Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ КЫКЕТӤ ГОЖТЭТЭЗ

Глава 3

3-тӥ ЛЮКЕТ

1Тод, берпум аръёсы секыт дыръёс вуозы шуыса.2Соку адямиос асьсэды асьсэос но коньдонэз гинэ яратӥсесь луозы; ушъяськисесь, мукетъёссэ ултӥясесь, урод кылын вераськисесь, анай-атайлы тэрытскисьтэмесь, тау карисьтэмесь, сьӧлыклэсь кышкасьтэмесь, гажан-жалянэз тодӥсьтэмесь;3йыркурзэс вунэтӥсьтэмесь, кыл нуллӥсесь, чидасьтэмесь, уродэсь-лекесь, ӟечез-уродэз валасьтэмесь луозы;4огзэс огзы вузалозы; возьытэз уз тодэ, вылтӥяськисесь луозы; Инмарез яратон сярысь, золгес каньылэн, эзылыса улонэз яратозы.5Вылтуссыя Инмарлы оскись кадесь луозы, нош ужъёсынызы Инмарлы осконлэсь куштӥськозы. Таӵе муртъёслэсь палэнскы.

6Соос пӧлысь куд-огез, семья пушкы но пырыса, ляб кышномуртъёслэсь визьзэс тугало, кудъёсыз сьӧлыкъёс пӧлы выемын луо, мугорлэн пӧртэм юрӟым кулэ каронъёсызлы сётӥськыса уло,7соос котьмалы дышетско, нош зэмлыкез тодыны чик но уг быгато.8Кызьы Ианниен Иамврий Моисейлы пумитъяськизы, таос но озьы ик зэмлыклы пумитъясько. Соослэн визьзы сураськемын, осконзы ляб.9Но соос трос лэсьтыса уз вуэ; соослэн визьзылэн ышемез вань калык азьын шарае потоз, кызьы Ианниен Иамврийлэн но укылтэм луэмзы шарае потӥз.

10Нош тон ялан, мынэсьтым адӟем карыса, дышетӥд, улӥд-вылӥд, ӟеч мылкыд карыса, оскыса, мукетъёссэ валаса-чидаса, яратыса, чигиськыны сётӥськытэк улӥд, –11улляса возьыкузы но, курадӟонъёс дыръя но, кудъёсыныз мон Антиохияын, Иконияын, Листраын пумиськоно луи. Ёртыса-ӝикатыса возёнъёсты кӧня чидано луи, ваньмызлэсь монэ Кузё-Инмар утиз.

12Ваньзэс Иисус Христос бордын шонерлыко улыны кутскисьёсты улляса-ӝикатыса возьыны кутскозы.13Нош кескич адямиос, пӧяськисьёс эшшо но тросгес урод ужъёс лэсьтыны кутскозы, асьсэос но йыромозы, мукетъёссэ но йыромытозы.14Нош тон уть сое, мар тыныд оскемын, малы тон дышетэмын. Тон тодӥськод уго аслэсьтыд дышетӥсьтэ.15Тон пичи дырысеныд ик Священной Гожтэмез тодӥськод, со тыныд Иисус Христослы оскон пыр утиськон басьтонлы визь-нод сётыны быгатэ.16Быдэс Священной Гожтэм Инмарлэн Духеныз вордскытэмын. Соин ик Священной Гожтэм дышетэ, сьӧлыкъёсты шарае поттэ, шонер сюрес вылэ султытэ, Инмарлы ярамон улыны дышетыса, со пайда вае.17Соин ик Инмар адями дун-шектэм мед улоз, ӟеч ужъёсты лэсьтыны дась мед луоз.


предыдущая глава Глава 3 следующая глава