Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИИСУС ХРИСТОСЛЭН ИНМЕ ӜУТСКОНЭЗ
Кулэмысь улӟыса султэм бераз, Иисус Христос ньыльдон нунал ӵоже дышетскисьёсызлы возьматскылӥз но Инмар Эксэйлык сярысь вераськылӥз. Соосты огазе люкаса, соослы Со косон сётӥз: «Иерусалимысь эн кошке, Атайлэсь кыл сётыса верамезлэсь быдэсмемзэ возьмалэ. Со сярысь Мон тӥледлы вералляй. Иоанн вуэн пылатӥз, нош тӥ, кӧня ке нунал ортчыса, Святой Духен пылатэмын луоды... Тӥ вылэ Святой Дух васькоз но, тӥ кужым басьтоды. Иерусалимын но, быдэс Иудеяын но, Самарияын но, быдэс музъемлэн пумысеныз пумозяз ик Мынам адӟисьёсы-ивортӥсьёсы тӥ луоды...» Со шуиз на: «Мынэлэ быдэс дунне вылэ но вань адямиослы тодытэ Евангелиез. Оскись мурт, пылатэм мурт утемын луоз, нош кин ӧз оскы, судэ сюремын луоз. Оскисьёс сьӧрын таӵе тодметъёс ветлозы: Мынам нимыным периосты улляса поттылозы, выль кылъёсын вераськозы, кыйёсыз киынызы кутозы, виись макеез юизы ке но, соослы изъян уз луы; висисьёс вылэ кизэс понозы но, соос бурмозы».
Тае верам бераз, соослэн син азязы ик Иисус Христос ӝутскиз но, ӝоген пилем Сое азьысьтызы ӝутӥз. Солэн ӝутскон дыръяз, дышетскисьёсыз инбам пала учкыса уло вал. Шӧдтэк шорысь тӧдьы дӥськутэн кык пиосмуртъёс соос азе лыктыса султӥзы но шуизы: «Галилеяысь пиосмуртъёс! Мар тӥ инбам шоры учкыса сылӥськоды? Та, тӥ дорысь Инме ӝутскем Иисус, кызьы тӥ адӟиды Солэсь Инме ӝутскемзэ, Со озьы ик лыктоз».
Марклэсь Ӟеч Ивор 16:15-19; Апостолъёслэн ужъёссы 1:3-11
438 
