Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ТИМОФЕЙЛЫ ЫСТЭМ НЫРЫСЕТӤ ГОЖТЭТЭЗ

Глава 2

2-тӥ ЛЮКЕТ

1-2Нырысь ик, мон курисько вань адямиос, эксэйёс понна, вань кузёос понна куриськыны, вӧсяськыны, дурбасьтыны, тау карыны, шыпыт, бугыръяськонъёстэк, шонерлыко, дун-чылкыт улыны мед быгатомы шуыса.3Таӵе вӧсяськон асьмелэн Инмармылы, Утисьмылы ӟеч, ярамон луэ.4Солэн вань адямиосты утиськытэмез, зэмлыкез тодытэмез потэ.5Инмар одӥг. Инмарен адямиос вискын кусып возись но одӥг. Со Адями Иисус Христос,6ваньзэ сьӧлыкъёслэсь мозмытон понна Со Ассэ Ачиз сётӥз: дырызлэсь вуэмзэ тодытон вал со.7Со понна мон пуктэмын вал Ӟеч Ивор тодытӥсь, апостол карыса. Христослэн нимыныз зэмзэ верасько, уг пӧяськы, – осконэз, зэмлыкез язычникъёс пӧлы вӧлмытон понна мон быръемын вал.

8Мылкыд карисько: пиосмуртъёс котькыӵе интыысен чылкыт сюлмын, вожпотонтэк, шекланытэк киоссэс ӝутыса мед вӧсяськысалзы.9Озьы ик кышномуртъёс но: йӧспӧртэм, гольтрес медаз дӥсяське, асьсэды зӥбыт-востэм мед возёзы. Асьсэды йырси пунонъёсын, зарниен но, марӟанэн но, дуно дӥськутэн но медаз чеберъялэ.10Кызьы кулэ Инмарлы оскись кышномуртъёслы, озьы соос но ӟеч ужъёс лэсьтыса мед улозы.11Кышномурт чус кариськыса, тэрытскыса мед дышетскоз.12Кышномуртэз дышетыны, кузпалэныз кузёяськыса улыны уг лэзиськы. Со чус мед улоз.13Уго нырысь ик Адам кылдытэмын, нош собере – Ева.14Визь тугаськонэ Адам ӧз сюры, кышномурт сюриз, со сьӧлыказ.15Но со нылпи ваён пыр утиськоз: осконэн, яратонэн, дун-чылкыт, дун-шектэм улӥз ке.


предыдущая глава Глава 2 следующая глава