Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕВРЕЙЁСЛЫ ЫСТЭМ ГОЖТЭТЭЗ

Глава 5

5-тӥ ЛЮКЕТ

1Котькудӥз архиерей адямиос пӧлысь быръемын бере, со адямиос понна Инмар азьын ужаны-тыршыны пуктэмын: сьӧлыкъёс понна кузьымъёс, курбонъёс сётэ,2валасьтэмъёсын, йыромылӥсьёсын со лякытэн вераськыны быгатӥсь луыны кулэ, уго со ачиз но лябӟыса улонэн ӝикатэмын.3Соин ик со, кызьы ке калыклэн, нош озьы ик аслаз сьӧлыкъёсыз понна курбон сётыны кулэ.4Таӵе сӥё-сано ужез нокин но ас тодэмъяз ас вылаз басьтыны уг быгаты, сое, Ааронэз кадь ик, Инмар ӧтьыны кулэ.

5Озьы ик Христос но архиерей луонлэсь данлыксэ Аслыз Ачиз ӧз басьты, Инмар Солы шуиз:

«Тон Мынам Пие, туннэ Мон Тонэ вордскытӥ».

6Мукет азьын но Со шуэ:

«Мелхиседеклэн чинэзъя
пумтэм вапумлы Тон священник луиськод».

7Лулмугорын улон дыръяз Иисус викышъяса, синкылиен куриськиз, Сое кулонлэсь утьыны Быгатӥсьлы вӧсяськыса вазиськиз. Кылзӥськись-тэрытскись луэмез понна Инмар Сое кылӥз.8Со Инмар Пи ке но, нош курадӟонъёс пыр Со кылзӥськись луонлы дышиз.9Дун-шектэм луэменыз, ваньмызлы Солэсь кылзӥськыса улӥсьёс понна Со пумтэм вапумъёсы утиськон вайись луиз.10Инмар Сое Мелхиседеклэн чинэзъя Архиерей шуыса нимаз.

11Та сярысь ми тӥледлы трос вераны кулэ вал, но шуг сое валэктыны, малы ке шуоно кылэмдэс визьмады поныны тӥ быгатӥсьтэмесь луиды.12Дырез учконо ке, тӥ дышетӥсь луыны кулэ вал ини, нош тӥледыз выльысен Инмар кыллэн нырысь кутсконэзлы ик дышетыны кулэ на. Тӥледлы йӧл кулэ луиз, чурыт сиён кулэ ӧвӧл.13Котькудӥз йӧлын кӧтсэ тырись шонер улонлы дышетонлэсь кылзэ чик уг тоды, малы ке шуоно со вож нуны на.14Нош быдэ вуэмъёс понна чурыт сиён вань, соослэн улон-вылон пыр басьтэм визьзы-шӧдонзы ӟечез но, уродэз но висъяны быгатэ ни уго.


предыдущая глава Глава 5 следующая глава