Choose Language
Old Testament Books
New Testament Books
1Ездра вӧсяськыку, сьӧлыкъёсызлэсь ӧпкельыса куштӥськыку, Инмар корка азьын погылляськыса бӧрдыкуз, со доры Израильысь туж трос калык люкаськиз, – пиосмуртъёс но, кышномуртъёс но, пичи пиналъёс но, – калык юн бӧрдӥз.2Елам пиос пӧлысь Иехииллэн Шехания пиез, ответ сётыса, Ездралы шуиз: «Музъем вылысь мурт калыкысь, мурт выжыысь асьмелы кышноос басьтылыса, Инмар азьын асьмеос йыруж лэсьтӥм, но Израиль тупатскоз шуыса оскиськон вань на;3Инмаренымы кусып кылдытоме табере кузёелэн но Инмармылэсь курон-косонъёссэ мур гажаса улӥсьёслэн визь-кенеш сётэмзыя, ми вань кышномуртъёсты, соослэсь вордскем нылпиосты асьме дорысь кошкыны лэзёмы, – законъя мед луоз!4Султы, уго та тынад ужед, ми тонэн ӵош: сэзь-сэзь кариськы, уждэ быдэстыны кутскы!»
5Ездра султӥз но священникъёсын, левитъёсын, быдэс Израилен кивалтӥсьёслы, соос тазьы лэсьтозы шуыса, кыл сётыны косӥз. Соос кыл сётӥзы.6Ездра султӥз но Инмар корка дорысь Елияшивлэн Иоханан пиезлэн корказ мынӥз. Со нянь ӧз сиы, ву ӧз юы, уго со улыны вуэмъёслэн йыружъёссы пумысен бӧрдыса улӥз.
7Иудеяын но Иерусалимын ялӥзы, ваньмыз пленысь берытскемъёс Иерусалиме мед люкаськозы шуыса.8Нош кин, куинь нунал ортчыса, ӧз ке лыкты, солэн вань юртъерез, кивалтӥсьёслэн, тӧроослэн верам кылзыя карган улэ сётэмын луоз, со адями улыны берытскемъёслэн эштосысьтызы куштэмын луоз.9Иудеяын но Вениамин музъемын вань улӥсьёс куинь нунал куспын Иерусалиме люкаськизы. Та вал укмысэтӥ толэзьлэн кызетӥ нуналаз. Вань калык Инмар корка вӧзысь падвожын пукиз но та ужен сэрен, озьы ик зорлы луыса куалекъяса улӥз.10Соку Ездра священник султыса шуиз: «Мурт калык выжыосысь нылъёсты кышнолы басьтыса, тӥ йыруж лэсьтӥды, озьы тӥ Израилез эшшо но сьӧлыко кариды на.11Та понна атайёстылэн Инмарзы Кузё-Инмар азьын ӧпкеле но Солэсь эриксэ быдэстэ, та музъемысь мурт калыкъёс бордысь, мурт калык выжыысь кышноос бордысь палэнске».
12Кенеше люкаськем вань калык бадӟым куараен тазьы шуиз: «Кызьы тон шуид, озьы ик лэсьтомы.13Калык трос люкаськиз, но зорыса улон вакыт вуэмен сэрен ульчаын сылыны уг ни луы вал. Со ужез но одӥг нунал яке кык нунал куспын быдэстыса уд вуы, уго асьмеос та ужын трос сьӧлыкамын.14Асьмелэн кивалтӥсьёсмы быдэс мерлыклэн-обществолэн интыяз мед султозы, вань городъёсысьтымы мурт калык выжыысь кышно басьтэмъёс тупатэм дыре татчы мед лыктозы, соосын ӵош вань городъёсысь тӧроос, отысь судьяос мед лыктозы, – та уж понна Инмармылэн ӝуась вожпотонэз асьме дорысь кошкыса вуытозь, татчы мед лыктозы».
15Соку Асаиллэн Ионафан пиез, Фиквалэн Яхзеия пиез та ужен кивалтыны кутскизы, Мешуллам но левит Шавфай соослэн юрттӥськисьёссы луизы.16Тазьы каризы пленысь берытскемъёс. Та ужез быдэстыны Ездра священникез пуктӥзы, котькуд ёзысь улыослэн-выжыослэн йыръёссы, ваньзы соос нимын-нимын верамын. Та ужез эскерон понна дасэтӥ толэзьлэн нырысетӥ нуналаз соос кенешон ортчытӥзы.17Нырысетӥ толэзьлэн нырысетӥ нуналозяз ваньзэс эскеризы, кинъёс мурт калык выжыысь кышно басьтӥзы.
18Священникъёслэн пиоссы пӧлысь но мурт калык выжыысь кышно басьтэмъёс сюризы, – Иоседеклэн Иисус пиезлэн пиосыз, агай-вынъёсыз пӧлысь: Маасея, Елиезер, Иарив но Гедалия;19соос оскытыса кизэс сётӥзы, шуизы: кышнооссэс кошкыны косозы, нош янгыш ужзы понна курбонлы ыж сётозы;20Иммерлэн пиосыз пӧлысь: Хананий но Зевадия;21Харимлэн пиосыз пӧлысь: Маасея, Елия, Шемаия, Иехиил но Уззия;22Пашхурлэн пиосыз пӧлысь: Елиоенай, Маасея, Исмаил, Нафанаил, Иозавад но Эласа;23левитъёс пӧлысь: Иозавад, Шимей но Келаия, со ик Клита, Пафахия, Иуда но Елиезер;24кырӟась-чирдӥсьёс пӧлысь: Елияшив; капка возьмасьёс пӧлысь: Шаллум, Телем но Урий;25нош Израильысь огшоры калык пӧлысь, Парошлэн пиосыз пӧлысь: Рамаия, Иззӥя, Малхия, Миямин, Елеазар, Малхия но Венаия;26Еламлэн пиосыз пӧлысь: Матфания, Захария, Иехиил, Авдий, Иремов но Елия;27Заффулэн пиосыз пӧлысь: Елиоенай, Елияшив, Матфания, Иремоф, Завад но Азиса;28Бевайлэн пиосыз пӧлысь: Иоханан, Ханания, Забвай но Афлай;29Ванийлэн пиосыз пӧлысь: Мешуллам, Маллух, Адая, Иашув, Шеал, Иерамоф;30Пахаф-Моавлэн пиосыз пӧлысь: Адна, Хелал, Венаия, Маасея, Матфания, Веселеил, Биннуй но Манассия;31Харимлэн пиосыз пӧлысь: Елиезер, Ишшия, Малхия, Шемаия, Симеон,32Вениамин, Маллух, Шемария;33Хашумлэн пиосыз пӧлысь: Мафнай, Мафафа, Завад, Елифелет, Иеремай, Манассия но Шимей;34Ванийлэн пиосыз пӧлысь: Маадай, Амрам но Уел,35Бенаия, Бидья, Келуги,36Ванея, Меремоф, Елиашив,37Матфания, Мафнай, Иаасай,38Ваний, Биннуй, Шимей,39Шелемия, Нафан, Адаия,40Махнадбай, Шашай, Шарай,41Азариел, Шелемиягу, Шемария,42Шаллум, Амария но Иосиф;43Неволэн пиосыз пӧлысь: Иеиел, Матфифия, Завад, Зевина, Иаддай; Иоель но Бенаия.44Ваньзы таос мурт калык выжыосысь асьсэлы кышно басьтӥзы, куд-огез нылкышноос таослы нуны вайыса но вуизы.
Глава 10
