Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ НЫРЫСЕТӤ ГОЖТЭТЭЗ

Глава 5

5-тӥ ЛЮКЕТ

1Пересь муртэ эн пыкылы, атаеныд кадь соин вераськы. Аслэсьтыд покчи арлыдо агай-вынъёсыныд но озьы ик.2Пересь кышномуртъёсын ас анаеныд кадь вераськы. Егит нылъёсын вордэм сузэръёсыныд кадь дун-чылкыт астэ возь.

3Палкышноос сярысь сюлмаськы, соос огназы кылемын ке.4Палкышнолэн нылпиосыз яке нылпиезлэн нылпиосыз вань ке, соос Инмарлы оскемзэс уж вылын мед возьматозы: нырысь ик асьсэлэн семьязы сярысь сюлмаськыны, анай-атайёссэс вордыны мед дышетскозы – таӵе улон Инмарлы ярамон луэ.5Чылкак огназ кылем палкышно Инмарлы оскиське но уен-нуналэн вӧсяськыса, куриськыса улэ.6Нош эзылыса-эркияськыса улӥсь улэп дыръяз ик кулэмын ни.7Дун-шектэм мед улозы шуыса, соослы индылы, валэкты.8Нош кин аслаз ӵыжы-выжыосыз, уката ик семьяосыз сярысь уг ке сюлмаськы, со мурт Инмарлы осконлэсь куштӥськемъёсын одӥг радэ пыре, оскисьтэм муртлэсь но уродгес шуыса лыдӟиське.9Палкышноос радэ пырты сыӵезэ гинэ, кудӥзлы тырмиз ни куатьтон арес но со одӥг пол гинэ быземын вал ке.10Со тодмо мед луоз ӟеч ужъёсыныз, пиналъёсты будэтэменыз, пыдйылчиосты утялтэменыз, вӧсяськисьёслэсь пыдъёссэс миськылэменыз, куанер улӥсьёслы юрттылэменыз, котькыӵе ӟеч ужез сюлмысь быдэсъяменыз.11Нош егит палкышноосты таос радэ эн куты, уго соос, лулмугор кулэ каронъёссы ӝуатскыку, Христослэсь палэнско, соослэн нош ик быземзы потыны кутске.12Соос суд улэ сюроноос, малы ке шуоно Инмар азьын азьвыл сётэм кылзылэсь соос куштӥськизы.13Нош эшшо ке, соос капчи улонэз яратыны кутско но коркась корка ветлыны дышетско. Капчи улонэз яратӥсь гинэ ӧвӧл, эшшо ке супыльтӥсесь, котьмаин тунсыкъяськисесь луо, мае уг яра, сое вераса ветло.14Соин ик мынам ӵектэме потэ: егит палкышноос мед бызёзы, пинал мед ваёзы, юрт котырысь ужъёсын мед кивалтозы но тушмонлы урод кылъёс вераны нокыӵе но муг медаз сётэ.15Куд-огъёсыз уго, осконлэсь палэнскыса, шайтанлэн сюрес кузяз кошкизы ни.16Кинлэн ке оскись муртлэн ӵыжы-выжыосыз пӧлын палкышноосыз вань ке, соос сярысь со мед сюлмаськоз, черк вылэ гинэ секытэз медаз усьы – черк зэмос палкышноослы юрттӥськыны кулэ.

17Ужзэс ӟеч нуись вӧсяськисьёслэсь кивалтӥсьёссэс нимысьтыз сӥлы карыны кулэ, уката ик Инмар кылэз тыршыса тодытӥсьсэ, дышетӥсьёссэ.18Уго Священной Гожтэм шуэ: «кутсаськись ошедлэсь ымзэ эн кортна» но «ужась мурт сюроно медзэ-люкетсэ басьтыны кулэ».19Вӧсяськисьёслэн кивалтӥсьсы вылэ янгыш уськытонэз кык яке куинь адӟисьёс веразы ке, соку гинэ сое санэ пон.20Сьӧлыкасьёсты вань калык азьын шарае потты, мукетъёсызлэн но кышканзы мед кылдоз шуыса.

21Инмар азьын, Кузё-Инмармы Иисус Христос азьын, быръем Кылчинъёс азьын тонэ тэльмырыса курисько: та куронэз быдэсъяса ул, номыре но ас тодэмъяд, нокинэ но улӥ-вылӥ карыса эн лэсьты.22Дыртыса нокин вылэ но кидэ эн поны, муртлэн сьӧлык лэсьтоназ эн пыриськы; дун-чылкыт астэ возь.23Азьланяз ву гинэ эн юы, ӧжытак вина но ю, кӧтпушкыд мед юнмалоз, висёнъёсыд мед дугдозы шуыса.

24Куд-ог адямиослэн сьӧлыкъёссы чик ватӥськемын ӧвӧл, соос шонерак соосты суд улэ нуо, нош куд-огезлэн сьӧлыкъёсыз бӧрысьгес усьтӥськозы ай.25Озьы ик ӟеч ужъёс но адӟиськыса уло, нош сокем уг ке но адӟисько, ватӥськыса кылемзы уз луы.


предыдущая глава Глава 5 следующая глава