Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕВРЕЙЁСЛЫ ЫСТЭМ ГОЖТЭТЭЗ

Глава 13

13-тӥ ЛЮКЕТ

1Куспады огдэс огды агай-вынъёс кадь яратыса улэ.2Пыдйылчиосты сюдыны-сектаны эн вунэтэ; уго куд-огъёсыз, асьсэос но тодытэк, пырем муртъёсты куно кариллям, нош кунооссы Кылчинъёс вылӥллям.3Тодады возе пытсэтын пукисьёсты, тӥ но соосын огазьын жильыямын кадь тӥледлы мед потоз; курадӟисьёсты но эн вунэтэ, тӥ но соослэн курадӟонэнызы курадӟиськоды кадь тӥледлы мед потоз.4Бызьыса-басьтыса улонды дун-чылкыт мед луоз, кусыпъёсты саптаськемын медаз лу, уго азыса-калгыса улӥсьёсты, кышнозэс-картсэс вошъяса улӥсьёсты Инмар судить каре.5Коньдонэз яратӥсесь эн луэ, марды вань, соин кӧтты мед тыроз. Уго Ачиз Инмармы шуиз: «Уг кельты тонэ, уг кушты тонэ»,6соин ик асьмеос кышкатэк вераськомы:

«Уг кышка, Кузё-Инмар мон палан:
адями мыным мар кароз?»

7Дышетӥсьёстэс тодады возе – Инмар кылэз тӥледлы тодытӥсьёсты. Тодады вае, кызьы соослэн улонзы йылпумъяськиз, соослэсь оскемзэс адӟем каре.8Иисус Христос толон но, туннэ но, пумтэм вапумъёс ӵоже одӥг кадь.9Пӧртэм пумо, мурт дышетонъёсын эн тунсыкъяське. Сюлэмез Инмар дэлетэн юнматыны кулэ, сиён-юонъёсын ӧвӧл, уго сиён-юонэз чакласа улӥсьёс со бордысь пайда ӧз басьтэ.10Милям курбон сётон ӝӧкмы вань, но скинияын ужась-тыршисьёслы но отысь курбон сётэм сӥлез сиыны лэземын ӧвӧл.11Малы ке шуоно пудо-животъёслэн мугорзы, кудъёсызлэсь вирзэс сьӧлыклэсь сузяськон понна архиерей Святойлэсь но Святой интые пыртэ, улон интылэн палэназ сутэмын луыны кулэ.12Озьы ик Иисус но Аслаз Вирыныз калыкез дун-сьӧлыктэм карон понна курадӟонэз городлэн капка сьӧраз чидано луиз.13Ваелэ соку асьмеос но городлэн капка сьӧраз Со доры потоме но Сое сантэманзэс асьме вылэ басьтоме.14Татын уго пырак ӵоже улоно дормы ӧвӧл, вуонозэ дормес утчаны тыршиськомы.15Озьыен, Иисус пыр Инмарлы дугдылытэк ушъян-данъян курбон вайыломе, – ымысьтымы потӥсь Солэсь нимзэ данъясь емышез.16Эн вунэтэ ӟеч уж лэсьтылыны, ог-огды сярысь сюлмаськыны, уго сыӵе курбонъёс Инмарлы ярамонэсь луо.

17Дышетӥсьёстылэсь кылзӥськелэ, соослы тэрытскыса улэ. Соос ялан лулъёстэс утён сярысь сюлмасько, тодо уго, тӥ понна кыл кутоно луоз шуыса. Тыршелэ, соос та ужзэс лулӟиськылыса ӧвӧл, шумпотонэн мед лэсьтозы шуыса, соку тӥледлы но пайда луоз.

18Ми понна вӧсяське; ми оскиськомы, милям сюлэммы чылкыт шуыса, уго котьмар ласянь шонер улыны тыршиськомы.19Уката ик та пумысен вӧсяськыны курисько, ӝоггес мон тӥ доры берытскыны мед быгатом вал шуыса.

20Нош тупаса улонлэн Инмарез, ыжъёслэсь быдӟым Возьмасьсэс Кузё-Инмармес Иисус Христосэз кулэмысь ӝутӥсь, пумтэм вапумъёслы сӥзёнлэн Вирыныз,21Инмарлэсь эриксэ мед быдэстоды шуыса, эшшо но ӟечгес ужъёс лэсьтыны мед ӝутоз. Иисус Христос пыр Аслыз ярамонэсь ужъёс лэсьтӥсь тӥледыз мед кароз. Иисус Христослы пумтэм вапумъёсы дан! Аминь.

22Агай-вынъёсы, тӥледыз курисько: та визь-кенешъёсты кылзыны кужымды мед тырмоз; мон тӥледлы трос ӧй гожъя.23Тодэлэ, асьмелэн Тимофей братмы пытсэтысь мозмытэмын ни. Мон доры со ӝоген вуиз ке, ми соин тӥ доры адӟиськыны лыктомы.

24Вань дышетӥсьёстылы, ваньмызлы вӧсяськисьёслы салам вералэ. Италиысь оскисьёс тӥледлы салам верало.25Ваньды бордын Инмарлэн дэлетэз мед улоз. Аминь.


предыдущая глава Глава 13 следующая глава