Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ФЕССАЛОНИКА КАРЫН УЛӤСЬЁСЛЫ ЫСТЭМ КЫКЕТӤ ГОЖТЭТЭЗ

Глава 1

1-тӥ ЛЮКЕТ

1Павел, Сӥлуан но Тимофей – Инмар Атаймы но Кузё-Инмар Иисус Христос бордын улӥсь Фессалоникаысь черклы:2Инмар Атаймылэсь но Кузё-Инмарлэсь Иисус Христослэсь дэлетсэ, каньыллыксэ тӥледлы сӥзиськомы.

3Агай-вынъёс, ми котьку но тӥ понна Инмарлы тау карыны кулэ. Со шонер. Уго тӥляд осконды кужмоя, куспады ог-огдэс яратонды но будэ.4Соин ик ми Инмарлэн черкъёсаз тӥледын ушъяськиськомы. Котькыӵе уллянъёс, куректон-кайгуос пӧлын улыса но, тӥ ваньзэ чидаськоды, оскон бордын кужмо сылӥськоды.5Соос луо Инмарлэн шонерлыко судэзлэн тодметъёсыз. Инмарлэн Эксэйлыказ пырыны ярамонэсь луон понна тӥ куректон-кайгу чидано луиськоды.6Инмар шонер лэсьтэ: тӥледыз сантэмасьёслы Со куректон-кайгуэн пунэмзэ берыктэ,7нош тӥледлы, ултӥям муртъёслы, Кузё-Инмар Иисус, Аслаз кужмо Кылчинъёсыныз Инмысь лыктыкуз, милемын валче шумпотон сётоз.8Инмарез тодӥсьтэмъёслы, Кузё-Инмармылэсь Иисус Христослэсь Ӟеч Иворзэ кабыл басьтӥсьтэмъёслы гомась тыл пушкын Со пунэмзэ берыктоз.9Сыӵе адямиослэн азьпал адӟонзы – пумтэм вапумъёслы бырон. Кузё-Инмарлэн син азьысьтыз, Солэн быдӟымлыко пиштӥсь данлыкез бордысь соос уллямын луозы.10Святойёсыз бордын данэ потыны, вань оскисьёслы паймыны луымон лыктон нуналаз, соос пӧлын тӥ но луоды, малы ке шуоно тӥ оскиды солы, мае ми тӥледлы тодытӥмы.11Соин ик котьку но тӥ понна вӧсяськиськомы: Инмар тӥледыз ӧтем улонэзлы тупамонэсь мед кароз, Аслаз кужыменыз котькыӵе ӟеч уж лэсьтыны, оскондэс кужмоятыны Со ӟеч эриксэ мед сётоз шуыса.12Инмармылэн, Кузё-Инмарлэн Иисус Христослэн тӥледлы сётэм дэлетэныз, Кузё-Инмармылэн Иисус Христослэн нимыз тӥ пыр данэ мед потоз, нош тӥ – Со пыр данэ мед потоды.


предыдущая глава Глава 1 следующая глава