Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 10

10-тӥ ЛЮКЕТ

1Соку мон мукетсэ Инмысь васькись кужмо Кылчинэз адӟи. Со пилемен шобыртэмын вал, йыр йылаз вуюись пиштыса улӥз, ымнырыз шундылы укшаз, нош пыдъёсыз – тыл юбо кадесь.2Солэн кияз усьтэм книга возиськиз. Со бур пыдыныз зарезь вылэ султӥз, нош паллянэныз – музъем вылэ.3Бурсӥсь лев кадь со бадӟым куараен кеськиз. Со кеськыку, сизьым гудыриос асьсэлэсь куаразэс поттӥзы.4Сизьым гудыриос асьсэ куараен вераськем бере мон сое гожъяны медӥсько вал, но Инмысь куара мыным вераз: «Ват, мар вераськизы сизьым гудыриос, сое эн гожъя».5Зарезь вылын но, музъем вылын но сылыкуз адӟем Кылчинэ аслэсьтыз кизэ Ин пала ӝутӥз но6пумтэм вапумъёс Улӥсьлэн нимыныз, Кудӥз кылдытӥз Инэз но ваньзэ, мар со вылын вань, музъемез но ваньзэ, мар со вылын вань, зарезез но ваньзэ, мар со пушкын вань, мукет дыр уз ни луы шуыса, кыл сётӥз.7Нош сизьыметӥезлэн Кылчинлэн куара поттон нуналъёсаз, гумыез пельтэм бераз, Инмарлэн ватӥськыса улӥсь зэмлыкез быдэсмоз, кызьы Со Аслаз ляльчиосызлы, пророкъёслы, ӟеч ивор вераз.

8Инмысь кылэм куара нош ик монэн вераськыны кутскыса шуиз: «Мын, зарезь вылын но, музъем вылын но сылӥсь Кылчинлэн киысьтыз усьтэм книгаез басьты».9Мон Кылчин доры мыныса шуи: «Вай мыным книгаез». Со мыным шуиз: «Басьты но си сое. Тынад кӧт пушкад со курыт луоз, нош ым пушкад чечы кадь ческыт луоз».10Кылчинлэн киысьтыз книгаез басьтӥ но сое сии. Ым пушкам со чечы кадь ческыт луиз, нош ньылэм берам кӧтпушкам курыт луиз.11Со мыным шуиз: «Тыныд нош ик трос калыкъёс, выжыос, пӧртэм кылын вераськисьёс, эксэйёс сярысь азьпалзэ тодытыса верано луоз».


предыдущая глава Глава 10 следующая глава