Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ КЫКЕТӤ ГОЖТЭТЭЗ

Глава 1

1-тӥ ЛЮКЕТ

1Павел, Инмарлэн эрикеныз быръем Иисус Христослэн апостолэз, Иисус Христос бордын сӥзиськем улон вань шуыса тодытӥсь,2Тимофейлы, яратоно пиелы: Инмар Атаймылэн но Кузё-Инмармылэн Иисус Христослэн дэлетэз, гажан-жалянэз, каньыллыкез тон бордын мед улоз.

3Инмарлы тау карисько. Солы мон пересь атайёсмы кадь ик чылкыт сюлмын ужасько-тыршисько. Вӧсяськыкум тонэ уй но нунал ялан тодам вайисько.4Мон понна кисьтэм синкылиостэ тодам вайисько, соин ик мынам тонэ туж адӟеме потэ. Тонэ адӟысал ке, шумпотонэн пачылмысал.5Тынэсьтыд чылкыт, кужмо оскондэ тодам вайисько. Тынад Лоида песянаед но анаед Евника сыӵе ик осконэн улӥзы. Малпасько, тон но соослэн кадь ик осконэн улӥськод шуыса.6Та муген ик тынад тодад вайытӥсько: Инмарлэсь сётэм ӟечлыксэ ӟырдыт возь, со тынад вылад киме понэме дырысен тон бордын улэ.7Инмар асьмелы кышканлэсь духсэ ӧз сёты уго, Со сётӥз кужымлэсь, яратонлэсь, визьмын улонлэсь духсэ.8Соин ик табере Кузё-Инмармы Иисус Христос сярысь ивортыны эн возьдаськы. Мынэсьтым но, Со понна пытсэтын пукисьлэсь, эн возьдаськы; монэн ӵош Христослэсь Ӟеч Иворзэ тодытэм понна, Инмарлэн сётэм кужымезлы оскиськыса, куректон-кайгуэз чидась лу.9Со асьмеды утиз, дун-сьӧлыктэм луыны ӧтиз. Асьмелэн ужъёсмы понна ӧз, Ачиз ӟеч мылкыд карыса, гажан-жалян пыр Со асьмеды ӧтиз, кудзэ дуннелэн кылдэмезлэсь азьвыл ик Иисус Христос бордысен Со асьмелы сётӥз.10Утисьмылэн Иисус Христослэн лыктэмез пыр Инмарлэн гажан-жалянэз табере асьмелы усьтӥськиз. Со лыктӥз но кулонэз быдтӥз, Ӟеч Ивор пыр пиштӥсь улон, бырисьтэм улон вайиз.11Ӟеч Иворез тодытӥсь, апостол, язычникъёслы дышетӥсь карыса, Инмар монэ пуктӥз.12Та понна ик мон курадӟисько, но уг возьдаськиськы. Мон тодӥсько уго Кинлы оскемме. Аслаз лыктон нуналозязлы мыным сётэмез утьыса возьыны Солэн кужымез вань шуыса оскисько.13Мынэсьтым кылэм со визьмо дышетонэз сюлмад пон, Иисус Христослы оскыса, яратыса ул.14Асьме пушкын улӥсь Святой Духлэн кужыменыз тыныд оскыса сётэм ӟечлыкез уть.

15Асияысь потэмъёс ваньзы мон бордысь куштӥськизы шуыса, тон тодӥськод; Фигелл но Ермоген соос пӧлын ик.16Кузё-Инмар Онисифорлэн семьяезлы ӟечлык мед сётоз, уго со монэ трос пол буйгатылӥз, жильыетын пукисько шуыса, мынэсьтым со ӧз возьдаськылы,17Риме вуылыкуз, со монэ гижысь-пиньысь утчаз но шедьтӥз.18Аслаз лыктон нуналаз Кузё-Инмар солы Кузё-Инмарлэсь гажан-жалянзэ мед возьматоз, нош Ефесын со кӧня мыным юрттӥськиз, – тон ваньмызлэсь умойгес тодӥськод.


предыдущая глава Глава 1 следующая глава