Choose Language
Old Testament Books
New Testament Books
1Тани, Артаксеркс эксэйын пукыку, монэн ӵош Вавилонысь потэмъёслэн выжы-улыослэн йыръёссы но ӵыжы-выжыоссы:2Финеес пиос пӧлысь Гирсон; Ифамар пиос пӧлысь Даниил; Давид пиос пӧлысь Хаттуш;3Шеханиялэн пиосыз пӧлысь, Парошлэн пиосыз пӧлысь Захария, ӵыжы-выжы списокъя соин ӵош вал сю витьтон адями – пиосмуртъёс;4Пахаф-Моав пиос пӧлысь Эльегоенай, Зерахиялэн пиез, соин ӵош вал кык сю адями – пиосмуртъёс.5[Зафойлэн] пиосыз пӧлысь Шехания, Яхазииллэн пиез, соин ӵош куинь сю пиосмуртъёс;6Адинлэн пиосыз пӧлысь Евед, Ионафанлэн пиез, соин ӵош витьтон пиосмуртъёс;7Еламлэн пиосыз пӧлысь Иешаия, Афалиялэн пиез, соин ӵош сизьымдон пиосмуртъёс;8Сафатиялэн пиосыз пӧлысь Зевадия, Михаиллэн пиез, соин ӵош тямыстон пиосмуртъёс;9Иоавлэн пиосыз пӧлысь Овадия, Иехииллэн пиез, соин ӵош кык сю дас тямыс пиосмуртъёс;10[Ваанийлэн] пиосыз пӧлысь Шеломиф, Иосифиялэн пиез, соин ӵош сю куатьтон пиосмуртъёс;11Бевайлэн пиосыз пӧлысь Захария, Бевайлэн пиез, соин ӵош кызь тямыс пиосмуртъёс;12Азгадлэн пиосыз пӧлысь Иоханан, Гаккатанлэн пиез, соин ӵош сю дас пиосмуртъёс;13Адоникамлэн пиосыз пӧлысь берпумъёсыз, тани соослэн нимъёссы: Елифелет, Иеиел, Шемаия, соосын ӵош куатьтон пиосмуртъёс;14Бигвайлэн пиосыз пӧлысь Уфай но Заббуд, соосын ӵош сизьымдон пиосмуртъёс.
15Агавае усись шур дуре мон соосты люкай, отын ми куинь нунал ӵоже сылӥмы; калыкез, священникъёсты учки-чаклай но отысь Левий выжыысь пиосты одӥгзэ но ӧй шедьты.16Йыръёссэс – Елиезерез, Ариэлэз, Шемаияез, Элнафанэз, Иаривез, Элнафанэз, Нафанэз, Захарияез, Мешулламез, дышетскем муртъёсты (тодосчиосты) – Иояривез но Елнафанэз ӧтьыны ыстӥ.17Касифья улосысь кивалтӥсь йырлы, Иддолы, мед вазиськозы шуыса, соослы косон сётӥ, Иддолы но солэн агай-вынъёсызлы – Касифья улосын улӥсь нефинейёслы мар вераны кулэ, сое соослэн кылазы-ымазы понӥ, милям Инмармылэн корказ служить карись муртэ мед вайысалзы шуыса.18Инмармылэн ӟечсэ лэсьтӥсь киыз ми вылын улӥз бере, соос ми доры Махлий пиос пӧлысь Левийлэн Израиль пиезлэсь Шеравия визьмо пизэ вайизы, – солэсь пиоссэ, агай-вынъёссэ, – дас тямыс муртэ;19озьы ик Хашавияез, соин ӵош Иешаияез – Мерари пиос пӧлысь, солэсь агай-вынъёссэ, пиоссэ – кызь муртэ;20Давидлэн но солэн кивалтӥсьёсызлэн левитъёслы юрттӥськыны сётэм нефинейёс пӧлысь кык сю кызь мурт; ваньзы соос нимын-нимын верамын.
