Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ПЕТР АПОСТОЛЛЭН КЫК ЫСТЭМ ГОЖТЭТЭЗ
Иисуслэн дас кык дышетскисьёсыз пӧлысь одӥгез Петр вал. Солэн кык ыстэм гожтэтэз Библие пыремын. Нырысетӥ гожтэтаз Петр апостол шуэ:
«Тӥ тодӥськоды, атайёсты бордысь потэм алекъяськыса улонлэсь сисьмись азвесен яке зарниен тӥ мозмытэмын ӧвӧл шуыса, – тӥ мозмытэмын, чик шектэм-сьӧлыктэм, дун-чылкыт ыжпилэн кадь, Христослэн дуно Вирыныз... Уго котькудӥз но лулмугор – турын кадь, адямилэн данэз но – турын пӧлысь сяська кадь: турын куасьмиз но, солэн сяськаез усьылӥз; нош Кузё-Инмарлэн кылыз пумтэм дауръёс улэ. Та самой со кыл, кудӥз тӥледлы Ӟеч Ивор пыр тодытӥське.
Асьмелэсь сьӧлыкъёсмес Христос Ачиз Аслаз Мугорыныз кирос вылэ нуиз, сьӧлыкъёс понна кулэмын мед луомы, нош шонерлык понна мед уломы шуыса. Солэн яраосыныз тӥ бурмытскиды. Тӥ уго возьмаськисьтэк кыльыса йыромем ыжъёс кадесь вал, нош табере лулдэс Возьмась, Чаклась доры берытскиды... Уродлы пумит уродэн яке керетонлы пумит керетыса пунэмзэ эн берыктэ. Нош тӥ, эшшо ке, бакель каре, тодэ: со понна уго тӥ ӧтемын, – бакель каронэз (благословениез) басьтыны... Сюлмыныды Инмарез Кузё-Инмарез данъялэ... Асьмеды Инмар доры ваён понна, асьмелэн сьӧлыкъёсмы понна Христос но одӥг пол курадӟон адӟиз. Сьӧлыкоос понна Шонер Улӥсь мугорыныз виемын, нош духеныз улӟытэмын вал... Христослэн нимыз понна тӥ сярысь урод кылъёс верало ке, тӥ шудоесь. Уго данлэн Духез, Инмарлэн Духез тӥ вылын улэ... Тӥ пӧлысь нокин но адями виисьёсын, яке лушкаськисьёсын, яке йыруж лэсьтӥсьёсын, яке муртлэн ужаз пыриськисьёсын ог радэ курадӟонэ медаз сюры. Нош тон Христослэн муртэз луэм понна курадӟид ке, соку эн возьдаськы, таӵе адӟонэд понна Инмарез данъя».
Петр апостоллэн ыстэм 1-тӥ гожтэтэз
494 
