Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕВРЕЙЁСЛЫ ЫСТЭМ ГОЖТЭТЭЗ

Глава 12

12-тӥ ЛЮКЕТ

1Асьме котырын пилем мында адӟисьёс-ивортӥсьёс вань бере, соин ик ваелэ сэрпалтоме вылысьтымы ёртӥсь зӥбетэз, канжаськытӥсь сьӧлыкез но, чиданмес поныса, ортчоме асьмелы сётэм удыстӥ,2осконмылэн Кузёез, сое быдэ вуттӥсь Иисус шоры учкыса уломе. Шумпотон басьтэм интые, сантэман-ултӥянлэсь кышкатэк, кирос вылын курадӟонэз Со чидаз но Инмарлэн престолэзлэн бурпалаз пуксиз.3Малпалэ ай Со сярысь, Кин сьӧлыкоослэсь сомында курадӟон-сантэманэз чидано луиз, соин ик тӥ но лулыныды-сюлмыныды эн лябӟе.

4Сьӧлыклы пумит нюръяськыса, вир дырозь жугиськонэ тӥ ӧд на вуэ на.5Нылпиослы кадь лӧпкытӥсь таӵе кылъёсын тӥледлы вазиськемез вунэтӥды, дыр:

«Пие мынам! Кузё-Инмарлэсь вӧсь каронзэ кулэтэм эн кары,
янгышъёстэ-шекъёстэ шарае поттӥз ке, ӝоже эн усьы.
6Кузё-Инмар кинэ яратэ, сое ик вӧсь но каре уго;
котькудзэ но Аслыз нылпилы басьтоно муртсэ Со жуге».

7Вӧсь каронэз чидаськоды ке, Инмар тӥледын Ас нылпиосыныз кадь Ассэ возе. Уго вань меда нылпи, кудзэ атаез медаз чабкы вал?8Вань нылпиосты кадь ӧвӧл, нош чик но чабкытэк-куаретытэк тӥледыз быдэ вуттӥзы ке, соку тӥ вордэм нылпи ӧвӧл, шедьтэм, вордос нылпи луиськоды.9Та дуннеын ваньмылэн асьмелэн анай-атайёсмы вал, соос асьмеды чабкыку-куаретыку соослэсь кышкаськомы ке вал, соку асьмеос эшшо но юнгес тэрытскыны кулэ ӧвӧл-а духъёслэн Атайзылы? Уго тэрытскон асьмелы улон сётэ.10Анай-атайёсмы асьмеды ас тодэмзыя вакчи дырлы гинэ вӧсь карылӥзы, нош Таиз – асьмелы пайда ваён понна, Солэн дун-сьӧлыктэм улоназ пыриськыны мед быгатомы шуыса.11Нокудӥз но вӧсь карон со куспын ик шумпотон уг вайы, ӝоже гинэ уськытэ кадь; нош бӧрысь сыӵе дышетон пыр потэмъёс шонер улонлэсь каньыллык вайись емышсэ бичалозы.

12Соин ик каньсырам киостэс, куалекъясь пыдесъёстэс юнматэлэ.13Шонер вамышъялэ: чутӥсь пыдды йыромон пала медаз ни кожы, умой луысал, нош ик со йӧнасал ке.

14Ваньмыныз тупаса, дун-чылкыт улыны тырше, сьӧлыкаса улӥсьёс пӧлысь нокин но Кузё-Инмарез уз адӟы.15Чакласькелэ, одӥгды но Инмарлэн дэлетэзтэк медад кыле вал шуыса. Нокыӵе но курыт выжыё будос аляса изъян медаз вайы вал но, со пыр трос адямиос саптаськоно медаз луэ вал шуыса.16Тӥляд пӧлады нокыӵе азыса-калгыса улӥсь яке Исав кадь сьӧлыклэсь кышкасьтэм мурт медаз луы, уго со одӥг тусьты сиён понна нырысь пи луон праволэсь куштӥськиз.17Тӥ тодӥськоды, кызьы собере Исав атаезлэсь бакель каремзэ возьма вал, но со бакель каремын ӧй вал, малы ке шуоно атаезлэсь малпанзэ воштыны ӧз быгаты, синвуэн ке но сое со куриз.

18Тӥ уго адӟиськись, тылын ӝуась гурезь доры, пеймытлык доры, ӝомыт доры, сильтӧл доры ӧд лыктэ.19Гумы куара доры, кыл куара поттӥсь доры но ӧд лыктэ, со куараез кылӥсь муртъёс куризы, соос дорын одӥг кыл но верамын медаз ни лу шуыса.20Соку адямиослэн та косонэз кылзыны чиданзы ӧз ни тырмы: «Пӧйшур но гурезь борды йӧтӥськиз ке, изэн жугыса виемын мед луоз [яке пукыӵ ньӧлын погыртэмын мед луоз]».21Та адӟон туж шимес вал, соин ик Моисей но шуиз: «Мон кышкаса куалекъясько».22Нош тӥ Сӥон гурезь доры лыктӥды, улэп Инмарлэн городэз, Инмысь Иерусалим доры, сюрс-сюрс Кылчинъёс доры тӥ лыктӥды.23Шумпотонэн куаныса улӥсьёслэн, нырысь вордскемъёслэн черказы тӥ лыктӥды, кинъёслэн нимъёссы Инмын гожтэмын. Тӥ лыктӥды Инмар доры, вань адямиослэн Судьязы, дун-шектэм луэм шонер улӥсьёслэн духъёссы доры.24Выль сӥзёнлэн Дурбасьтӥсез Иисус доры тӥ лыктӥды, пазяно Вир доры. Авельлэн сярысь, со Вир ӟечезгес сярысь вера.

25Учкелэ, Верасьлэсь веранзэ кылзӥськытэк эн улэ. Музъем вылын верасьлэсь верамзэ санэ понымтэзы понна соос вӧсь каремын вал ке, соку асьмеос уката но вӧсь каремын луомы, Инмысь Верасьлэсь палэнскимы ке.26Соку Солэн куараез музъемез зуркатӥз, нош али Со сӥзён кыл сётэ тазьы вераса: «Эшшо огпол музъемез гинэ ӧвӧл, инмез но зуркато».27«Эшшо огпол» шуэм кылъёс тае возьмато: зуркатыны луонтэмез гинэ быдэс мед кылёз шуыса, ваньмыз, мар кылдытэмын-лэсьтэмын, ваньмыз зуркасез воштӥськоз.28Озьыен, зуркасьтэм-вырӟылӥсьтэм эксэйлыкез асьмеос басьтомы но Инмарлы тау карыса уломе, зӥбыт кариськыса, кышканэн Инмарлы ярамон тыршоме.29Уго асьмелэн Инмармы – ваньзэ сиись-ньылӥсь тыл.


предыдущая глава Глава 12 следующая глава