Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИТЛЫ ЫСТЭМ ГОЖТЭТЭЗ

Глава 2

2-тӥ ЛЮКЕТ

1Нош тон шонер дышетонлэсь куронъёссэ тодыты.2Дышеты, мӧйы пиосмуртъёс асьсэды кутыны быгатӥсесь, дун-шектэмесь, зӥбытэсь, юн оскисесь, адямиосты яратӥсесь, чидасесь мед луозы шуыса.3Мӧйы кышномуртъёслы валэкты, дун-шектэм мед улозы, кыл нуллыса медаз ветлэ, юон пӧлы медаз пыриське, ӟечлы мед дышетозы шуыса.4Егитъёсты мед визьмалозы кузпалъёссэс, нылпиоссэс яратыны,5дун-шектэм, чылкыт улыны кулэ шуыса мед дышетозы, семьязы сярысь сюлмаськись, лякыт сямоесь, картъёссылы тэрытскисесь луыны кулэ шуыса мед валэктозы. Соосын сэрен Инмар кыл куаретон-тышкаськон улэ медаз сюры.6Егит пиосты, дун-чылкыт асьсэды мед возёзы шуыса, визьма.7Ачид ӟеч ужъёс лэсьтыса, соослы адӟем карон возьматы. Дышетонад ӧрекчаськонэз, сисьмонэ нуисез медаз лу. Ваньмыз дун-шектэм мед луоз.8Лякыт кылын, янгышъёстэк дышетон уждэ ну. Соку пумитъяськись возьытэ вуттэмын луоз, асьме сярысь номыр но уродзэ вераны уз быгаты.9Ляльчиос асьсэлэн кузёоссылы котьку но мед тэрытскозы шуыса, соослы валэкты. Ярамонэсь луыны мед тыршозы, каршыса-пумитъяськыса медаз улэ.10Медаз лушкаське, ӟечлыкоесь, оскиськымонэсь мед луозы. Инмарлэн, Утисьмылэн, дышетонэзлы соос данлык вайыса мед улозы.

11Уго вань адямиос понна Инмарлэн утиськон вайись дэлетэз усьтӥськиз.12Со асьмеды дышетэ сьӧлыклэсь кышкатэк улонлэсь, та дуннелэн куронъёсызлы тэрытскыса улонлэсь куштӥськыны но таяз улон даурын дун-шектэм, шонерлыко, вӧсяськыса улыны,13шумпотоно оскиськонмылэсь нуналзэ возьманы – быдӟым Инмарлэсь, Утисьмылэсь Иисус Христослэн пиштӥсь данлыкезлэсь адӟиськонзэ.14Со асьме понна Ассэ сётӥз, асьмеды законлы пумит лэсьтэм вань уродлэсь мозмытыны но, дун-чылкыт карыса, Аслыз ӟеч ужъёс лэсьтыны тыршись нимысьтыз калык карон понна.

15Та сярысь вера, талы дышеты. Вань кужымдэ поныса, сьӧлыкъёссэс шарае поттылы, нокин но тонэ санэ понытэк медаз улы.


предыдущая глава Глава 2 следующая глава