Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН КОЛОССЫ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 4

4-тӥ ЛЮКЕТ

1Кузёос! Ляльчиостылэсь басьтоно люкетсэс шонер, кӧня кулэ, сомында сётэлэ. Тӥляд но уго Инмын Кузёды вань шуыса эн вунэтэ.

2Сэзь улэ, ялан Инмарлы тау карыса вӧсяське.3Ми понна но вӧсяське, Ӟеч Иворез тодытыны Инмар милемлы ӧсэз мед усьтоз, Христос сярысь ватӥськыса улӥсь зэмлыкез ивортыны мед быгатомы шуыса. Со понна ик мон жильыетэ сюремын уго.4Кызьы кулэ, озьы шонер, валамон мед быгатысал сое вераны шуыса, мон понна вӧсяське.5Оскисьтэм калыкен асьтэдыз визьмо возе, дырдэс юнме эн быдтэ.6Калыкен котьку визьмо, лякыт кылын вераське, отын сылалэз мед луоз, – тодэ кызьы кулэ котькудӥзлы адямилы ответ сётыны.

7Мон сярысь ваньзэ тӥледлы гажано братмы Тихик вералоз. Кузё-Инмарлы со монэн ӵош оскиськымон ужась, тыршись мурт луэ.8Сое мон тӥ доры соин ыстӥ: со мед тодысал тӥляд улон-вылон югдурды сярысь но тӥлесьтыд сюлэмъёстэс мед буйгатысал шуыса.9Сое оскиськымон, гажано братэнымы Онисимен ӵош ыстӥсько. Со но тӥ пӧлысь ик потэмын уго. Татысь вань ужъёс сярысь соос тӥледлы вералозы.

10Аристарх, монэн ӵош пытсэтын пукись, тӥледлы салам вера. Озьы ик салам вера Марк – Варнавалэн матысь ӵыжы-выжыез, со сярысь мон тӥледлы таӵе косон ыстӥ: тӥ доры лыктӥз ке, сое куно каре.11Салам вера Иисус но, сое ваньмыз Иуст шуыса нимало. Христослы оскыны кутскем иудейёс пӧлысь таос гинэ Инмар Эксэйлык понна монэн ӵош ужало-тыршо. Соос мынам шумпотон вайисьёсы.12Тӥледлы салам вера Епафрасты, Иисус Христослэн ляльчиез. Со котьку но тӥ понна сюлмысьтыз вӧсяське, тӥ дун-шектэмесь мед луоды но Инмарлэсь эриксэ быдэсъян мылкыдын ялан мед улоды шуыса.13Тӥледлы ивортӥсько: тӥ понна, нош озьы ик Лаодикияын но Иерапольын улӥсьёс понна Епафрас туж сюлмаськыса-тыршыса ужа.14Тӥледлы салам вера Лука, врач, гажано мурт, нош озьы ик Димас.15Лаодикияысь агай-вынъёслы, Нимфанлы но солэн гуртаз люкаськись черк калыклы салам вералэ.

16Та гожтэтэз тӥ асьтэ дорын лыдӟиды ке, сое Лаодикияе ыстэ, отысь черкын но сое мед лыдӟозы. Лаодикияысь вуэм гожтэтэз тӥ но лыдӟе.

17Архипплы вералэ: Кузё-Инмарлэсь солы сётэм ужан-тыршонэз со вань сюлэмзэ поныса мед быдэсъялоз.

18Салам веранъёсме мон, Павел, ас киыным гожтӥ. Монэ, жильыетын пукисез, эн вунэтэ. Инмарлэн дэлетэз ваньды бордын мед улоз. Аминь.


предыдущая глава Глава 4 следующая глава