Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ФЕССАЛОНИКА КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 3

3-тӥ ЛЮКЕТ

1Эшшо таӵе веранэ вань на: агай-вынъёсы, ми понна вӧсяське. Тӥ дорын кадь ик Кузё-Инмарлэн Ӟеч Иворез мукет интыосы но ӝог мед вӧлмоз, данэ мед потоз.2Сӧриськем, кескич адямиослэсь мозмытскыны ми мед быгатысалмы шуыса, ми понна вӧсяське. Ваньмызлэн осконэз ӧвӧл уго.3Но Кузё-Инмар оскиськымон, Со тӥледыз юнматоз, шайтанлэсь утёз.4Кузё-Инмар бордын ми тӥледлы оскиськомы, ми оскиськиськомы: тӥ быдэсъяськоды, быдэсъялоды но сое, мае лэсьтыны ми тӥледыз куриськомы-косӥськомы.5Кузё-Инмар тӥлесьтыд сюлэмдэс Инмарез яратон пала, Христослэн чиданэз пала мед берыктоз.

6Агай-вынъёсы, Кузё-Инмармылэн Иисус Христослэн нимыныз тӥледыз куриськомы-косӥськомы азьтэмъяськыса, милесьтым дышетэммес кабыл басьтытэк улӥсь адямиослэсь палэнскыны.7Асьтэос тодӥськоды, кызьы тӥ милесьтым адӟем карыса улыны кулэ. Ми тӥ дорын ур-вар поттыса ӧм улэ уго.8Нокинлэсь но так шоры няньзэ ӧм сие, ужаса улӥмы. Уй но нунал пӧсятозямы ужамы, акылляськытэк улыны тыршимы.9Соосты курыны милям правомы ӧвӧлысь ӧвӧл со, милесьтым адӟем карыны тӥледлы пример сётон понна со.10Уго, куке ми тӥ дорын вал, тӥледыз тазьы улыны дышетӥмы: «Кин уг ужа, со уг сиы».11Ми кылӥмы, кызьы тӥ пӧлысь куд-огъёсыз азьтэмъяськыса уло, номыр но кулэзэ уг лэсьто, пайдатэм ужъёсын выро.12Таӵеосты Кузё-Инмармылэн Иисус Христослэн нимыныз куриськомы, косӥськомы, соос зӥбыт-востэм мед ужалозы но ужаса поттэм няненызы кӧтсэс мед тырозы шуыса.13Нош тӥ, агай-вынъёсы, ӟеч уж лэсьтэмысь эн дугдылэ.14Кин ке тӥледлы ыстэм гожтэтысь милесьтым верам кылмес ӧз ке кылзӥськы, сое синйылтыса возе. Возьытэз валатон понна соин кусып эн возе.15Но тӥ сое тушмон шуыса эн лыдъялэ, агай-вындэс музэн визьмалэ-нодъялэ сое.

16Тупаса улон вайись Кузё-Инмар тӥледлы котьку но, котькытын но Ачиз каньыллык мед сётоз. Кузё-Инмар ваньмыныды тӥледын огазьын мед улоз!

17Котькуд ыстэм гожтэтэлэсь ӟечкылан люкетсэ мон, Павел, ас киыным гожтыса, тазьы йылпумъясько:18Кузё-Инмармылэн Иисус Христослэн дэлетэз тӥ бордын, ваньды бордын мед улоз. Аминь.


предыдущая глава Глава 3 следующая глава