Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИИСУСЛЭН ВОШТӤСЬКОНЭЗ
Иисус, дышетскисьёсыныз вераськыкуз, Солы Иерусалимын кулоно луоз шуыса ивортӥз. Тӧроослэсь, архиерейёслэсь, книга тодӥсьёслэсь Солы трос курадӟон чидано луоз, виёзы, куинетӥ нуналаз улӟыса султоз шуыса верам бераз, дышетскисьёсыз ӝоже усизы. Улӟыса султэмез сярысь веран но соослэсь сюлэмзэс ӧз буйгаты, малы ке шуоно, соос уг на валало вал Солэсь верам кылъёссэ.
Кӧня ке нунал ортчыса, Иисус Петрез, Иаковез, солэсь вынзэ Иоаннэз бордаз басьтӥз но соосты огназэс ӝужыт гурезь йылэ нуиз. Соос азьын Со воштӥськиз: ымнырыз шунды кадь пиштыны кутскиз, нош дӥськутэз лымы кадь тӧдьы луиз. Со куспын ик Моисеен Илия возьматскизы но Кузё-Инмарен вераськыны кутскизы. Соку Петр Иисуслы шуиз: «Кузё-Инмаре! Милемлы татын умой; кулэ ке Тыныд, лэсьтом татчы куинь тылыс*а огзэ Тыныд, огзэ Моисейлы, огзэ Илиялы». Со вераськон дыръя ик, югыт пилем соосты шобыртӥз. Пилемысь куара кылӥськиз, со куара шуиз: «Та Мынам Яратоно Пие, Со бордын Мынам ӟеч эрике; Солэсь кылзӥське».
Тае кылыса, дышетскисьёсыз музъем вылэ кымин выдӥзы, туж курдазы. Нош Иисус, доразы лыктыса, бордазы йӧтӥськиз но шуиз: «Султэлэ, эн кышкалэ». Синъёссэс ӝутӥзы но, одӥг Иисусэз сяна, нокинэ но ӧз адӟе.
Гурезьысь васькыкузы, Иисус соосты алыса шуиз: «Та адӟемдэс, Адями Пи кулэмысь улӟыса султытозь, нокинлы но эн вералэ».
Матфейлэсь Ӟеч Ивор 16:21; 17:1-9; Лукалэсь Ӟеч Ивор 9:28-36
*а Тылыс – куща, шалаш.
356 
