Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 19

19-тӥ ЛЮКЕТ

1Та бере мон Инмысь туж трос калыклэн вераськемезлы укшась жингрес куара кылӥ, соос тазьы чирдӥзы: «Аллилуия! Утиськон но, данлык но, сӥё-сано луон но, кужым но асьмелэн Кузё-Инмармылэн кияз.2Зэмлыкоесь, шонерлыкоесь Солэн судъёсыз, малы ке шуоно Со судить кариз музъем вылэз аслаз азыса-калгыса улэменыз сисьтӥсь-саптась туж азыса-калгыса улэм кышномуртэз. Аслаз ляльчиосызлэн вирзы понна солы пунэмзэ берыктӥз».3Соос кыкетӥ ползэ шуизы: «Аллилуия! Солэн ӵыныз пумтэм вапумъёс ӵоже ӝутскыса улэ».4Собере кызь ньыль пересь визьнодчиос но ньыль улэп макеос, пыдес вылазы уськытскыса, престол вылын пукись Инмарлы йыбырттыса шуизы: «Аминь! Аллилуия!»

5Соку престол дорысь куара кылӥськиз: «Солэн вань ляльчиосыз, Солэсь кышканэн улӥсьёс, покчиосыз но, быдӟымъёсыз но асьмелэсь Инмармес ушъялэ».6Трос калык пӧлысь потӥсь куаралы, бадӟым вуослэн жильыртэмзылы укшась, кужмо гудырилы кельшись, тазьы верась куараосты кылӥ: «Аллилуия! Дунне Кутӥсь Инмар Кузё-Инмар эксэе пуксиз.7Шумпотоме, шулдыръяськоме, Сое данъяломе; уго Ыжпилэн сюан нуналыз вуиз, Солэн кышноез ассэ дасяз ини».8Кышно луонэзлы чылкыт, тӧдьы дэра дӥськут дӥсяны сётэмын вал; нош со чылкыт тӧдьы дэра – со святойёслэсь шонерлыко ужъёссэс возьматэ.

9Соку мыным Кылчин шуиз: «Гожты: шудоесь Ыжпилэн сюан ӝытаназ ӧтемъёс». Со мыным шуиз: «Та кылъёс – Инмарлэн зэмос кылъёсыз».10Солы йыбырттон понна мон солэн пыд выжыяз уськытски, но со мыным шуиз: «Эн, тазьы эн лэсьты; мон тонэн ӵош, тынад агай-вынъёсыныд ӵош – Иисус сярысь шара ивортӥсьёсын ӵош – ужась луисько. Инмарлы йыбыртты; уго Иисус сярысь шара ивортон – со Инмар кылэз тодытӥсь дух бордысь потэ».

11Соку мон усьтӥськем Инэз адӟи но, тани, мон азьын тӧдьы вал. Со вал вылын пукись Оскымон, Зэмлыко шуыса нимаське, Со шонер судить каре, шонер ожмаське.12Синъёсыз Солэн гомаса ӝуась тыл кадесь; Солэн йыр вылаз трос венец изьыосыз. Солэн гожтэм нимыз вал, но со нимез Ачиз сяна нокин но уг тоды.13Со дӥсямын вал вирен горд луэм дӥськутэн. Солэн нимыз: Инмар Кыл.14Инмысь ожмаськисьёс Со бӧрсьы тӧдьы валъёс вылын мынӥзы; чылкыт, тӧдьы дэра дӥськутэн соос дӥсяськемын вал.15Солэн ымысьтыз лэчыт меч потыса улэ, со мечен Со калыкъёсты погыртоз. Со корт бодыен соосты возьма; Дунне Кутӥсь Инмарлэсь вожпотон, лек вина виятон гузэ Со лёга.16Солэн дӥськут бордаз но, кус бордаз но ним гожтэмын: «Эксэйёслэн Эксэйзы, кузёослэн Кузё-Инмарзы».

17Шунды шорын сылӥсь одӥгзэ Кылчинэз мон адӟи; инбам шортӥ лобась вань тылобурдоослы со бадӟым куараен черектӥськыса вераз: «Лобӟыса лыктэ, Инмарлэн быдӟым ӝытаназ люкаськелэ,18эксэйёслэсь шӧйёссэс, кужмоослэсь шӧйёссэс, сюрс солдатэн кивалтӥсьёслэсь шӧйёссэс, валъёслэсь шӧйёссэс, соос вылын пукисьёслэсь шӧйёссэс, эрикоослэсь но, ляльчиослэсь но, покчиослэсь но, быдӟымъёслэсь но шӧйёссэс сиыны лыктэ».

19Собере мон пӧйшурез, музъем выл эксэйёсты но соослэсь ожмаськисьёссэс адӟи, соос вал вылын Пукисен, Солэн ожмаськисьёсыныз жугиськыны люкаськиллям.20Пӧйшур но со азьын паймымон ужъёс лэсьтӥсь ӧрекчи пророк соин ӵош кутэмын вал; паймымон ужъёсын со пӧйшурлэсь пуссэ басьтӥсьёслэсь, солэн суредам тусбуезлы-суредэзлы йыбыртъясьёслэсь визьзэс тугаса улӥз. Соосты кыксэс ик сераен ӝуась ты пушкы улэпкын куштӥзы;21нош мукетъёссэ вал вылын Пукисьлэн ымысьтыз потӥсь меченыз виизы; вань тылобурдоос соослэн шӧйёсынызы кӧтсэс тыризы.


*а 19:7 Солэн кышноез – Черк


предыдущая глава Глава 19 следующая глава