Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕВРЕЙЁСЛЫ ЫСТЭМ ГОЖТЭТЭЗ

Глава 6

6-тӥ ЛЮКЕТ

1Соин ик, Христослэн дышетонэзлэн кутсконэз бордысь потыса, ваелэ дун-шектэмлыко быдэ вуонэ дыртоме. Ум ни кутске выльысен быронэ нуись ужъёслэсь ӧпкельыса куштӥськон сярысь, Инмарлы оскон пала берытскон сярысь дышетыны,2пылатонъёс сярысь, киез понон, кулэмысь улӟыса султон, пумтэм вапумъёслы суд сярысь дышетыны.3Инмарлэн эрикез луиз ке, тае лэсьтоме.4Уг луы уго одӥг пол дышетэмъёсты-югдытэмъёсты, Инмысь саламез веръямъёсты, Святой Духлэн дэлетэныз улыны кутскемъёсты,5Инмарлэсь ӟеч кылзэ, вуоно вапумысь кужымъёсты оскалтэмъёсты-веръямъёсты,6кудъёсыз берен Христос бордысь усизы-палэнскизы, нош ик сьӧлыкъёссы понна ӧпкелён пыр выльдыны. Уго соос нош ик асьсэ пушкын Инмар Пиез кортӵогало, вань калык азьын Сое сантэмало.7Зор вуэз юись музъем вылэ трос пол зор кисьтӥське но, ю-нянез будэтыса, сое гырись-кизисьёслы со пайда вае – Инмарлэсь бакель каронзэ басьтэ.8Нош бышкись турын, жаг турын будэтӥсь музъем номырлы ярантэм, со каргамын луоз. Солэн пумыз – тылын сутон.

9Гажаноосы, ми тазьы ке но шуиськомы, нош тӥ сярысь ке верано, ми оскиськомы, тӥледыз азьпалан ӟечлык возьма – со тӥледлы утиськон ваёз.10Инмар шонер лэсьтӥсьтэм ӧвӧл уго, Со уг вунэты тӥлесьтыд уждэс, яратондэс, кудзэ тӥ Солэн нимыз понна ужаса-тыршыса возьматӥды, али но вӧсяськись калыклы ӟеч лэсьтыса сое возьматӥськоды.11Ми мылкыд кариськомы, тӥ пӧлысь котькудӥз пачыл оскиськон мед басьтысал но пумозяз тазьы сюлмо мед тыршысал-ужасал.12Эн азьтэмъяське, осконэн улӥсьёслэсь, ваньзэ чидаса, Инмарлэсь сӥзиськонъёссэ басьтӥсьёслэсь адӟем каре.

13Инмар Авраамлы сӥзиськон сётыкуз, нокин но Солэсь Аслэсьтыз вылӥгес луымтэен сэрен, Аслаз нимыныз кыл сётыса, сӥзиськыса,14Со шуиз: «Зэм, бакель карыса тонэ бакель каро, тынэсьтыд кидыстэ-выжыдэ эшшо но эшшо йылэто».15Озьы кема чидаса улэмез понна Авраам Инмарлэсь сӥзиськонзэ басьтӥз.16Адямиос асьсэлэсь вылӥ луисен кыл сёто ке, нош кыл сётонзы верамзэс юнматэ ке, соку со вань ченгешонъёслы пум понэ.17Соин ик сӥзиськонлэсь люкетсэ басьтоноослы Инмар Аслаз эрикезлэсь-малпанэзлэсь вошъяськись луымтэзэ умоенгес возьматыны мылкыд кариз но сӥзиськонзэ кыл сётон пыр юнматӥз.18Кык вошъяськыны луонтэм ужъёс бордысь, кудъёсыз бордысь Инмар уг куштӥськы, асьмеос зол буйгатскон басьтӥмы, асьмелы ӵектэм оскиськон борды кутӥськимы.19Со лул понна якорь выллем оскиськымон, юн луэ, со вӧсяськон интыысь катанчи сьӧры пыдло пыре;20отчы нырысь ик асьмелы сюрес возьматон понна Иисус Христос пыриз, Мелхиседеклэн чинэзъя пумтэм вапумъёслы Архиерей луиз.


предыдущая глава Глава 6 следующая глава