Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 16

16-тӥ ЛЮКЕТ

1Храм пушкысь сизьым Кылчинъёслы верась бадӟым куараез кылӥ: «Мынэлэ, Инмарлэн вожпотонэныз сизьым чашаосты музъем вылэ кисьтэ».2Нырысетӥез Кылчин мынӥз но аслэсьтыз чашазэ музъем вылэ кисьтӥз. Соку пӧйшурлэсь пуссэ нуллӥсь, солэн тусбуезлы-суредэзлы йыбыртъясь адямиос вылын туж вӧсь луись, юрӟымесь урӟектэм яраос кылдӥзы.

3Кыкетӥез Кылчин аслэсьтыз чашазэ зарезь вылэ кисьтӥз. Соку зарезь ву кулэм муртлэн вирызлы укшась вирлы пӧрмиз, зарезьын улӥсь вань макеос кулӥзы.

4Куинетӥез Кылчин аслэсьтыз чашазэ шуръёс вылэ, ошмесъёс вылэ кисьтӥз: соос вирлы пӧрмизы.5Мон кылӥ вуослэн Кылчинзылэсь верамзэ: «Шонерлыко Тон, Кузё-Инмаре, Тон, Кудӥз вань, Кудӥз вал но; Тон дун-сьӧлыктэм, малы ке шуоно шонер судить карид.6Вӧсяськись калыклэсь, пророкъёслэсь вирзэс кисьтэмзы понна Тон соослы юыны вир сётӥд: соослы со ик кулэ».7Курбон сётон интыысь мукетсэ верасез мон кылӥ: «Зэм ик, Кузё-Инмаре Дунне Кутӥсь Инмаре, зэмлыкоесь, шонерлыкоесь Тынад судъёсыд».

8Ньылетӥез Кылчин аслэсьтыз чашазэ шунды вылэ кисьтӥз: адямиосты тылын сутыны солы луонлык сётэмын вал.9Адямиосты ӟырдыт пӧсь ӵушказ; нош соос та вӧсь каронъёслы кузё луись Инмарлэсь нимзэ урод кылъёсын тышкаськыса веразы. Соос ӧпкельыса сьӧлыкъёссылэсь ӧз куштӥське, Инмарез ӧз данъялэ.

10Витетӥез Кылчин аслэсьтыз чашазэ пӧйшурлэн престол вылаз кисьтӥз. Соку солэн эксэйлыказ ӝомыт луиз. Курадӟонлы чидатэк, адямиос асьсэлэсь кылъёссэс куртчылӥзы.11Курадӟонъёссылы, урӟектэм яраоссылы чидатэк, соос Инмысь Инмарез тышкаськылӥзы, ӧпкельыса урод ужъёссылэсь ӧз куштӥське.

12Куатетӥез Кылчин аслэсьтыз чашазэ туж бадӟым Евфрат шуре кисьтӥз но, шундыӝужанысь эксэйёслы сюрес дась мед луоз шуыса, отысь вуэз куасьмиз.13Соку мон лобась кыйлэн ымысьтыз, пӧйшурлэн но ымысьтыз, ӧрекчи пророклэн ымысьтыз эбекъёслы укшась куинь сьӧд духъёслэсь потэмзэс адӟи.14Та – паймымон тодметъёс лэсьтӥсь периослэн духъёссы вал. Соос потӥзы быдэс дунне вылысь музъем выл эксэйёс доры, соосты Дунне Кутӥсь Инмарлэн быдӟым нуналаз ожмаськонэ люкан понна.15«Тани, мон лушкаськись кадь лыкто: шудо сэзь улӥсь, дӥськутсэ дась возись – со гольык ветлоно медаз луы, возьдаськоно интызэ медаз адӟе».16Соосты еврей сямен Армагеддон шуон интые люказы.

17Сизьыметӥез Кылчин аслэсьтыз чашазэ омыре кисьтӥз. Соку Ин храмысь престол дорысь тазьы шуись бадӟым куара кылӥськиз: «Быдэсмиз!»18Соку чилекъяны-ворекъяны кутскиз, гудыри куараос шуккиськизы, туж кужмо музъем зурказ, таӵеез музъем вылын адямиос улон дырысен ӧй на вал. Сыӵе музъем зуркан! Сокем кужмо!19Быдӟым город куинь люкетлы куашказ, вань калыкъёслэн городъёссы ёмыразы. Быдӟым Вавилонэз но Инмар ӧз вунэты Аслаз вожпотонэныз лек винаен чашаез солы сектан понна.20Вань шормуӵъёс ышизы, гурезьёс быризы.21Талант быдӟаесь йӧзоръёс инмысен адямиос вылэ усьылӥзы. Йӧзорен вӧсь луэмзы понна адямиос Инмарез урод кылын тышкаськизы, малы ке шуоно йӧзорлэсь кылдэм яраос чидантэм висизы.


предыдущая глава Глава 16 следующая глава