиез – кыкетӥяз удысын, кудӥз интыяськемын вал сэрегысь ожмаськон тӥрлык возён интылы ваче беринэ.20Со бӧрсьын сюлмаськыса тупатъяз Забвайлэн Варух пиез, вуонояз удысын, сэрегысеныз кутскыса Елияшив быдӟым священниклэн коркаезлэн ӧс дорозяз.21Со бӧрсьын тупатъяз Гаккоцлэн Урия пиезлэн Меремоф пиез, вуонояз удысын, Елияшивлэн коркаезлэн ӧс дорысеныз кутскыса Елияшивлэн коркаезлэн пумозяз.22Со бӧрсьын тупатъязы котыр ёросъёсысь священникъёс.
23Со бӧрсьын тупатъязы Вениамин но Хашшув, ас корказылы ваче беринын; соос бӧрсьын тупатъяз Ананиялэн Маасея пиезлэн Азария пиез, аслаз корка вӧзаз.24Азариялэн корка дорысеныз сэрегозь, кожытсконозь, вуонояз удысын тупатъяз Хенададлэн Биннуй пиез.25Со бӧрсьын Узайлэн Фалал пиез ужаз, пытсэт юртлэн азбарез вӧзысь, эксэйлэн вылысь коркаез бордысь каланча дорысен кутскыса сэреглы ваче беринозь тупатъяз. Со бӧрсьын Парошлэн Федаия пиез тупатъяз.26Офелын улӥсь нефинейёс Ву капкалэн ваче бериназ, шундыӝужан палаз, адӟиськыса улӥсь каланча дорозь тупатӥзы.
27Соос бӧрсьын ваче пумит адӟиськыса улӥсь бадӟым каланча дорысен Офел борддор дорозь, вуонояз участокын, Фекояын улӥсьёс тупатъязы.28Вал капка бордысен кутскыса тупатъян ужез священникъёс нуизы, котькудӥз аслаз коркаезлы ваче беринын ужаз.29Коркаезлы ваче беринын тупатъяз Иммерлэн Садок пиез, нош со бӧрсьын Шеханиялэн Шемаия пиез, Шундыӝужанпал капкаын возьмаськись, тупатъяз.30Со бӧрсьын тупатъяз Шелемиялэн Ханания пиез но Цалафлэн куатетӥез пиез, Ханун, вуонояз участокын ужаз. Со бӧрсьын Берехиялэн Мешуллам пиез – комнатаезлы ваче беринын тупатъяз.31Со бӧрсьын Гацорфийлэн Малхия пиез – Гаммифкад капкалэн ваче беринысеныз нефинейёслэн но вузкарисьёслэн корказы дорозь, сэрегысь корка дорозь тупатъяз.32Сэрегысь коркаен Ыж капка вискын тупатъян ужен выризы азвесь тӥрлык лэсьтӥсьёс но вузкарисьёс.
Глава 3
