Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 13

13-тӥ ЛЮКЕТ

1Зарезь луо вылэ султӥ но зарезьысь потӥсь сизьым йыро, дас сюро пӧйшурез мон адӟи: солэн сюръёсыз вылын дас венец изьыосыз вал, нош йыръёсыз вылын – Инмарез сантэмась нимъёс.2Пӧйшур, кудзэ мон адӟи, леопардлы укша; пыдъёсыз солэн – гондырлэн кадесь, нош ым пасез – левлэн кадь. Лобась кый солы аслэсьтыз кужымзэ, аслэсьтыз престолзэ сётӥз, кузёяськыны туж бадӟым эрик но сётӥз.3Мон адӟи: солэн йыръёсыз пӧлысь одӥгез кулонэ нуись яраё каремын вал, но та кулонэ нуись яраез бурмиз. Пӧйшур шоры учкыса, быдэс дунне паймиз но лобась кыйлы йыбырттӥз, лобась кый пӧйшурлы кивалтыны эрик сётӥз.4Пӧйшурлы йыбырттӥсьёс шуизы: «Кин та пӧйшурлы тупасез вань, кин соин ожмаськыны быгатоз?»

5Солы вылтӥяськыса, Инмарез сантэмаса вераськыны кыл-ым сётӥськиз, ньыльдон кык толэзь ӵоже кузёяськыса улыны эрик сётӥськиз.6Инмарез сантэман кылъёс веран понна, Солэсь нимзэ, Солэсь улон интызэ, Инмын улӥсьёсты урод кылъёсын куаретон понна со ымзэ усьтӥз.7Вӧсяськисьёсын ожмаськыны но соосты вормыны, вань выжыосты, калыкъёсты, пӧртэм кылын вераськисьёсты, улыосты-бечеосты ас киулаз возьыны солы эрик сётэмын вал.8Музъем вылын вань улӥсьёс солы йыбырттозы, кудъёсызлэн нимъёссы дунне кылдэм дырысен курбон сётэм Ыжпилэн улон книгаяз гожтэмын ӧвӧл.

9Кылыны пельыз вань мурт – мед кылоз.10Кин пленэ нуэ, со ачиз пленэ мыноз; кин мечен виылэ, со ачиз мечен виемын луоз. Тае тодон вӧсяськисьёслы чиданлык но оскон сётэ.

11Собере мон мукетсэ музъемысь потӥсь пӧйшурез адӟи, солэн ыжпилэн выллемесь кык сюръёсыз, но со лобась кый кадь вераське вал.12Со азьын со нырысетӥ пӧйшурлэн вань кужыменыз лэсьтэ, быдэс музъем вылэз, отын улӥсьёсыз нырысетӥ, кулонэ нуись яраез бурмем пӧйшурлы ёртыса йыбыртъяны косэ.13Со туж бадӟымесь паймымон тодметъёс лэсьтылэ – адямиос азе инмысь тылэз но васькытэ.14Пӧйшур азьын солы быдэсъяны сётэм паймымон ужъёсын со музъем вылын улӥсьёслэсь визьзэс туга, музъем вылын улӥсьёслы мечен яраё карем но улэп кылем пӧйшурлэсь тусбуйзэ-суредзэ мед лэсьтозы, шуэ.15Пӧйшурлэн тусбуезлы-суредэзлы дух поныны солы эрик сётэмын, – пӧйшурлэн тусбуез-суредэз мед вераськоз, мед лэсьтоз тазьы: кинъёс пӧйшурлэн тусбуезлы-суредэзлы ӧз ке йыбырттэ, ваньзы виемын мед луозы.16Со ваньмызлы лэсьтоз тае: покчиослы но, бадӟымъёслы но, узыръёслы но, кураськисьёслы но, эркын улӥсьёслы но, ляльчиослы но бур ки вылазы яке кымесазы пус пуктэмын луоз.17Соку нокин басьяськыны но, вузаны но уз ни быгаты, – соос сяна, кинъёслэн та пуссы, яке пӧйшурлэн нимыз, яке солэн нимызлэн лыдпусэз пуктэмын луоз.18Татын визьлык кулэ. Кинлэн визьмыз вань, со пӧйшурлэсь лыдпуссэ мед лыдъялоз, уго та адями лыдпус; солэн лыдпусэз куать сю куатьтон куать.


предыдущая глава Глава 13 следующая глава