Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОАНН АПОСТОЛЛЫ УСЬТӤСЬКОН

Глава 1

1-тӥ ЛЮКЕТ

1Иисус Христослэн усьтӥськонэз. Сое Солы Инмар сётӥз Аслаз ляльчиосызлы ӝоген мар луоноез возьматон понна. Инмар Кылчинзэ ыстӥз но Аслаз ляльчиезлы, Иоаннлы, тае возьматӥз.2Иоанн аслэсьтыз вань адӟемзэ вера; со Инмар кылэз, Иисус Христослэсь тодытонзэ шара ивортэ.3Шудо лыдӟись мурт, шудоесь та азьпалзэ тодытыса веранлэсь кылъёссэ кылзӥсьёс, отысь вань гожтэмез чакласа-утьыса улӥсьёс, уго дыр матэ вуэмын ини.

4Иоанн Асиысь сизьым черкъёслы: Кин вань, Кин вал, Кин лыктоз, Солэсь тӥледлы дэлет но каньыллык сӥзисько, нош озьы ик Солэн престолэз азьын улӥсь сизьым духъёслэсь но5Иисус Христослэсь, Кудӥз оскиськымон шара ивортӥсь луэ. Со кулэмъёс пӧлысь нырысь улӟыса султэмын, Со музъем вылысь эксэйёслы Кузё луэ.

Со асьмемыз яратэ, Аслаз Вирыныз асьмемыз сьӧлыкъёсмылэсь миськиз.6Со асьмемыз эксэйёс, Инмарлы, Аслаз Атаезлы священникъёс кариз. Со пумтэм вапумъёсы дано, кужымлыко мед луоз! Аминь.

7Тани, Со пилемъёсын ӵош лыктоз, Сое ваньмыз ас синмынызы адӟозы, кинъёс Сое бышкалтӥзы, соос но Сое адӟозы. Со азьын музъем вылысь вань выжыос викышъяса бӧрдозы. Зэм, озьы луоз. Аминь.

8«Мон – Альфа но Омега, Кутсконэз но, Пумыз но», – шуэ Кузё-Инмар, Кин вань, Кин вал, Кин лыктоз – Дунне Кутӥсь.

9Мон, Иоанн, тӥляд братты, тӥледын огазьын куректон-кайгуосты чидась, Инмар Эксэйлыке пыриськись, Иисус Христос кадь секытлыкъёсты чидась. Инмар кыл понна, Иисус Христосэз тодытэме понна Патмос шуыса нимаськись шормуӵе келямын вал.10Арнянуналэ мон Духен тыр луыса улӥ, соку мон аслам мышкысьтым бадӟым куара кылӥ, гумыысь кадь потӥсь куара кылӥ. Со шуиз: «Мон – Альфа но Омега, Нырысетӥез но, Берпуметӥез но.11Мае адӟиськод, ваньзэ книгае гожты но Асиысь черкъёсы – Ефесэ, Смирнае, Пергаме, Фиатирае, Сардисэ, Филадельфияе но Лаодикияе – ысты».

12Кин монэн вераське шуыса учкыны мон куара пала берытски. Берытски но сизьым зарни лампадаосты адӟи.13Сизьым лампадаос вискын сылӥсь Адями Пилы укшасез адӟи. Подир дӥськутэн Со дӥсяськем, гадьтӥз зарни кускерттонэн думиськемын.14Солэн йырыз, йырсиез тӧдьы ыжгон кадь, лымы кадь, тӧдьыесь; Солэн синъёсыз – ӝуась тыл кадесь.15Солэн пыдъёсыз гурын ӟырдатэм Ливан ыргонлы укшасесь; куараез но Солэн визыл кошкись бадӟым вуослэн куашетэмзы кадь.16Бур кияз Со сизьым кизилиосты возиз, Солэн ымысьтыз мыд-мыд палтӥз лэчыт шерем меч потыса улӥз. Солэн ымнырыз яркыт пиштӥсь шундылы укша вал.

17Нош мон Сое адӟем берам Солэн пыд выжыяз кулэм мурт кадь уси. Соку Со мон вылэ бур кизэ понӥз но мыным шуиз: «Эн кышка. Нырысетӥез но, Берпуметӥез но – Мон.18Улэпез но. Кулэмын вал, но, тани, пумтэм вапумъёслы улэп луи. Аминь. Адлэн но, кулонлэн но усьтонъёссы Мон киын.19Озьыен, гожты ваньзэ, мае адӟид, али мар вань, мар луоз та бере.20Сизьым кизилиослэн, кудъёссэ тон Мынам бур киысьтым адӟид, сизьым зарни лампадаослэн адямиослэсь ватӥськем пуштроссы луэ со: сизьым кизилиос – со сизьым черкъёслэн Кылчинъёссы; нош сизьым лампадаос, кудъёссэ тон адӟид, – со сизьым черкъёс».


*а 1:1 усьтӥськон – черк-славян кылын – откровение; вашкала грек кылын – апокалипсис

*б 1:8 альфа – грек алфавитысь нырысетӥ буква, нош омега алфавитысь берпуметӥ буква

*в 1:10 арнянуналэ – грек оригиналын: Кузё-Инмарлэн нуналаз


предыдущая глава Глава 1 следующая глава