Выбрать язык
Выбрать рассказ Ветхого Завета
Выбрать рассказ Нового Завета
Турам Адама па Евая иса сад арсыр юхат эԓты фруктат ԓэты эсԓас, туп и уԓты юх эԓты фруктат ԓэты ăт эсԓас. Щи фруктат хоятата уйтты маԓат, муй ям, муй лик. Турам ястас, щи юх эԓты нын фрукт ԓэԓтан ки, нын сāрма питԓатан.
Сатана – атам ликаӈ ԓыԓат*а куща, Турма па хоята вурака*б уԓты от, Адам па Ева сāрма пайтты номас ус. āув Ева хоща хув ващ воя верасман ёхтас па ястас: ”Яна муй, Турам ястас: ”Рай муван нэмаԓты юх эԓты фруктат āԓ ԓэватан”?” Ева ёхԓы ястас: ”Туп и уԓты юх эԓты фруктат, матэт хоятата уйтты маԓат, муй ям, муй лик, ԓэты ăт эсԓас. Турам ястас, мин сāрма питԓаман, щи фруктат хоща ки ёшан хойԓыԓман.” Хув ващ воя верасман от ястас: ”Антом, нын сāрма ăт питԓатан. Нын Турам иты уйтты питԓатан, муй ям, муй лик.”
Ева хуԓантас, па вантас: ăт эсԓам юх эԓты фруктат шек самаԓа рахсат. āув юх эԓты фрукт маншас па ԓэс, па Адам икеԓа фрукт мас, па ԓув ищи ԓэс.
Щи порайн ԓын āша пайтсаԓан¹, ԓын шияԓасԓан – воԓԓы сохԓы уԓԓаӈан – нярӈан. āын еԓэма кут кутан¹ эԓты йисӈан па юх лыптат эԓты сох версатан. Хун ԓын Турам тур сый хуԓсаӈан, ԓын ханемасӈан. Турам Адам инщасас: ”Наӈ фрукт Ма ăт эсԓам юх эԓты ԓэсан?” Адам ёхԓы ястас: ”Наӈ манэм мийм нэӈеман щи юх эԓты фруктан масайм – па ма ԓэсам.” Па Ева Турма ёхԓы ястас: ”Хув ващ войн олмащисаюм па ма ԓэсам”.
Щи порайн Турам хув ващ вой атам вера пайтсаԓы. Турам Евая ястас: ”Няврэмат ԓаварта сэма пайтты питԓан”. Па Турам Адама ястас: ”Шаӈкап веншан*в ԓаварт рупатайн нянь ёша пайтты питԓан. Хун сāрма питԓан, па щи мув хорпия йиԓан, щи мув эԓты усайн”. (Турам хоят мув эԓты версаԓы). Щимащ ԓаварт уԓапсая ԓын пайтассаӈан щи урӈа, муя ԓын Турам ăт хуԓантсаӈан.
Щи юпийн Турам Адам па Ева рай сад эԓты воштасԓы.
Хоты иса муван уԓапса питас (Бытие) 3:1-24
*аатам ликаӈ ԓыԓ – злой дух, бес
*бвурак – враг
*вшаӈкап веншан – в поте лица
10 