Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 20

20-тӥ ЛЮКЕТ

1Собере мон Инмысь васькись Кылчинэз адӟи, со киын пыдэстэм дуннелэн усьтонэз вал, туж бадӟым жильы со кияз возиз.2Со лобась кыез, вашкала кыез, кутӥз – шайтанэз, диаволэз. Сое со сюрс арлы жильыен думылӥз3но пыдэстэм дуннее сэрпалтӥз. Собере со пыдэстэм дуннеез пытсаз но со вылэ печать понӥз, сюрс ар ортчытэк, калыкъёслэсь визьзэс медаз ни сура шуыса; нош со бере со вакчи дырлы мозмытэмын луыны кулэ.

4Собере мон престолъёсты но соос вылын пукисьёсты адӟи, соослы судить карыны эрик сётэмын вал. Иисусэз тодытэм-ивортэм понна, Инмар кыл понна йырзэс ӵогемъёслэсь лулъёссэс адӟи, – соос пӧйшурлы, солэн тусбуезлы-суредэзлы но ӧз йыбырттэ; кымесазы но, киязы но пус пуктыны ӧз сётэ. Соос лулъяськизы но Христосэн огазьын сюрс ар ӵоже эксэй радын улӥзы.5Нош мукетъёсыз кулэмъёс, сюрс ар ортчытэк ӧз улӟе. Та – нырысетӥез кулэмысь улӟыса султон.6Нырысетӥяз улӟыса султонэ пыриськись адями шудо, дун-сьӧлыктэм: кыкетӥез кулон соос борды уг ни йӧтӥськы. Соос Инмарлэн, Христослэн священникъёсыз луозы, Соин огазьын сюрс ар ӵоже эксэй радын улозы.

7Нош сюрс ар ортчем бере шайтан аслаз пытсэтысьтыз мозмытэмын луоз, со музъемлэн ньыль пал сэрегаз ик улӥсь калыкъёслэсь визьзэс туганы потоз, Гогез но Магогез, ваньзэс ожмаськонэ люкалоз; соослэн лыдзы – зарезьысь луо мында.8Музъемлэн пасьтанаяз потӥзы но святойёслэсь сылон интызэс, яратоно городэз котыртӥзы.9Соку Инмысь Инмар дорысь тыл усиз но соосты ньылӥз.10Нош диавол, соослэсь визьзэс тугась, сераё, тылын ӝуась тыэ куштэмын, отын пӧйшур но ӧрекчи пророк уй но нунал, пумтэм вапумъёс ӵоже курадӟыса улозы.

11Собере мон быдӟым тӧдьы престолэз но со вылын Пукисез адӟи, Солэн ымныр азьысьтыз ин но, музъем но бызьыса кошкизы, соослы инты ӧз сюры.12Соку мон кулэмъёсты адӟи, покчиоссэ но, быдӟымъёссэ но – Инмар азьын сылӥсьёсты. Книгаос усьтэмын вал, мукетыз но – улон книга – усьтэмын вал. Кулэмъёсты лэсьтэм ужъёссыя судить каризы, книгаосын кызьы соос сярысь гожтэмын вал.13Соку зарезь ас пушказ кулыса кыллисьёсты сётӥз; кулон но, ад но асьсэ дорын кулыса кыллисьёсты сётӥзы. Ваньзэсты асьсэлэн ужъёссыя судить каризы.14Кулон но, ад но тылын ӝуась тыэ куштэмын. Та – кыкетӥез кулон.15Кин улон книгае гожтэмын ӧй вал, сое тылын ӝуась тыэ куштӥзы.


предыдущая глава Глава 20 следующая глава