Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 17

17-тӥ ЛЮКЕТ

1Сизьым чашаен сылӥсь сизьым Кылчинъёс пӧлысь одӥгез, матам лыктыса, мыным шуиз: «Лыкты дорам, трос вуос вылын пукись туж азыса-калгыса улэм кышномуртлы суд лэсьтонэз мон тыныд возьмато.2Музъем выл эксэйёс соин азыса-калгыса улӥзы, солэн азыса-калгыса улонэзлэн винаеныз музъем вылын улӥсьёс кудӟылӥзы».

3Духен тыр луыкум, Кылчин монэ кыр дуннее нуиз. Соку мон нап-горд пӧйшур вылын пукись кышномуртэз адӟи, со пӧйшурлэн сизьым йырыз, дас сюрез, со быдэсак Инмарез сантэман кылъёсын гожъямын.4Кышномурт дӥсяськемын ӵыж-горд шукрес дуно дӥсянэн; зарниен, дуно изъёсын, марӟанэн кильтыръямын. Кияз со зарни чаша кутыса возиз, чашаез юрӟым макеосын, аслаз азыса-калгыса улонэзлэн кырсьёсыныз тырмытэмын.5Солэн кымесаз ним, ватӥськем лушкемлык гожтэмын: «Быдӟым Вавилон – азыса-калгыса улӥсьёслэн, музъем вылысь юрӟым ужъёслэн анайзы».6Мон адӟи, со кышномурт вӧсяськисьёслэн вирынызы, Иисус сярысь тодытӥсьёслэн вирынызы кудӟемын вал шуыса. Сое адӟи но туж-туж пайми.7Соку Кылчин мыным шуиз: «Малы тон паймиськод? Мон тыныд та кышномурт сярысь, сое нуллӥсь сизьым йыро, дас сюро пӧйшур сярысь ватӥськем лушкемлыкез верало.8Пӧйшур, кудзэ тон адӟид, со вал, нош али ӧвӧл ни, пыдэстэм дуннеысь со эшшо потоз на, собере быронэ мыноз. Музъем вылын улӥсьёс, кудъёсызлэн нимъёссы дунне кылдон дырысен улон книгае гожтэмын ӧвӧл, пӧйшур вал, но со ӧвӧл ни шуыса адӟемзы бере паймозы. Но со эшшо лыктоз на.

9Тае валан понна визьлык кулэ. Сизьым йыръёс – со сизьым гурезьёс, кудъёсыз вылын пуке кышномурт, соос ик сизьым эксэйёс но.10Соос пӧлысь витез сэрпалтэмын ини, одӥгез вань на, нош мукетыз ӧз на лыкты, нош лыктӥз ке, солы кема улоно уз луы.11Пӧйшур, кудӥз вал, но али ӧвӧл, – со тямысэтӥез эксэй, – сизьымъёс пӧлысь одӥгез, со быронэ мыноз.12Дас сюръёс, кудзэ тон адӟид, – со дас эксэйёс, кудъёсыз эксэйлык ӧз на басьтэ, но соос пӧйшурен валче, эксэйёс музэн одӥг часлы кивалтыны кужым басьтозы.13Соослэн одӥг кадесь малпанъёссы, кужымзэс но властьсэс соос пӧйшурлы сётозы.14Соос Ыжпиен ожмаськыны кутскозы, но Ыжпи соосты вормоз. Уго Со – кузёослэн Кузё-Инмарзы, эксэйёслэн Эксэйзы; кинъёс Соин огазьын – соос Солэн ӧтемъёсыз, быръемъёсыз, оскымон муртъёсыз луо».

15Собере Кылчин мыным шуэ: «Тынад адӟем вуосыд, кудъёсыз вылын азыса-калгыса улӥсь кышномурт пуке, – со пӧртэм адямиос, выжыос, калыкъёс, пӧртэм кылын вераськисьёс.16Дас сюръёс, кудъёссэ тон пӧйшур вылысь адӟид, соос адӟемпотостэм карозы азыса-калгыса улӥсь кышномуртэз, таркалозы сое, гольык карозы, солэсь лулмугорзэ сиёзы, сое тыл пушкын сутозы;17малы ке шуоно Инмар соослэн сюлмазы Аслэсьтыз эриксэ, одӥг эриксэ быдэстон мылкыд понӥз: Инмарлэн верам кылъёсыз быдэсмытозьлы, соослэсь эксэйлыксэс пӧйшурлы сётыны.18Нош кышномурт, кудзэ тон адӟид, – со туж бадӟым город, музъем вылысь эксэйёсын эксэйяськыса улӥсь».


предыдущая глава Глава 17 следующая глава