Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ФЕССАЛОНИКА КАРЫН УЛӤСЬЁСЛЫ ЫСТЭМ НЫРЫСЕТӤ ГОЖТЭТЭЗ

Глава 5

5-тӥ ЛЮКЕТ

1Та дыръёслэн, вапумъёслэн вуонзы сярысь тӥледлы гожъяны, агай-вынъёсы, кулэлыкез ӧвӧл.2Уго тӥ асьтэос ӟеч тодӥськоды: возьмамтэ дыръя, уйин лушкаськись кадь, озьы Кузё-Инмарлэн нуналыз лыктоз.3Куке вераны кутскозы: «тупаса улон, кышкатэк улон», соку шӧдтэк шорысь, кызьы нуны вайись кышномурт доры ӝог вуэ курадӟон, озьы ик соос доры бырон вуоз. Нокин но ватӥськыны уз быгаты.4Но тӥ, агай-вынъёсы, пеймыт азьын уд улӥське, соин ик нунал тӥледыз, лушкаськись кадь, шӧдтэк шорысь уз куты.5Уго ваньды тӥ югытлэн, нуналлэн нылпиосыз; асьмеос уйлэн, пеймытлэн нылпиосыз ӧвӧл.6Ойдолэ, мукетъёс кадь ум изе, сэзь-сэзь кариськоме, сазь уломе.7Изисьёс уйин изё, кудӟытозь юисьёс уйин кудӟытозязы юо.8Нош асьмеос, нуналлэн нылпиосыз, сазь уломе, осконлэсь, яратонлэсь корт дӥсьсэс дӥсяломе, утиськон понна оскиськонлэсь корт изьызэ изьыяломе.9Инмар асьмеды вожпотон улын возён понна ӧз бырйы, Кузё-Инмармы Иисус Христос пыр утиськон басьтон понна Со асьмеды бырйиз.10Христос асьме понна кулӥз, – сэзь улӥськомы-а яке кулон уммен изиськомы-а – Соин валче пырак ӵоже мед уломы шуыса, Со асьмеды бырйиз.11Соин ик, кызьы тӥ али лэсьтӥськоды, азьланяз но ог-огдылэсь мылкыддэс ӝутэ, ог-огдэс юнматэ.

12Агай-вынъёсмы, тӥ дорын вань кужымзэ поныса ужасьёсты, Кузё-Инмарлэн черкеныз кивалтӥсьёсты, кинъёс тӥледлы визь-нод сёто, дышето, соосты тӥ дунъялэ.13Соослэн та ужзы понна соосты мур гажаса сӥё-дано каре. Куспады тупаса улэ.14Агай-вынъёсы, ми тӥледыз куриськомы: азьтэмъёсты визьмалэ, усем мылкыдын улӥсьёслэсь мылкыдзэс ӝутэ, начаръёслы юрттӥське. Котькытын, котьма ласянь чидасесь луэ.15Чаклаське, нокин но нокинлы но уродэзлы пумит уродэн пунэмзэ медаз берыктылы. Ог-огдылы, вань калыклы котьку но ӟеч лэсьтыны тырше.16Ялан шумпотонэн улэ.17Дугдылытэк вӧсяське.18Ваньмыз понна Инмарлы тау каре: уго Инмар тӥлесьтыд, Иисус Христос бордын улӥсьёслэсь, тазьы улэмдэс возьма.19Духез эн кысэ.20Инмарлэсь дэлето кузьымзэ, кудӥз луэ Солэсь кылзэ ивортон, кулэтэм эн каре.21Ваньзэ чаклалэ-эскере, ӟечез бордын кутӥськыса улэ.22Нош вань уродлэсь-леклэсь палэнске.

23Ачиз тупаса улонлэн Инмарез тӥледыз быдэсак дун-сьӧлыктэм мед кароз. Тӥляд духты, лулды, мугорды Кузё-Инмармылэн Иисус Христослэн лыктыкузлы дун-шектэм луыса мед возиськоз.24Оскиськымон тӥледыз Ӧтись, Со ваньзэ тае лэсьтоз.

25Агай-вынъёс, ми понна вӧсяське!

26Святой чупанэн чупаса вань вӧсяськись агай-вынъёсты ӟечкылалэ.27Кузё-Инмарлэн нимыныз тӥледыз сюлворыса курисько: та ыстэм гожтэтэз вань агай-вынъёслы лыдӟелэ.

28Кузё-Инмармылэн Иисус Христослэн дэлетэз тӥ бордын мед улоз. Аминь.


предыдущая глава Глава 5 следующая глава