Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИТЛЫ ЫСТЭМ ГОЖТЭТЭЗ

Глава 3

3-тӥ ЛЮКЕТ

1Соослэн тодазы вайытылы: кузёослы, кивалтӥсьёслы тэрытскыса мед улозы, котькыӵе ӟеч ужез быдэстыны соос дасесь мед луозы;2нокинэ но урод кылын медаз куаретэ, керӟегъяськыса-копаськыса медаз улэ, зӥбыт-востэм, вань адямиосын тупаса мед улозы.3Уго куке но асьмеос но укылтэмъяськыса, тэрытскытэк, сьӧлыкъёс пӧлы йыромыса улӥмы, лулмугормылэн куронъёсызлэн, пӧртэм эзылыса-майбыр улонлэн ляльчиосыз вал; лекъяськыса, вожъяськыса улӥмы; номырлы ярантэм уродэсь вал, огмес огмы адӟемпотостэм карыса улӥмы.4Нош куке Инмарлэн, асьмелэн Утисьмылэн, гажан-жалянэз, Солэн адямиез яратонэз асьме доры вуиз,5Со асьмеды лэсьтэм ӟеч ужъёсмыя ӧз утьы, Со асьмеды Аслаз гажан-жалянэныз утиз, выль вордсконлэн пылатонэныз, Святой Духен выльдӥськон пыр.6Асьмелэн Утисьмы Иисус Христос пыр Со асьме вылэ Святой Духсэ пачыл кисьтӥз.7Асьмеос, Солэн гажан-жалянэз пыр шонере потыса, оскиськонмы вань бере, пумтэм вапуме улонлэн люкет басьтӥсьёсыз мед луысалмы шуыса.

8Та шонер верам кыл. Мон тыныд мылкыд карисько та понна юн сылыны, соку Инмарлы оскыны кутскемъёс ӟеч ужъёс лэсьтыны тыршисесь луозы, нош тазьы улон вань адямиос понна ӟечлыко, пайдаё луэ.9Нош укылтэм кыл тэкшеронъёслэсь, ӵыжы-выжыослэн кытысь но ку потэмзы сярысь гожъянъёслэсь, ченгешонъёслэсь но закон пумысен ваче вуылонъёслэсь палэнскылы. Соос уго нокыӵе но пайда уг ваё, юнме дыр быдтон гинэ со ваньмыз.10Осконмес тугась-пожасез одӥг пол, собере эшшо огпол визьмаса утча, нош собере солэсь палэнскы.11Тод, таӵе мурт сӧриськемын, сьӧлыкъёс пӧлы выемын, со ассэ ачиз суд улэ сётэ шуыса.

12Тон доры Артемез яке Тихикез ыстӥ ке, мон доры Никополе ӝоггес лыктыны тыршы; мон отын толме потыны малпай.13Закон тодӥсь Зӥнаез но Аполлосэз сюрес вылэ потыны ӟеч-ӟеч дася: номырлы но соос ёрмоно-ӟудоно медаз луэ.14Асьмелэнъёс но ӟеч ужъёс лэсьтыса улыны мед дышетскозы, ёрмыса улӥсьёслы мед юрттӥськозы, емыш вайисьтэм улонэн медаз улэ.

15Ваньзы али монэн ӵош улӥсьёс тыныд салам верало. Осконэн, милемыз гажаса улӥсь эшъёсмылы ваньзылы салам вера. Ваньды бордын Инмарлэн дэлетэз мед улоз. Аминь.


предыдущая глава Глава 3 следующая глава