Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОЛОССЫ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 3

3-тӥ ЛЮКЕТ

1Озьыен, тӥ Христосэн ӵош кулэмысь улӟытыса султытэмын бере, Инмысь ӟечлыкез табере утчалэ, – отын, Инмарлэн бурпалаз, Христос пуке.2Инмысез сярысь малпаське, музъем вылысез сярысь эн сюлмаське.3Уго та дунне понна тӥ кулӥды ни, тӥляд улонды Христосэн огазе Инмар дорын ватэмын.4Нош Христос – тӥляд улонды – лыктӥз ке, соку тӥ но Соин ӵош пиштӥсь данлыкын адӟиськоды.

5Музъем вылысьсэ, мар вань пушкады, ваньзэ быдтэ: азыса-калгыса улонэз, кырсь ужез-малпанэз, азон сьӧлыклы ӝуатскем мылкыдэз, калгонлы-юмшанлы мылкыд лӧпкытонэз, узырлык вӧзы узырлык люкаса улонэз, – со сульдэръёслы-идолъёслы йыбыртъянэн одӥг радын сылэ.6Соос понна пумитъяськыса улонлэн нылпиосыз вылэ Инмарлэн вожпотонэз ӝутске.7Сыӵе улон пӧлын куке но тӥ но бергады, – пумитъяськыса улонлэн нылпиосыз пушкын улыкуды.8Нош табере ваньзэ таосты палэнтэ: лекъяськонэз, йыркурен пурӟонэз, вожпотонэз, кыл нуллонэз, урод-лек кылын вераськонэз;9огдэс огды эн ӧрекчалэ, вужмем адями луондылэсь ”дӥськутсэ” кылиды ни, табере солэсь ужъёссэ эн ни лэсьтэ,10Инмарез тодон-валан понна, аслаз Кылдытӥсезлы укшась луон понна ялан выльдӥськись выль адями луонэн тӥ дӥсяськиды ни;11табере татын ӧвӧл ни грек но, иудей но, вандӥськем но, вандӥськытэк кылем мурт но, варвар но, скиф но, ляльчи но, эрико улӥсь но, нош табере ваньмыз бордын, котькытын – Христос.

12Тӥ Инмарлэн быръемъёсыз, вӧсяськись калык, Солэн яратоно муртъёсыз! Дӥсяське-шобырске гажась-жалясь, лякыт сямо, зӥбыт-востэм, кема чидась луонлэн дӥськутэныз.13Ог-огдэс чидаса улэ, кинлэн ке кин ке вылэ йыркурез вань ке, ог-огдылы простить каре, кызьы Христос тӥледлы простить кариз, озьы ик тӥ но простить каре.14Эшшо яратонэн дӥсяське-шобырске, со дун-шектэм луонлэн шорсюлмыз луэ.15Тӥляд сюлэмъёсады Инмарлэн сётэм тупаса улонэз мед кузёяськоз. Тӥ ваньды одӥг Мугорлэн люкетэз луиськоды, тӥ тупаса улон понна ӧтемын. Ваньмыз понна тӥ тау карыса улэ.16Христослэн Кылыз тӥляд пушкады пачылмыса мед улоз. Огдэс огды псаломъёсын, кылбуранъёсын, духовной кырӟанъёсын дышетэ, визьмалэ, сюлмысьтыды Кузё-Инмарлы тау карыса кырӟалэ.17Ваньзэ, мае тӥ лэсьтӥськоды, – кылын-а, уж вылын-а, ваньзэ Кузё-Инмарлэн Иисус Христослэн нимыз понна лэсьтэ, Со пыр Инмар Атайлы тау каре.

18Кышномуртъёс! Асьтэлэн кузпалъёстылы тэрытскыса улэ, со Кузё-Инмарлы ярамон.19Пиосмуртъёс! Асьтэлэсь кышноостэс яратэлэ, лекъяськыса-уродъяськыса соосын эн улэ.

20Нылпиос! Котьмар ласянь но анай-атайёстылэсь кылзӥськисесь луэ, уго со Инмарлы ярамон.21Атайёс! Асьтэлэсь нылпиостэс эн керӟегъяськытэ, соос ӝоже усёно медаз луэ.

22Ляльчиос! Котьмар ласянь но асьтэлэн музъем вылысь кузёостылы тэрытскелэ, тӥледыз чакласа улыкузы гинэ ӧвӧл, кызьы лэсьто адямиослы кельшыны турттӥсьёс, но чылкыт сюлэмен, Инмарлэсь кышкаса соослы тэрытске.23Ваньзэ, мае лэсьтӥськоды, лулысь-сюлмысь лэсьтэ, адямиослы кадь эн, Кузё-Инмарлы кадь лэсьтэ.24Тодэ, Кузё-Инмар тӥледлы пунэм берыктыса люкет сётоз, уго тӥ Кузё-Инмарлы Христослы ужаськоды-тыршиськоды.25Нош кин шонертэм ужъёс лэсьтэ, со аслаз шонерлыктэм ужъёсызъя ик пунэмзэ басьтоз: Инмар нокинэ но улӥ-вылӥ уг кары, Со ымныр шоры уг учкы.


предыдущая глава Глава 3 следующая глава