Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ КЫКЕТӤ ГОЖТЭТЭЗ

Глава 2

2-тӥ ЛЮКЕТ

1Озьыен, пие, Иисус Христос бордысь потэм дэлет тонэ мед юнматоз.2Трос адӟисьёс азьын, ваньзэ, мае тон мынам дышетонысьтым кылӥд, оскиськымон адямиослы тодыты, соос мукетъёссэ дышетыны мед быгатозы.3Иисус Христослэн ӟечлыко ожмаськисез кадь курадӟонъёсты чида.4Армиен кивалтӥсьлы кельшыны тыршыса, нокудӥз но ожгарчи огшоры улонысь ужъёсын ассэ уг герӟа.5Ӵошатсконэ пыриськись мурт пуктон-косонъёсты сӧрыса ӵошатскиз ке, вормисьлэсь медзэ-кузьымзэ уз басьты.6Музъем ужась но, пӧсятозяз тыршыса, будэтэм емышсэ нырысь ик ачиз веръяны кулэ.7Мае верасько, валаны тыршы. Кузё-Инмар тыныд котькытын но валан-нодлык сётоз.

8Давид выжыысь кулэмысь улӟыса султэм Кузё-Инмарез Иисус Христосэз тодад вай. Со сярысь мынам Ӟеч Ивор тодытонэ.9Со понна мон жильыетэ сюри но йыруж лэсьтӥсь кадь курадӟоно луисько. Но Инмарлэсь кылзэ жильыен дурылыса уд возьы.10Соин ик, мон Инмарлэн быръем муртъёсыз понна, соос но Иисус Христос бордын утиськон, нош утиськонэн ӵош пумтэм вапумъёслы данлык мед басьтозы шуыса, ваньзэ чидасько.11Шонер верамын:

Соин валче кулӥмы ке, Соин валче уломы но.
12Чидамы ке, Соин валче эксэйын пукомы но;
нош Солэсь куштӥськимы ке, Со но асьме бордысь куштӥськоз.
13Асьмеос оскиськымонэсь ке но ӧвӧл,
Со котьку оскиськымон,
уго Аслаз сётэм сӥзёнэзлэсь Со уг куштӥськы.

14Тае ваньмызлы тодазы вайыты, Кузё-Инмар азьын соослы алыса вера: кыл тэкшеронъёсы медаз пыриське. Со нокыӵе но пайда уг вайы, кылзӥськисьёслэсь мылкыдзэс гинэ сӧре.15Инмар азьын ярамон, ӟеч ужась лу, зэмлыклэсь кылзэ шонер дышеты.16Инмарлы ярантэм, чик кулэтэм супыльтонъёслэсь палэнскылы. Супыльтыса улӥсьёс Инмарлэсь кыдёкегес но кыдёкегес кошко.17Сыӵе адямиослэн дышетонзы рак висён кадь вӧлдӥськылоз. Сыӵеос пӧлы пыро Именей но Филит.18Соос зэмлыклэсь палэнскизы, «улӟыса султон вал ини» шуыса, соос калыклэсь осконзэ сурало-пожало.19Нош Инмарлэн пуктэм инъетэз вырӟытыны луонтэм юн сылэ, солэн вылаз тазьы гожтэм печатез вань: «аслэсьтызъёссэ Кузё-Инмар тодма» но «котькудӥз Кузё-Инмарлы оскисько шуись мурт урод ужъёс лэсьтыса улэмысь мед дугдоз».20Котькудаз бадӟым коркан зарни, азвесь сосудъёс сяна, вань на пулэсь, горд сюйлэсь лэсьтэм сосудъёс. Огъёсыз соос сӥё-дано учыръёсы кутӥсько, нош мукетъёсыз – огшоры дыръя.21Озьыен, кин ассэ вань уродлэсь чылкытатӥз-сузяз ке, со сӥё-дано учыре кутӥськись сосуд луоз, – со дун-сьӧлыктэм каремын, Кузё-Атайлы ярамон луэмын, котькыӵе ӟеч ужлы дасяса со пуктэмын.22Егит дыр мугор куронъёслэсь палэнскылы. Чылкыт сюлмынызы Кузё-Инмарлы ваньмыныз вӧсяськисьёсын ӵош шонерлыко, оскыса, яратыса, тупаса улыны тыршы.23Укылтэм, ярантэм ченгешонъёслэсь палэнскылы, тодӥськод уго, соос ваче пумит керетыса улонэ вутто шуыса.24Кузё-Инмарлэн ляльчиез керетыса улыны кулэ ӧвӧл. Со ваньмыныз ассэ лякыт возьыны кулэ, визьмо дышетӥсь мед луоз, йыркуръяськись медаз лу.25Аслыз пумитъяськыса улӥсьёслы небыт кылын со визь-нод сётыны кулэ. Инмар соослы но ӧпкельыса сьӧлыкъёслэсь куштӥськыны но зэмлыкез тодыны дыр, оло, сётоз ай.26Соку соос визьмаськысалзы но диаволлэн сьӧлтэтэзлэсь мозмытскысалзы. Отчы соосты диавол кутылӥз, аслэсьтыз эриксэ мед быдэсъялозы шуыса.


предыдущая глава Глава 2 следующая глава