Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ НЫРЫСЕТӤ ГОЖТЭТЭЗ

Глава 6

6-тӥ ЛЮКЕТ

1Зӥбет улын улӥсь ляльчиос асьсэлэсь кузёоссэс сӥё-сано карыса, гажаса улыны кулэ, Инмарлэн нимыз, Солэн дышетонэз сантэмамын медаз луэ шуыса.2Инмарлы оскись кузёослэн ляльчиоссы кузёоссэс санэ понытэк медаз улэ, малы ке шуоно соос ог-огзылы агай-вынъёс луо; соос кузёоссылы эшшо но юнгес ужаны-тыршыны кулэ, соос уго Инмарлы оскисесь, яратыны ярамонэсь муртъёсыз луо, соослы ӟеч карыса уло.

Талы тон, Тимофей, соосты дышеты, валэкты.3Кин мукет дышетонъёсты вӧлмытэ, Кузё-Инмарлэсь Иисус Христослэсь визьмо кылъёссэ, Инмар азьын шонерлыко улон сярысь дышетонэз санэ уг поны,4со вылӥ мылкыдо адями, со номыр но уг тоды. Сыӵе адями ченгешонъёсын, кыл тэкшеронъёсын азэмын, нош соос бордысь вожъяськон, керетонъёс, урод кылъёс, кескичлыко янгыше уськытонъёс пото.5Визьзы сӧриськем адямиос уг тодо, мар со зэмлык, соос ялан куспазы тэрытэк, ченгешыса уло. Оскон бордысь барыш басьтыны малпаса уло. Таӵеослэсь палэнскылы.

6Самой бадӟым шумпотон – со Инмар азьын шонерлыко улон но маид вань, соин тыр луон.7Дунне вылэ асьмеос номыр но ӧм вае, соин ик отысь но номыре сьӧрамы нуыны ум быгатэ.8Сиёнмы вань ке, дӥськутмы вань ке, соин тыр луоме.9Нош узырмыны мылкыд карисьёс визь сынаськонэ, сьӧлтэтэ сюро, трос пумо укылтэм, уродэсь мугорлэн куронъёсыз пӧлы усё, нош соос куашканэ, быронэ вутто.10Уго вань уродлыклэн выжыез коньдонэз яратон бордысь потэ. Солы сётӥськыса, куд-огъёсыз осконлэсь куштӥськизы но трос секытэсь адӟонъёс адӟоно луизы.

11Нош тон, Инмар адями, таӵе улонлэсь палэнскы. Шонер, Инмарлэсь кышкаса, оскыса, яратыса, чидаса, зӥбыт-востэм улонын азинлыкед мед луоз.12Быронтэм улон басьтон понна осконлы ярамон уж лэсьтыны тыршы. Таӵе улонлы тонэ Инмар ӧтиз, трос адӟисьёс азьын осконэз тодытыса, тон ӟеч верад.13Ваньзэ улӟытӥсь Инмар азьын, Понтий Пилат азьын осконэз тодытыса, ӟеч верась Иисус Христос азьын тонэ курисько14Кузё-Инмармы Иисус Христос лыктытозь, курон-косонэз чылкытэн, дун-шектэк уть.15Дыр вуиз ке, Иисус Христослэсь лыктонзэ усьтоз шудо, одӥг гинэ кужмо, эксэйёс пӧлысь Эксэй, кузёос пӧлысь Кузё-Инмар.16Солэн огназлэн гинэ пумтэм вапумъёсы улонэз вань, Со пырыны луонтэм югыт пӧлын улэ, адямиос пӧлысь Сое нокин но ӧз адӟы, адӟыны но уг быгаты. Солы пумтэм вапумъёслы сӥ-дан но кужым! Аминь!

17Таисьтыз улонысь узыръёслы таӵе валэктон сёт: медаз вылтӥяське, бырись-бытмись узырлык вылэ медаз оскиське. Соос улэп Инмар вылэ мед оскиськозы – асьмелы майбыр улон понна ваньзэ тырмыт сётӥсь Инмар вылэ.18Соос ӟеч ужъёс мед лэсьтозы, ӟеч ужъёсын мед узырмозы. Шырыт сямоесь, капчи мылкыдын вераськисесь мед луозы.19Тазьы улыса, соос быронтэм улонэ вуттӥсь узырлык асьсэлы люкалозы – со вуоно улонлэн ӟеч инъетэз луэ.

20Э, Тимофей! Инмар тыныд мар сётӥз, сое уть. Инмарлы ярантэм чик кулэтэм юнме кыл тэкшеронъёслэсь, ӧрекчи тодон бордысь потэм ченгешонъёслэсь палэнскылы.21Солы сётӥськыса, куд-огъёсыз осконлэсь куштӥськизы. Инмарлэн дэлетэз тон бордын мед улоз. Аминь!


предыдущая глава Глава 6 следующая глава