Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 22

22-тӥ ЛЮКЕТ

1Кылчин мыным Инмарлэн но Ыжпилэн престолэз бордысьтыз потӥсь, кристалл кадь югыт, улон вуэн чылкыт шурез возьматӥз.2Городлэн ульча шораз, шурлэн мыд-мыд палаз улон писпу будэ. Ар ӵоже со дас кык пол емыш вае, толэзьлы быдэ емышсэ сётэ, нош писпулэн куаръёсыз калыкъёслы бурмон сёто.3Татын номыр но каргамез уз ни луы; татын Инмарлэн но Ыжпилэн престолэз луоз. Солэн ляльчиосыз Солы тыршыса улозы,4Солэсь ымнырзэ адӟозы; Солэн нимыз соослэн кымес бордазы гожтэмын луоз.5Отын уй но уз луы, лампадалэн но, шундылэн но югытсы кулэ уз ни луы, уго Инмар Кузё-Инмар соослы югыт сётӥсь луоз. Пумтэм вапумъёс ӵоже соос эксэй радын улозы.

6Со мыным шуиз: «Та кылъёс шонересь, зэмесь. Святой пророкъёслэн Инмарзы Кузё-Инмар Аслэсьтыз Кылчинзэ Аслаз ляльчиосызлы мар ӝоген луыны кулэ, сое возьматыны ыстӥз.7Тани, ӝоген Мон лыкто. Шудо со мурт, кин та книгаысь азьпалзэ тодытонлэсь кылъёссэ утьыса улэ».

8Мон, Иоанн, ваньзэ тае ачим адӟи но, кылӥ но. Нош куке мон тае кылӥ, адӟи, солы мед йыбырттом шуыса, мыным тае возьматъясь Кылчинлэн пыд выжыяз уськытскыса йыбырттӥ.9Но со мыным шуиз: «Эн, тазьы эн лэсьты. Мон тонэн, тынад братъёсыныд пророкъёсын, та книгае гожтэм кылъёсты вань утись-возисьёсын ӵош ужасько-тыршисько. Инмарлы йыбыртты».10Эшшо со мыным шуиз на: «Та книгаысь азьпалзэ тодытыса веранлэсь кылъёссэ ватыса эн возьы, уго дыр матэ вуиз ни.11Шонертэм улӥсь эшшо шонертэм ужъёс мед лэсьтоз на; кырсь-шеко улӥсь эшшо мед саптаськоз на; шонер улӥсь шонер ужъёс мед лэсьтоз на, дун-чылкыт улӥсь но эшшо дун-чылкытгес мед луоз на».

12Тани, ӝоген Мон лыкто. Мынам пунэм берыктонэ сьӧрам, котькудӥзлы солэн ужезъя пунэмзэ берыкто.13Мон – Альфа но Омега, Кутсконэз но, Пумыз но, Нырысетӥез но, Берпуметӥез но.

14Шудоесь солэсь курон-косонъёссэ утьыса улӥсьёс – улон писпулэсь емышсэ сиыны но городэ капкаетӥ пырыны эрик басьтӥсь муртъёс.15Нош педло палаз кылёзы азэм пуныос, туно-пеллёос, азыса-калгыса улӥсьёс, адями виылӥсьёс, сульдэръёслы-идолъёслы йыбыртъясьёс – вань ӧрекчаськисьёс, шонертэм улонэз яратӥсьёс.

16Мон, Иисус, тае тӥ черкъёсын мед тодытоды-ивортоды шуыса, тӥ доры Аслэсьтым Кылчинме ыстӥ. Мон – Давидлэн выжыез, солэн кидысэз луисько – яркыт ӵукна кизили.

17Дух но, вылькен но шуо: «Лыкты!» Котькудӥз кылӥсь мурт мед шуоз: «Лыкты!» Сюэз куасьмем мурт мед лыктоз, улон вуэз басьтэмез потӥсь мурт сое дунтэк мед басьтоз.

18Мон котькудӥзлы та книгаысь азьпалзэ тодытон кылъёсты кылӥсьлы ивортӥсько: кин ке та кылъёс борды мар ке ватсаз, со вылэ Инмар вӧсь каронъёс ыстоз, кудъёсыз сярысь та книгаын гожтэмын:19Кин ке та азьпалзэ тодытон книгалэн кылъёсыз пӧлысь марзэ ке куштӥз ке, сое улон книгае, святой городэ, кызьы та книгаын гожтэмын, Инмар пырыны уз лэзьы.

20Тае Ивортӥсь шуэ: «Зэм ик, ӝоген лыкто! Аминь». Кузё-Инмаре Иисус, лыкты!

21Асьмелэн Кузё-Инмармылэн Иисус Христослэн дэлетэз ваньды бордын мед улоз. Аминь.


предыдущая глава Глава 22 следующая глава