Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

МАРКЛЭСЬ ӞЕЧ ИВОР

Глава 16

16-тӥ ЛЮКЕТ

1Суббота ортчем бере Магдалина Мария, Иаков Мария но Саломия Мугорзэ зыран понна ческыт зыно вӧйёс басьтӥзы.2Арнялэн нырысетӥ нуналаз вазь ӵукна ик, шунды ӝужаку, шайгу доры лыктӥзы.

3Соос куспазы вераськизы: «Кин асьмелы шайгу ӧс бордысь изэз палэнтоз?»4Вылӥе учкизы но адӟизы: из палэнтэмын, нош со из туж бадӟым вал.5Шайгуэ пырем беразы адӟизы бурпалан пукись тӧдьы дӥсен дӥсяськем пинал пиез; туж куалектӥзы.6Нош со соослы шуиз: «Эн куалектэ, тӥ Назаретысь корӵогаськем Иисусэз утчаськоды; Со улӟыса султӥз, Со татын ӧвӧл. Тани интыез, кытчы Со понэмын вал.7Мынэлэ, Солэн дышетскисьёсызлы, Петрлы вералэ. Со тӥляд азяды Галилеяе вуоз. Кызьы Со тӥледлы вераз вал, Сое тӥ отысен адӟоды».8Шайгуысь потыса, бызьыса кошкизы. Соос туж кышкатскизы, туж куалектӥзы, нокинлы но, номыр но ӧз вералэ. Кышказы уго.

9Арнялэн нырысетӥ нуналаз, улӟыса султэм бераз, Иисус нырысь ик Магдалина Мариялы возьматскиз. Мария пушкысь Со сизьым периосты улляса поттӥз вал.10Мария мынӥз но Соин ӵош ветлӥсьёслы, бӧрдӥсьёслы, викышъясьёслы ивор сётӥз;11нош соос «Иисус улэп, мон Сое ачим адӟи» шуэмезлы ӧз оске.

12Та бере Иисус кыкезлы дышетскисьёсызлы, сюрес вылтӥ гуртэ мыныкузы, мукет тусын возьматскиз.13Берен вуэм беразы таос мукетъёсызлы ивортӥзы, нош таослэн верамзылы соос ӧз оске.

14Собере, сиськыса кыллён дыръязы, дас одӥгназылы ик Иисус возьматскиз но соосты оскымтэзы, чурыт сюлэмо луэмзы понна, Сое улӟемен адӟем муртъёслы оскымтэзы понна пыкылӥз.15Соослы шуиз: «Мынэлэ быдэс дунне вылэ но вань адямиослы тодытэ Евангелиез.16Оскись мурт, пылатэм мурт утемын луоз, нош кин ӧз оскы, судэ сюремын луоз.17Оскисьёс сьӧрын таӵе тодметъёс ветлозы: Мынам нимыным периосты улляса поттылозы, выль кылъёсын вераськозы,18кыйёсыз киынызы кутозы, виись макеез юизы ке но, соослы изъян уз луы; висисьёс вылэ кизэс понозы но, соос бурмозы».

19Дышетскисьёсыныз вераськем бераз Кузё-Инмар Инме ӝутскиз но Инмарлэн бурпалаз пуксиз.20Нош дышетскисьёсыз потӥзы но пӧртэм интыостӥ Ӟеч Ивор тодытыса ветлӥзы. Кузё-Инмар соослы юрттӥз, верам кылзэс пӧртэм тодметъёсын юнматъяз. Аминь.


предыдущая глава Глава 16 следующая глава