Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 4

4-тӥ ЛЮКЕТ

1Та бере Мон учки но, но тани, адӟисько: Инмысь ӧс усьтӥськемын. Азьвыл монэн вераськись, гумыысь кадь кылӥськись куара шуиз: «Туб татчы, Мон тыныд возьмато сое, мар луоз та бере».2Со куспын ик мон Духен тыр луи. Но тани, Инмын престол сылэ, нош престол вылын – Пукись.3Та Пукись тусбуеныз яспис но сардис изъёслы укша вал, нош престол котырын марӟан излы укшась вуюись пиштыса улӥз.4Та престол котырын эшшо кызь ньыль престолэз вал на. Престолъёс вылын пукись кызь ньыль пересь визьнодчиосты адӟи, соос тӧдьы дӥськутэн дӥсяськемын, нош йыр вылазы зарни венецъёс изьыямын.5Престол дорысь потӥсь чилекъямъёс адӟиськизы, гудыръямъёс кылӥськизы, куараос шуккиськылӥзы. Престол азьын сизьым лампадаос ӝуаса улӥзы – Инмарлэн сизьым духъёсыз.6Нош престол азьын пияла зарезь, со чилясь дуно пиялалы укша вал.

Престол шорын но, престол котырын но ньыль улэп макеос адӟиськизы, соослэн азязы но, беразы но трос синъёссы вал.7Нырысетӥез улэп маке левлы укша, кыкетӥез – ошаклы, куинетӥезлэн ымнырыз адямилы укша, ньылетӥез лобась ӧрӟилы укша.8Ваньзылэн, ньылезлэн ик улэп макеослэн, быдэн куать бурдзы, нош котырак, пуш ласянь но, трос синъёссы. Нуназе но, уйин но шутэтскон дырзы ӧвӧл, ялан чирдо:

«Дун-Сьӧлыктэм, Дун-Сьӧлыктэм, Дун-Сьӧлыктэм
Кузё-Инмар Дунне Кутӥсь Инмар!
Со вал, Со вань, Со лыктоз».

9Нош улэп макеос престол вылын Пукисьлы, пумтэм вапумъёсы Улӥсьлы, данлык, сӥ-дан но тау карон кылъёс веран дыръя10кызь ньыль пересь визьнодчиос престол вылын Пукись азе уськытско но пумтэм вапумъёсы Улӥсьлы йыбыртто. Венецъёссэс престол азе поно но шуо:

11«Тон, Кузё-Инмаре,
данлыкез, сӥ-данэз, кужымез басьтыны ярась,
уго Тон ваньзэ кылдытӥд,
ваньмыз Тынад эрикедъя улэ-вылэ, кылдытэмын».


предыдущая глава Глава 4 следующая глава