Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕФЕС КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 4

4-тӥ ЛЮКЕТ

1Кузё-Инмарлы оскеме понна мон пытсэтын пукись луи. Сюлворыса курисько: Инмарлэн ӧтем улонэзлы тупамон улэ:2востэм, зӥбыт улэ; ваньзэ чидалэ, огдэс огды гажалэ-яратэлэ.3Одӥг духен тупаса, огмылкыдын улыны тырше.4Одӥг мугор, одӥг дух; озьы ик, кызьы вань одӥг гинэ оскиськонды но, кудаз тӥледыз Инмар ӧтиз.5Вань одӥг Кузё-Инмар, одӥг оскон, одӥг пылатон.6Вань одӥг Инмар, Кудӥз ваньмызлы Атай луэ. Со ваньмызлэсь вылӥын, Со ваньмыз пыр, Со ваньмы бордын.

7Христослэн висъям мертэтэныз котькудмылы асьмелы нимысьтыз дэлет сётэмын.8Соин ик шуэмын уго:

«Со вылӥе ӝутскиз, пленэ сюремъёсты Аслыз басьтӥз,
адямиослы саламъёс-кузьымъёс сётъяз».

9Нош «ӝутскиз» шуэм мае возьматэ? Сое ик уг шат, кызьы Со азьвыл ик музъемлэн пыдэсказ васькиз?10Васькись Со ик вань но, Кин Аслаз дэлетэныз дуннеез пачылмытон понна вань инъёслэсь вылӥе ӝутскиз.11Одӥгъёссэ Со апостол, мукетъёссэ пророк, куд-огзэ Ӟеч Ивор тодытӥсь, куд-огзэ возьмась-пастырь, куд-огзэ дышетӥсь карыса пуктӥз.12Со соосты Христослэсь Мугорзэ юнматонын вӧсяськись калыкез ужаны-тыршыны дасян понна пуктӥз, –13ваньмы асьмеос одӥг осконэ, Инмар Пиез тодонэ вуытозямы, Христослэн тыр луонэзлэн арескозяз быдэ вуытозямы.14Ялан вож нуныос кадесь асьмеос медам ни луэ, кескич адямиослэн пӧяськон ужъёс пыр малпам олокыӵе но дышетонъёсынызы тунсыкъяськонъёслэн тулкымзы асьмеды азьлань-берлань медаз ни нуллы.15Зэмлыкез яратыса верамы ке, соку асьмеос котьмар ласянь ваньмызлы Йыр луись Христос дорозь будысалмы.16Христослэн кужыменыз Мугорлэн вань ёзъёсыз пӧртэм пумо герӟетъёсын куспазы огазеясько, юнматӥсько. Котькуд люкет солы кулэ ужез быдэсъя ке, соку яратон пыр Мугор будэ, юнма.

17Соин ик мон верасько но Кузё-Инмарлэн нимыныз сюлворисько: лэсянтэм-кулэтэм малпанъёсын язычникъёс кадь эн ни улэ.18Соос визьмынызы сураськемын, Инмар бордын улонлэсь палэнскемын, уго соос тодӥсьтэм-валасьтэм, пеймыт калык, сюлэмъёссы измемын.19Визьзэс ыштон доры вуизы ни соос: азыса-калгыса уло, котькыӵе кырсь-юрӟым ужез пичи но возьдаськытэк лэсьто.20Таӵе улонлы Христослэсь тӥ ӧд дышетске, –21тӥ Со сярысь кылӥды, Со бордын дышетскиды – уго зэмлык Иисус бордын.22Со дышетонъя тӥледлы азьвыл улон сямдылэсь но ӧрекчи куронъёсын сэрен сисьмоно вужмем адями луондылэсь куштӥськыны кулэ.23Визьмыныды, духеныды мед выльмоды,24выль адями мед луоды, уго сое Инмар, Аслыз укшатыса, шонерлык, зэмлык, дун-сьӧлыктэм улон понна кылдытӥз.

25Соин ик, ӧрекчаськемысь дугдэ но асьтэлэн матысьтылы шонер кылъёсты гинэ вералэ, малы ке шуоно ваньмы асьмеос одӥг Мугорлэн люкетъёсыз луиськомы.26Йырды кур луиз ке, эн сьӧлыкалэ: шунды пуксьыса медаз вуы, йыркуръяськонды мед кысоз;27диаволлы инты эн кельтэ.28Кин азьвыл лушкаськыса улӥз, азьланяз медаз ни лушкаськылы. Эсьмаса, умойгес мед ужалоз но, ас киыныз пайдаё маке лэсьтыса, ёрмыса улӥсьлы маке но сётыны мед быгатоз.29Нокыӵе но сисьмем кыл тӥляд ымысьтыды медаз поты, ӟечъёсыз гинэ, осконэз юнматӥсь-дышетӥсь кылъёс гинэ ымысьтыды мед потозы, кылзӥськисьёслы соос пайда мед ваёзы.30Инмарлэсь Святой Духсэ ӝоже эн уськытэ, мозмытскон нуналды вуыкулы Солэн печатеныз тӥ пусъемын.31Керӟегъяськыса, йыркуръяськыса, вожпоттыса, лек кылъёсын керетыса улон вань урод ужъёсын ӵош тӥ пӧлысь быдтэмын луыны кулэ.32Ог-огеныды лякытэсь, гажась-жалясесь луэ, огдылэсь огды сьӧлыкъёстэс куштэ, кызьы Инмар Христос пыр тӥлесьтыд сьӧлыкъёстэс куштӥз.


предыдущая глава Глава 4 следующая глава