Выбрать язык
Выбрать рассказ Ветхого Завета
Выбрать рассказ Нового Завета
Сот таԓат и юпийн матсат, муван хоят ара йис – Адам па Ева рутат. Айкеман¹ хоятат Турам хуԓантты ăт питсат. Хоятат самԓаԓ па ԓаӈхаты верԓаԓ иса лик пеԓа питсат. Турам самаԓ шакас – муя āув хоят верас. Туп и хоят хащас, хой Турма рахас. āув Турам саман уйман ванан тайсаԓы па Турам ястам щиран ус, иса вещката потартас па вещката ус*а. Щи хоят Ной нэм тайс.
Турам Ноя ястас: ”Ма иса хоятат па войт па щищкет муван паратԓаԓам. Туп наӈ наӈена шек ун хоп ям юх эԓты вера, хоп ԓыпийн хоп ятат вера, хопен ԓыпеԓ эԓты па кимаԓта уӈхан нэры. Ма мува щимащ шек ун йиӈк китԓам, иса ԓыԓаӈ отат йиӈкан парԓат. Туп ма наӈ пиԓэнан ясаӈ верты*б питԓам. Наӈена, наӈ имена, па наӈ хуԓам похԓана имиԓаԓ пиԓан ун хопа ԓоӈты мосаԓ.”
Хоԓна Турам ястас: ”Óн хопена иса войт па щищкет эԓты катанан уи: ху войт па нэ войт, вой рут муван шавиты кеша. Па ун хопа ԓэтот хоԓыя ԓапатты кеша уи.” Ной ун хоп воԓԓы щиты верас, хоты Турам партас. āув хопа ар ԓэтот хоԓыя ԓапатты кеша ус. Па хоятат куш ун хоп ватсэԓ па хуԓсэԓ, хоты Ной потартас, муй вещката, Турам ястам щиран уԓты мосаԓ, ԓув ищипа туӈа-щира ăт йисат. Атам номасԓаԓ па верԓаԓ хайты ăт ԓаӈхасат, Турам ещаԓт самԓаԓ ăт кератсат.
Хоты иса муван уԓапса питас (Бытие) 6:5-22;
Петра оԓаӈ китам письмо (1 Петра) 3:20;
Петра кимет китам письмо (2 Петра) 2:5
*авещката потартас па вещката ус – правду говорил и праведно жил
*бясаӈ верты – заключить договор
12 