Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ФИЛИППЫ КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 3

3-тӥ ЛЮКЕТ

1Агай-вынъёсы, Кузё-Инмар бордын шумпотыса улэ. Тӥледлы со сярысь ик эшшо но эшшо гожъяны мыным секыт ӧвӧл, уго со тӥледыз утьыса возёз.

2Утиське лек ”пуныослэсь”, утиське урод лэсьтӥсьёслэсь, утиське ӧрекчи вандӥськонлэсь,3малы ке шуоно зэмос вандӥськемъёс – со асьмеос, духенымы Инмарлы ужась-тыршисьёс, Иисус Христосэн ушъяськисьёс, асьме лулмугор вылэ оскиськыса ум улӥське, –4ачим вылэ мон оскиськыны быгатӥсько ке но. Адямиос пӧлысь кин ке но ас вылаз оскиськыны малпа ке, ваньмызлэсь тросгес мон быгатӥсько:5тямысэтӥ нуналэ мыным вандӥськон сям ортчытэмын, израиль калык пӧлысь, Вениамин выжыысь потэмын, зэмос еврей, законэз утёнъя – фарисей луисько,6вань кужмыным Инмарлэсь Черксэ улляса ветлӥ, законлэн шонерлыко куронэзъя учконо ке, шектэм-сьӧлыктэм мон.7Нош мар мон понна вылӥлыко-пайдалыко вал, Христосэз тодэм берам ваньзэ сое жуг-жаг луэ шуыса лыдъяны кутски.8Кузё-Инмарме Иисус Христосэз ваньмызлэсь вылӥ луэ шуыса тодэм берам ваньзэ мукетсэ кулэтэмен лыдъясько. Христосэз шедьтон понна мон ваньзэ ыштӥ но ваньзэ мукетсэ жуг-жаг луэ шуыса лыдъясько.9Христосэн огазьын луон понна шонере потон закон пыр медаз ни луы, мед луоз Христослы оскон бордысь басьтэм шонере потон, кудзэ Инмар оскись муртлы сётэ.10Мынам тодэме потэ Христосэз но Солэн улӟыса султонэзлэсь кужымзэ, мынам Солэн курадӟоназ пыриськеме потэ, Солэсь кулонзэ ас вылам чидаме потэ –11кулэмысь улонэ улӟыса султӥсьёс пӧлы мон но мед сюрысал.

12Тае мон уг вераськы, мае кулэ, сое мон шедьтӥ ини, дун-шектэм луи ни шуыса. Но мон тыршисько басьтыны озьы, кызьы монэ Христос Иисус Аслыз басьтӥз.13Агай-вынъёсы, мар кулэ вал, ваньзэ сое быдэстыса вуи ни шуыса, мон уг лыдъяськы; нош ортчемзэ-азьвылзэ вунэтыса кельтӥсько но азьпала чуртнаськыса мынӥсько,14дыртӥсько сюлэм куронэ доры. Иисус Христос пыр Инмар монэ ӧтиз Инмысь кузьым басьтон доры.15Озьыен, асьме пӧлысь кинъёс асьсэды дун-шектэмесь луиськомы шуыса малпало, соос но мон кадь малпаськыса улыны кулэ. Нош тӥ маке сярысь мукет сямен малпаськоды ке, соку тӥледлы ваньзэ сое Инмар усьтоз.16Зэм но, ма кемозь асьмеос вуимы-будӥмы ни, озьы ик малпаськыны но со куронъёсъя ик улыны но кулэ.

17Агай-вынъёсы, мынэсьтым адӟем каре но учке соос шоры, кинъёс милесьтым адӟем карыса уло.18Уго тросэз, кинъёс сярысь мон тӥледлы ӵем вералляй, нош табере синкыли пыр верасько, Христослэн киросэзлы тушмонъяськыса уло.19Соослэн улонзылэн пумыз – бырон, соослэн инмарзы – кӧт, соослэн данзы но юрӟым уж бордын: соос музъем вылысез сярысь малпасько.20Нош асьмелэн дормы – Инмын, отысь ик асьмеос Утисьмес, Кузё-Инмармес Иисус Христосэз, витиськомы но.21Со асьмелэсь куанер-мискинь мугормес Аслаз кужыменыз данлыкен пиштӥсь Аслаз мугорызлы кельшись-тупась карыса воштоз. Та кужымен ик Со ваньзэ Аслыз тэрытскись карыны но быгатэ.


предыдущая глава Глава 3 следующая глава