Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ПАВЕЛ АПОСТОЛЛЭН ЕФЕС КАРЫН УЛӤСЬЁСЛЫ ЫСТЭМ ГОЖТЭТЭЗ

Глава 3

3-тӥ ЛЮКЕТ

1Со понна ик мон, Павел, тӥледлы, язычникъёслы луыса, Иисус Христослэн пытсэтын пукисез луи.2Тӥ кылӥды, дыр, ини, тӥледлы Инмарлэсь гажан-жалянзэ тодытон мыным сётэмын вал шуыса.3Инмар мыным ватӥськыса улӥсь зэмлыкез усьтӥз, со сярысь мон вылӥын вакчияк тӥледлы гожтӥ ни.4Сое лыдӟыса, тодыны быгатоды, кызьы мон Христос сярысь ватӥськыса улӥсь зэмлыкез валаны кутски.5Азьвыл улэм адямиослы та ватӥськыса улӥсь зэмлык ивортэмын ӧй вал, кызьы сое али Христослэн святой апостолъёсызлы, пророкъёслы Святой Дух усьтӥз.6Усьтӥськем зэмлыклэн пуштросэз луэ та: мукет калыкъёс но Ӟеч Ивор пыр люкет басьтӥсьёс луо, соос иудейёсын ӵош одӥг мугор кылдыто но Иисус Христос бордын сӥзиськонэз басьтыны быгато.7Инмарлэн мыным сётэм дэлетэныз, кужыменыз Инмарлэсь Ӟеч Иворзэ тодытонын мон ужась-тыршись луи.8Мыным, вӧсяськисьёс пӧлысь самой покчиезлы, таӵе дэлет сётэмын: Христослэсь мертаны луонтэм узырлыксэ – Ӟеч Иворез – язычникъёслы тодытон9но Инмар малпанлэсь ватӥськыса улӥсь зэмлыксэ ваньмызлы усьтон. Сое, пумтэм вапумъёсысен кутскыса, Иисус Христос пыр ваньзэ кылдытӥсь Инмар Ас бордаз ватыса возиз.10Черк пыр Инмысь вылӥ Кылчинъёслы, Ин кужымъёслы Инмарлэн пӧртэм пумо туж бадӟым визьлыкез табере тодмо мед луоз.11Пумтэм вапумъёслэсь азьло ик лэсьтыны чакламез Инмар Кузё-Инмармы Иисус Христос пыр быдэстӥз.12Христос бордын улыса, Солы оскон пыр асьмеос кышкасьтэм луимы, Инмар доры кариськыны оскиськон басьтӥмы.13Со понна ик мон тӥледыз курисько: тӥ понна мыным курадӟонъёс чидано луэ шуыса, ӝоже эн усе – мынам та курадӟонэ тӥледлы дан ваёз.

14Со понна ик мон Кузё-Инмармылэн Иисус Христослэн Атаез азьын пыдесъяськыса сылӥсько,15Кудӥз бордысь Инмысез но, музъем вылысез но котькудӥз выжы-улы аслыз ним басьтэ.16Инмарлэсь курисько: Аслаз данлыкез узыр луэмен, Аслаз Духеныз тӥлесьтыд лулдэс-сюлэмдэс мед юнматоз.17Осконды пыр Христос сюлмады мед интыяськоз, яратон вылэ пыкиськыса, тӥ выжы мед лэзёды, соин мед юнматскоды.18-19Вань вӧсяськисьёсын ӵош, Инмарлэн дэлетэныз-ӟечлыкеныз пачылмыса улон понна, валаны мед быгатоды, мед тододы макем паськыт но кузь, макем мур но ӝужыт Христослэн яратонэз. Со котькыӵе тодонлыклэсь но вылӥын.

20Дан Солы, Кин асьме пушкын ужась кужыменыз, мае куриськомы яке мар сярысь малпаськом-сюлмаськиськом, бадӟымлэсь но бадӟымгес ӟечлык сётыны быгатэ.21Иисус Христос бордын быдэс Черк вапумысь вапумъёсы, выжыысь выжые Инмарез данъяса мед улоз. Аминь.


предыдущая глава Глава 3 следующая глава