Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 14

14-тӥ ЛЮКЕТ

1Мон учки но, тани, адӟисько: Сӥон гурезьын Ыжпи сылэ, соин ӵош сю ньыльдон ньыль сюрс мурт сылэ, соослэн кымесазы Солэн Атаезлэн нимыз гожтэмын.2Трос вуослэн жильыртэмзылы укшась, кужмо гудырилэн дыбыртэмезлы кельшись инмысь куара кылӥ; крезьёсынызы шудӥсь крезьчиослэн куаразылы укшась гур кылӥ.3Престол азьын, ньыль улэп макеос азьын, пересь визьнодчиос азьын соос выль кырӟан кырӟало; но та гурен кырӟаны нокин но дышыны ӧз быгаты, музъем вылысь басьтэм та сю ньыльдон ньыль сюрс муртъёс сянаез.4Та сыӵе муртъёс, кинъёс кышномуртъёсын ӧз саптаське, пилыксэс ӧз ыштэ; Ыжпи кытчы гинэ уг мыны, соос ялан Со бӧрсьы мыно. Инмарлы но Ыжпилы соос адямиос пӧлысь нырысь вордскем пиос кадь басьтэмын.5Соослэн кылазы-ымазы кескичлыкез ӧвӧл; Инмарлэн престолэз азьын соос дун-чылкытэсь.

6Инбам шортӥ лобись мукетсэ Кылчинэз мон адӟи. Солэн бордаз вань дауръёс ӵоже улӥсь Евангелие вал – музъем вылын улӥсьёслы, вань выжыослы, пӧртэм кылын вераськисьёслы, калыкъёслы, улыослы-бечеослы сое тодытон понна.7Со бадӟым куараен вералляз: «Инмарлэсь кышкалэ, Сое данъялэ, уго Солэн судэзлэн часэз вуиз; Инмез но музъемез, зарезез но, ву потонъёсты но Кылдытӥсьлы йыбырттэ».

8Мукетыз Кылчин со бӧрсьы тазьы вераса мынӥз: «Куашказ, куашказ Вавилон, туж бадӟым город, малы ке шуоно со аслаз азыса-калгыса улонэзлэн лек винаеныз вань калыкъёсты сектаз».

9Куинетӥез Кылчин соос бӧрсьы мынӥз, бадӟым куараен вераса: «Кин пӧйшурлы, солэн тусбуезлы йыбыртъя, кин аслаз кымесаз яке ки вылаз пус пуктонэз басьтэ,10со Инмарлэсь лек виназэ, Солэн вожпотон чашаяз дасям сурамтэ виназэ юоз. Со курадӟытэмын луоз тыл пӧлын, сераын, святой Кылчинъёс азьын, Ыжпи азьын.11Пумтэм вапумъёс ӵоже курадӟонзылэн ӵыныз ӝутӥськыса улоз; пӧйшурлы но солэн тусбуезлы-суредэзлы йыбыртъясьёслэн, солэсь нимзэ пуслы басьтӥсьёслэн каньыл улон дырзы уз луы нуназе но, уйин но».12Татын вӧсяськисьёслэн, Инмарлэсь курон-косонъёссэ, Иисуслы осконэз утисьёслэн, чиданлыксы.

13Инмысь мыным верась куараез мон кылӥ: «Гожты: Кузё-Инмар бордын али кулӥсьёс шудоесь; озьы, шуэ Дух, асьсэлэн секытэсь ужъёссылэсь соос шутэтскозы, соослэн ужъёссы соослэн бӧрсязы мыно».

14Мон учки но, тани, югыт пилем, пилем вылын Адями Пилы кельшись пуке. Солэн йыр вылаз зарни венец, кияз – лэчыт сюрло.15Храмысь мукетыз Кылчин потӥз но пилем вылын пукисьлы бадӟым куараен вазиськиз: «Сюрлодэ кут но ара – аран дыр вуиз; уго музъем вылысь мар арано вал, со кисьмаз ини».16Пилем вылын пукись аслэсьтыз сюрлозэ музъем вылэ уськытӥз но, музъем вылысь мар арано вал, со араськиз.

17Инме интыяськем храмысь мукетыз Кылчин потӥз, солэн но кияз лэчыт сюрло.18Курбон сётонысь мукетыз Кылчин потӥз, солы тылэн кузёяськыны кужым сётэмын. Со, туж бадӟым куараен кеськыса, лэчыт сюрлоен сылӥсь Кылчинлы тазьы вераса вазиськиз: «Аслэсьтыд лэчыт сюрлодэ музъем вылысь виноградлэсь пурыоссэ вандылыны келя, солэн мульыосыз кисьмазы ни уго».19Кылчин аслэсьтыз сюрлозэ музъем вылэ куштӥз, музъем вылысь виноградзэ бичаз но Инмарлэн вожпотонэзлэн туж бадӟым вина виятон гуаз сое куштӥз.20Город сьӧрысь вина виятон гуын мульыосты лёгаса нелькизы, соку вина виятон гуысь вир бызьыны кутскиз, – валлэн сермет дорозяз со вуиз, сюрс куать сю стадия кеме кыстӥськиз.


*а 14:4 пилык – девственность; девственник


предыдущая глава Глава 14 следующая глава