Выбрать язык
Выбрать рассказ Ветхого Завета
Выбрать рассказ Нового Завета
Ипуш пā Иисус Геннисарет ԓор питаран ёх утаԓтас. Щи юпийн āув вера утаԓтаты ёхԓаԓа хопа ԓэԓты пāртас па ԓор па пелка манты. Иисус ёх эсаԓсаԓы, па кев рэп ԓоӈԓа манас пойкащты па етан щита уча хащиԓыйс. Вера утаԓтаты ёхԓаԓ хопан еԓ матсат. Туп хун ԓув ԓор кутпа ёхатсат, ун паԓтап вота питас.
Аԓаӈсахат кеман Иисус вера утаԓтаты ёхԓаԓ хоща ԓор йиӈк эԓты манас. Хун вера утаԓтаты ёхԓаԓ шияԓасат, хоты ахой йиӈк эԓты йиԓ, шек паԓтамасат.
”Щит исхор*а!” – ԓув паԓтамаман уваԓсат. Иисус мохты ԓувиԓаԓ ястас: ”Рома юваты, щит Ма, āԓ паԓаты.” Петра Иисуса ястаԓ: ”Куща*б, там Наӈ ки, пāрты манэм йиӈк эԓты Наӈ хощаен йиты.” ”Юва,” – Иисус ястас. Петра хоп эԓты охԓас па йиӈк хуват Иисус хоща манас. Туп ватман, хоты ун паԓтап вот поԓаԓ, Петра паԓтамас, йиӈка шуйԓаты питас па уваԓтас: ”Куща, манэм нох пайты¹!” Иисус мохты ёшаԓ ништасԓы, Петра катаԓсаԓы па ястас: ”Шимаԓ эваԓты от! Муя па наӈ ăт эваԓты питсан*?”
Хун Иисус па Петра хопа ԓэԓсаӈан, вот мохты шитама йис. Хой хопан усат, хоԓыя Иисус еԓпийн шāнша ракатсат па ястасат: ”Наӈ яна Турам Пох!”
Матфей 14:22-33
*а исхор – призрак
*б Куща – здесь: Господь (об Иисусе)
76 