Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ НЫРЫСЕТӤ ГОЖТЭТЭЗ

Глава 3

3-тӥ ЛЮКЕТ

1Шонер верамын: кинлэн епископ луэмез потэ, со ӟеч уж лэсьтыны мылкыд каре.2Но епископ шектэм луыны кулэ: со одӥг пол гинэ кышнояськемын луыны кулэ, визьмын улӥсь, ассэ кутыны быгатӥсь, лякыт сямо, пӧяськисьтэм, ӟудыса-ёрмыса улӥсьёслы юрттӥськись, дышетыны-валэктыны быгатӥсь.3Юонэз яратӥсь медаз лу, керӟегъяськись-лекъяськись, аслыз пайда-барыш утчась медаз лу. Со зӥбыт-востэм сямо, тупаса улонэз яратӥсь, узырлыкез яратӥсьтэм мед луоз.4Ас семьяезлы ӟеч кузё мед луоз; нылпиосыз кылзӥськисесь, тэрытскисесь луыса мед будозы.5Уго кин ас юртэныз кивалтыны уг быгаты, кызьы со Инмарлэн Черкеныз кивалтыны быгатоз?6Али пылатэмъёс пӧлысь со медаз луы: уго соку со данъяськыны-вылтӥяськыны кутскоз но диаволэн ӵош судэ сюроз.7Пыкылон пӧлы, диаволлэн сьӧлтэтаз медаз сюры шуыса, солэн калык пӧлын ӟеч данэз мед луоз.

8Озьы ик диаконъёс асьсэды ӟеч возьыны кулэ, кык пумо вераськисесь, винаез яратӥсесь, асьсэлы пайда-барыш утчасесь медаз луэ.9Осконлэсь ватӥськыса улӥсь зэмлыксэ чылкыт мылкыдынызы утисесь мед луозы.10Азьвыл ик соосты эскерыса-чакласа утчано, собере, шекъёссы ӧвӧл ке, служить карыны лэзёно.11Озьы ик кышноос но асьсэды ӟеч возисесь, кыл нуллӥсьтэмесь, юисьтэмесь, котьмар ласянь оскиськымонэсь луыны кулэ.12Диакон одӥг пол гинэ кышнояськемын луыны кулэ; нылпиосызлы но, ас юртэзлы но со ӟеч кузё луыны кулэ.13Уго ӟеч служить карисьёс вылӥ тубатэ ӝутско но Иисус Христослы осконын чик кышкасьтэмесь луо.

14Тае тыныд гожтӥсько, нош ачим ӝоген тон доры вуо шуыса малпасько.15Ӝегано луи ке, тон мед тодод, Инмар коркан кызьы тон астэ возьыны кулэ, – уго со улэп Инмарлэн Черкез луэ, нош со зэмлыклэн юбоез, инъетэз луэ.16Шонерак вераны кулэ: зэмос осконлэн ватӥськыса улӥсь зэмлыкез быдӟым:

Инмар адями мугорын лыктӥз, Дух пыр Ассэ шонере поттӥз,
Ассэ Кылчинъёслы возьматӥз, Со калыкъёслы тодытэмын вал,
дунне Солы оскыны кутскиз, пиштӥсь данлыкен Со Инме ӝутскиз.


предыдущая глава Глава 3 следующая глава