Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ КЫКЕТӤ ГОЖТЭТЭЗ

Глава 4

4-тӥ ЛЮКЕТ

1Инмар азьын, Аслаз эксэйлыкеныз лыктыкуз, улэпъёсты но, кулэмъёсты но судить карись Кузё-Инмармы Иисус Христос азьын тонэ сюлворыса курисько:2Инмар кылэз тодыты, тупась дыре но, тупасьтэм дыре но тодытыны ялан дась лу. Янгышасьёсты тупатыны тыршы, шарае поттылы, алылы, мылкыдзэс ӝут, ваньзэ чидаса, соосты визьма.3Уго сыӵе дыр вуоз, куке визьмо дышетонэз кулэ уз ни каре. Асьсэлэн мылкыдзылы тупась дышетӥсьёсты бырйылозы, нош соос таослы мылкыдзылы тупась чебересь кылъёс вералозы.4Зэмлыкез кылонтэм вылысь пельзэс ӵоксалозы но ӧрекчи дышетонъёс пала берытскозы.5Нош тон котьку но сак ул, куректон-кайгуосты чида. Ӟеч Иворез тодыты, оскем ужез тыршыса быдэсъя.

6Курбон кадь мон луи ни, табере мынам кошкон дыры вуиз.7Мон зол нюръяськи, ортчоно сюресме ортчи ни, но осконме ути.8Табере мыным шонерлыко улонлэн венецез сётыны дасямын ни. Сое мыным Кузё-Инмар, шонерлыко Судить Карись, Аслаз лыктон нуналаз сётоз, мыным гинэ ӧвӧл, но ваньмызлы – Солэсь лыктонзэ сюлмысьтызы витисьёслы.

9Ӝоггес мон доры лыктыны тыршы,10уго, туала улон даурлы синмаськыса, Димас монэ куштӥз но Фессалоникае кошкиз. Крискент Галатияе кошкиз, Тит – Далматияе. Одӥг Лука гинэ монэн огазе кылиз на.11Маркез ас сьӧрад басьтыса вай, со мыным ӟеч юрттӥськись луоз.12Тихикез мон Ефесэ келясько.13Лыктӥд ке, выл дӥсьме вай, сое мон Троадае Карп доры кельтӥськем. Книгаосты но, уката ик ку вылын гожъямъёссэ, вай.14Ыргон арбериосты дурись Александр мыным трос уродзэ лэсьтӥз. Лэсьтэм ужъёсызъя Кузё-Инмар солы пунэмзэ мед берыктоз!15Тон солэсь чакласькы, со уго асьмелэн тодытоно Ӟеч Ивормылы юн пумитъяське.

16Нырысьсэ судын ответ кутон дыръям нокин но монэн огазьын ӧй вал, ваньзы монэ куштӥзы. Инмар соослы со понна сьӧлык медаз гожты.17Кузё-Инмар монэн артэ вал, Со монэ юнматӥз, Ӟеч Ивор тодытонэз мон мед азинтом, сое вань язычникъёс мед кылозы шуыса. Сьӧсь пӧйшурлэн пинь улысьтыз Инмар монэ мозмытӥз.18Котькыӵе урод ужлэсь Кузё-Инмар монэ мозмытоз но Аслаз Ин Эксэйлыказ пыртоз. Пумтэм вапумъёсы Солы дан. Аминь.

19Прискиллаен Акилалы, Онисифорлэн семьяезлы салам вера.20Ераст Коринфе кылиз, нош Трофимез висеменыз сэрен Милитэ кельтӥ.21Тол вуытозь лыктыны тыршы. Еввул, Пуд, Лин, Клавдий, вань агай-вынъёс тыныд салам верало.

22Кузё-Инмар Иисус Христос тынад духеныд огазьын мед луоз. Инмарлэн дэлетэз тӥ бордын мед улоз. Аминь.


предыдущая глава Глава 4 следующая глава