Choose Language
Old Testament Books
New Testament Books
1Тани Давидлэн берпуметӥ кылъёсыз,
Иессей пилэн, Давидлэн верамъёсыз,
Иаковлэн Инмарезлэн вӧйын зырӟыса эксэе пуктэмезлэн,
Израильлэн чебер кырӟасезлэн, вылӥе пуктэм пимуртэзлэн веранэз:
2«Кузё-Инмарлэн Духез мон пушкын вера,
Солэн кылыз мынам кыл йылам улэ.
3Израильлэн Инмарез шуиз,
Израильлэн изгурезез мон сярысь вераз:
”Адямиосын кивалтӥсь шонерлыко луоз,
Инмарлэсь кышканэн кивалтӥз ке”.
4Ӵукна ӟардыку, чылкыт инбамын шунды ӝужаку, пиштыку,
зор бере кызьы сюй пушкысь турын-куар ӝужа,
5озьы ик ӧвӧл-а Инмар азьын мынам семьяе?
Со монэн ӵош пумтэм вапумъёслы кусып кылдытӥз уго –
юн, вошъяськисьтэм со.
Озьы ик Со дорысь уг-а поты мынам утиськонэ,
мынам вань мылкыд каронэ?
6Нош сьӧлыклэсь кышкасьтэмъёс киын кутыны ярантэм,
бышкись будос кадесь луозы;
7нош кин со борды йӧтӥськыны малпа,
со кияз корт лопатка яке шибодылэсь ныдзэ кутэ;
сое интыяз ик тылын суто».
8Тани Давидлэн кышкасьтэм адямиосызлэн нимъёссы: Ахамани пи Исбосеф – куиньназылы со йыр вал; со тямыс сю муртлы пумит шибодызэ ӝутӥз но огкутскемен ваньзэс вииз.
9Со бере мынэ Ахохилэн Додо пиезлэн Елеазар пиез – со куинь кышкасьтэмъёс, Давидэн ӵош ветлӥсьёс пӧлысь, соос куаретыса, ожмаськыны дасяськем филистим пиосты ӧтьылӥзы.10Израиль пиос соослэн пумитазы султӥзы. Елеазар султӥз но филистим пиосты погыръяны кутскиз, киыз жадьытозь погыръяз, киыз ик меч борды лякиськиз. Со нуналэ Кузё-Инмар бадӟым вормон сётӥз; калык со сьӧры мынӥз виылэмъёслэсь кылем-мылемзэс октон-калтон понна.
11Со бӧрсьы мынӥз Гарар карысь Агелэн Шамма пиез. Филистим калык Фирияе, яснык кизем бусые, люкаськем бере калык филистим пиос дорысь бызьыса кошкыны кутскем бере12Шамма бусы шоры султӥз, утиз сое, филистим ожгарчиосты погыртӥз. Соку Кузё-Инмар быдӟым вормон сётӥз.
13Куамын азьветлӥсьёс пӧлысь та куинез, бадӟымъёсыз, аран вадесын уллёосын люкаськем филистим ожгарчиос Рефаим нёжалын сылыку, Давид доры лыктыса, Одоллам пещерае пыризы.14Давид соку юнматэм карын вал, нош филистим ожгарчиослэн отрядзы Вифлеемын сылӥз.15Давидлэн сюэз куасьмиз, со шуиз: «Кин монэ капка дорысь, Вифлеемысь гудӟем вуэн секталоз?»16Соку та куинь кышкасьтэм пиос филистим ожгарчиос пыр потӥзы но Вифлеемысь, капка выжы дорысь гудӟемысь ву омыртыса, Давидлы вайизы. Но солэн тае юэмез ӧз поты, Кузё-Инмарлы сое кисьтӥз17но шуиз: «Кузё-Инмаре, тае юэмлэсь уть монэ! Ас улонзылы кышкытлык кылдытыса ветлӥсьёслэн та вирзы ӧвӧл-а?» Та вуэз юэмез ӧз поты. Тӥни, та куинь кышкасьтэмъёс мар лэсьтӥзы!
18Авесса но, Иоавлэн братэз, Саруялэн пиез, куиньназылы со йыр вал; со шибодыеныз куинь сю муртэз вииз, соин ик со куиньназы пӧлысь со самой нимо-даноез вал.19Куиньзы пӧлысь со нимо-даноез вал, кивалтӥсь вал, но сое куиньёсын оградэ пыртыны уг луы вал.
20Иодайлэн Ванея пиез, кышкасьтэм пиосмурт, быдӟым ужъёс лэсьтӥсь, со Кавцеилысь вал; со Моавысь Арииллэсь кык пиоссэ вииз; со ик лымы усён вадесын, гопе васькыса, левез вииз.21Со ик син шоры йӧтымон египет воргоронэз вииз; египет пилэн кияз шибодыез вал, нош Ванея солэн пумитаз бодыен мынӥз но, египет пилэсь шибодызэ таласа, сое аслаз шибодыеныз вииз.22Тӥни, мар лэсьтӥз Иодайлэн Ванея пиез, куинь кышкасьтэмъёс кадь ик со данлыко вал;23куамын азьветлӥсьёс пӧлын нимо-даноезгес вал, нош та куиньёсын сое оградэ пыртыны уг луы. Давид сое косонъёссэ быдэсъясьёс пӧлысь аслыз тужгес матаз кариз.
24[Тани Давид эксэйлэн кужмо муртъёсызлэн нимъёссы.] Куамын мурт пӧлын вал: Асаил, Иоавлэн братэз; Елханан – Вифлеемысь Додолэн пиез,25Хароди карысь Шамма, Хароди карысь Елика,26Палти карысь Херец, Фекоя карысь Иккешлэн Ира пиез,27Анафоф карысь Евиезер, Хуша карысь Мебуннай,28Ахохи выжыысь Цалмон, Нетофаф карысь Магарай,29Нетофаф карысь Бааналэн Хелев пиез, Вениамин пиослэн Гива карысьтызы Рибайлэн Иттай пиез,30Пирафон карысь Ванея, Нахле-Гаашысь Иддай,31Арба карысь Ави-Албон, Бархюм карысь Азмавет,32Шаалбон карысь Елияхба; Яшенлэн пиосыз – Ионафан,33Гарар карысь Шама, Арар карысь Шарарлэн Ахиам пиез,34Магахатилэн Ахасбай пиезлэн Елифелет пиез, Гило карысь Ахитофеллэн Елиам пиез,35Кармилысь Хецрай, Арби карысь Паарай,36Цобаысь Нафанлэн Игал пиез, Гад выжыысь Бани,37Аммон выжыысь Целек, Беротысь Нахарай, Саруялэн Иоав пиезлэн ожмаськон тӥрлык нуллӥсез,38Итриысь Ира, Итриысь Гареб,39хеттей пи Урия. Ваньмыз-ӧвӧлэз куамын сизьым мурт.
Глава 23