21Инмармы азьын зӥбыт-востэм кариськыса, Солэсь асьмелы, нылпиосмылы, вань ваньбурме нуыны ӟеч сюрес курыса, Агава шур дурын визяны (кӧс утьыны) косон ялӥ;22сюрес вылын милемыз тушмонлэсь мед утёзы шуыса, эксэйлэсь ожгарчиоссэ, вал вылын мынӥсьёссэ курыны мыным возьыт вал, уго, эксэен вераськыкумы, шуимы: «Инмармылэн киыз Солы вазиськисьёслы ӟечлык сётэ, нош Солэсь палэнскисьёслы Со Аслэсьтыз кужымзэ но вожпотонзэ возьматэ!»23Озьы ми визяса улӥмы но Инмармылэсь та сярысь куримы, Со милемыз кылӥз.
24Священникъёсын кивалтӥсьёс пӧлысь мон дас кык муртэ висъяй: Шеревияез, Хашавияез но соослэн агай-вынъёссы пӧлысь дас муртэ.25Весэн мертаса, соослы азвесь, зарни, сосудъёс сётӥ, – Инмармылэсь корказэ пуктонлы мар сётэмын вал, эксэй но, солэн визь-кенеш сётъясьёсыз но, кивалтӥсьёсыз но, отын улӥсь израиль калык но мае сётӥзы.26Соослэн киязы мертаса сётӥ куать сю витьтон талант азвесь, сю талант тыр азвесь сосудъёс, сю талант зарни,27кызь зарни чаша, сюрс драхма тыр; самой усто, чилясь ыргонлэсь лэсьтэм кык сосуд, соос зарни кадь дунъясько.28Мон соослы шуи: «Тӥ – Кузё-Инмарлы дун-чылкыт карыса дасямын, сосудъёс но – дун-чылкытэсь, азвесен зарни но – атайёстылэн Инмарзылы Кузё-Инмарлы – ӟечлыко салам луэ.29Сак луэ, священникъёслэн, левитъёслэн кивалтӥсьёссы кие, Иерусалимысь Израиль улы-выжыослэн йыръёссы кие, Кузё-Инмар корка бордысь ваньбур тырон интые мертаса сётытозяды, тае уте».30Мертам азвесез, зарниез, сосудъёсты священникъёс, левитъёс Иерусалимысь Инмармылэн корказ нуон понна киязы кутӥзы.
31Нырысетӥ толэзьлэн дас кыкетӥ нуналаз Агава шур дурысен Иерусалиме мыныны потӥмы; Инмармылэн киыз ми вылын улӥз, тушмонлэн киызлэсь, сюрес вылын милемды кутыны малпаса возьмаськисьёслэсь утиз.32Иерусалиме вуимы но отын куинь нунал улӥмы.33Ньылетӥяз нуналэ мертаса азвесьмес, зарнимес, сосудъёсмес Инмармылэн корказ сётӥмы, Уриялэн Меремоф пиезлы, священниклы, соин ӵош луэм Финееслэн Елеазар пиезлы, соосын ӵош луэм Иисуслэн Иозавад пиезлы, Виннуйлэн Ноадия пиезлы, левитъёслы,34ваньзэ лыдъяса, мертаса сётӥмы. Ваньзэ мае мертамы, со дыре ик сое гожтӥмы.
35Пленэ улыны нуэмъёс берытскем беразы Израильысь вань калык понна Израильлэн Инмарезлы тылын сутыса дас кык ошпи курбонлы сётӥзы; сьӧлыкъёс понна укмыстон куать ыж, сизьымдон сизьым ыжпи, дас кык кеч курбонлы сётӥзы: ваньмыз та Кузё-Инмарлы тылын сутыса курбонлы сётэмын вал.36Эксэйлэсь косонъёссэ эксэйлэн кузёйыръёсызлы, шур сьӧрысь улосэн кивалтӥсьёслы сётӥзы, соос калыкез, Инмар коркаез сӥлы каризы.
Глава 8
