Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕФЕС КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 5

5-тӥ ЛЮКЕТ

1Инмарлэн яратоно нылпиосыз луиськоды бере, Инмарлэсь адӟем карыса улэ.2Яратонэн улэ, кызьы Христос асьмеды яратӥз но асьме понна Ассэ Инмарлы курбон сётӥз, – ческыт зыно, Инмарлы ярась курбон сётӥз.

3Азыса-калгыса улон, пӧртэм юрӟым-кырсь ужъёс, барыш люкан сярысь тӥ пӧлын вераськон ик медаз потылы. Вӧсяськись калык сыӵе ужъёсты лэсьтыны кулэ ӧвӧл.4Озьы ик, юрӟым кылын вераськон, юнме супыльтон, серекъян-горон но тӥледлы уг тупало, соос интые тӥ дорысь тау карон кылъёс мед кылӥськозы.5Тодэлэ уго: нокудӥз но азыса-калгыса улӥсь, юрӟым-кырсь ужъёс лэсьтӥсь, барыш люкаса улӥсь – сульдэръёслы-идолъёслы йыбыртъясь – Христослэн, Инмарлэн Эксэйлыказ люкет уз басьты.

6Йӧнтэм кылъёсын нокин но тӥлесьтыд визьдэс медаз сына, медаз пӧя, уго со понна тэрытскытэк улӥсьёс вылэ Инмарлэн вожпотонэз лыктэ.7Соин ик сыӵе муртъёсын эн эшъяське.8Куке но тӥ пеймытлык вал, нош табере, Кузё-Инмар бордын улыса, югытлык луиды. Югытлыклэн нылпиосыз кадь улэ ук.9Духлэн емышъёсыз таӵеесь: ӟеч сямо луон, шонерлыко, зэмлыко улон.10Инмарлы ярамон луоноез сярысь тодыны тырше.11Емыш сётӥсьтэм пеймытлыклэн ужъёсаз эн пыриське, соосты шарае, кыре поттэ.12Уго сыӵе адямиос сярысь, мар соос лушкемен лэсьто, вераны ик возьыт.13Ваньмыз та ужъёс югыт азьын шарае поттӥсько. Уго югыт ваньзэ шарае поттэ, со ачиз югыт.14Соин ик шуэмын:

«Султы, кӧлӥсь, кулэмысь улӟыса султы, Христос тонэ югдытоз».

15Чаклаське, сак улэ, укылтэмъёс кадь эн улэ, визьмо муртъёс кадь улэ.16Дырдэс юнме эн быдтэ, кескич нуналъёс вуэмын уго.17Укылтэмесь эн луэ, Инмарлэсь эриксэ валаны тырше.18Винаез кудӟытозяды эн юэ, со бордысь азыса-калгыса улон потэ; Духен тыр луыса улэ.19Куспады псалом чирдыса, данъян кылбуръёсын, духовной кырӟанъёсын ог-огдэс визьмалэ. Вань сюлмысьтыды кырӟаса, Кузё-Инмарез данъяса улэ.20Асьмелэн Кузё-Инмармылэн Иисус Христослэн нимыныз котьку но ваньмыз понна Инмар Атайлы тау каре.21Инмарлэсь кышканэн ог-огдылы тэрытске.

22Кышномуртъёс! Кузё-Инмарлы кадь кузпалъёстылы тэрытске,23малы ке шуоно пиосмурт кышноезлы йыр луэ озьы, кызьы Христос Черклы йыр луэ. Со ик Черклэн – Мугорлэн – Утисез луэ.24Кызьы Черк Христослы тэрытске, озьы ик кышномуртъёс но асьтэлэн кузпалъёстылы котьмар ласянь тэрытске.

25Пиосмуртъёс! Яратэлэ асьтэлэсь кышноостэс, кызьы Христос Черкез яратӥз, со понна Со Аслэсьтыз улонзэ сётӥз.26Сое Со вуын дун-сьӧлыктэм кариз, кыл пыр чылкытатӥз,27Аслаз азяз чик виштытэм, чик шектэм, нокыӵе изъянэз луисьтэм данлыко Черкез султытон понна, дун-сьӧлыктэм, дун-шектэм сое карон понна.28Озьы ик воргоронъёс но асьсэлэсь кышнооссэс асьсэлэсь мугорзэс кадь яратыны кулэ: кин кышнозэ яратэ, со ассэ яратэ.29Уго нокин но, ноку но аслэсьтыз мугорзэ синазькыль ӧз на кары, котькудӥз адями ас мугорзэ сюдэ, шунтэ озьы, кызьы Кузё-Инмар но Черкез сюдэ, шунтэ,30малы ке шуоно асьмеос Христослэн Мугорызлэн люкетъёсыз луиськомы, Солэн Мугорызлэсь, Солэн лыосызлэсь кылдэмын луиськомы.31Соин ик адями аслэсьтыз атайзэ, анайзэ кельтоз но аслаз кышноез борды лякиськоз, соос кыкназы одӥг лулмугор луозы.32Та ватӥськыса улӥсь зэмлык паймымон мур, мон верасько Христос сярысь, Черк сярысь.33Котькудӥз тӥ пӧлысь аслэсьтыз кышнозэ ассэ ачиз кадь мед яратоз; нош кышномурт аслэсьтыз картсэ гажаса, сӥлы карыса мед улоз.


предыдущая глава Глава 5 следующая глава